Jeremías 47:5 - Chuj San Sebastian Bible

⁵ A smasnil eb' 'anma 'a chon̈b' Gaza, 'oj sjoxl eb' xil sjolm yuj cusc'ojlal, ax eb' 'ay 'a chon̈b' Ascalón, caw sictac xoj 'oj 'aj eb'. Ax xo cajn ex 'a span̈nil sti a mar, ¿b'a'n̈ 'oj eyoch wan eya'n lajwc e niwnal yuj e ch'oxn 'el e cusc'ojlal?

Chuj San Mateo Bible

⁵ Masanil eb' aj Gaza ol sjoxel xil sjolom eb' yuj cusc'olal. Axo eb' ay d'a Ascalón man̈xo ol yal-laj slolon eb' yuj satcanq'ue sc'ool. A exxo cajan ex d'a yac'lical sti' a' mar, ¿b'aq'uin̈ ol eyactej eyac'an echnaj e nivanil yuj e ch'oxanel e cusc'olal?

Jeremías 47:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:28

'Ix swach' 'a'n 'el eb' yaw, xlaj spolnc lajwc sb'a eb' yet' q'uen cuchlub' yet' pax q'uen cotc lanza 'icha xon sb'eyb'al eb'; nab'a chic'xn̈ej x'aj eb'.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.

Jeremías 16:1

'Ix paxtin Jehová 'ayin, 'ix yaln 'ixtic:

Jeremías 16:6

'Oj cham eb' 'ichmtac 'anma', yet' eb' cotc 'unn 'a jun nacion̈ tic. May mach 'oj mucn eb', may mach 'oj 'oc' yuj eb'. May mach 'oj 'a'nc lajwc sniwnal, mto sjoxn 'el xil sjolm yuj sch'oxn scusc'ojlal yuj eb'.

Jeremías 25:20

yet' junjn macn̈ eb' 'anma 'ayc' ta'. 'Ix wa'n pax yuc' smasnil eb' rey 'ay 'a chon̈b' Uz, yet' eb' 'ay 'a yol smacb'en eb' filisteo: atn Ascalón, Gaza, Ecrón yet' eb' 'ayt can pax 'a Asdod.

Jeremías 41:5

'ix jaw 80 eb' winc xcot 'a Siquem, 'a Silo, yet' 'a Samaria. Joxb'il 'el xil sti eb' yu'uj, tzilquixtac spichl eb' 'aychi, lajwnac sniwnal eb', mun a eb' 'ixta xyutj sb'a. Yet' eb' 'ixm trigo, yet' incienso, yic tzya'n eb' xajmb'al-l 'a Jehová 'a yatut.

Jeremías 47:1

Atn wal jun tzo'n̈ paxti tic 'ix yal Jehová 'ayn an Jeremías in tic yuj eb' filisteo yic mantzac c'och win sreyl Egipto yac' owl 'a chon̈b' Gaza:

Jeremías 47:4

Yujto xc'och sc'ul slajw 'el eb' filisteo, atn eb' tzcolwj to 'a chon̈b' Tiro yet' 'a Sidón, xchi Dios. A Jehová 'oj satnc 'el eb' filisteo, atn smasnil eb' cotnc 'a chon̈b' Creta 'a snan̈l a mar.

Jeremías 48:37

Smasnil eb' winac, tox 'ix sjoxl eb' xil sjolom, tox 'ix sjoxl eb' xil sti'. C'uxn spol lajwc eb' sc'ab', cojxn̈ej jun tzo'n̈ pichl n̈achtac sat 'aych yuj eb'.

Ez 25:16

Yuj cha, tzwaln cani: To 'oj wi' chan̈ in c'ab', ax wa'n 'och syailal eb' filisteo cha, 'oj in satl eb' quereteo, yet' smasnil eb' 'ay 'a sti a mar.

Ez 7:18

ax ya'n 'och eb' sn̈achtac pichl yuj scusc'ojlal cha. 'Oj 'ib'xoc chan̈ sniwnal eb' yuj xiwlal, 'oj schacb' 'el sat eb' yuj q'uixwelal, ax sjoxn 'el eb' xil sjolm smasnil.

Lv 19:28

An Jehová in, an tzwala. Man̈ e jop lajwc e b'a yuj cusc'ojlal yuj junc chamnc 'anma'. Man̈ e comn 'a'c 'och yechl junc tas 'a e niwnal.

Lv 21:5

Man̈ cab' sjoxl eb' xil sjolom, matz tac' pax sjoxn 'el eb' xil sti'. May cab' eb' tzyac' lajwc sniwnal yuj junc chamnc 'anma cha.

Miqueas 1:16

Joxc 'el xil e jolm yuj cusc'ojlal. Chact'irnac cab' tz'ajcn e jolm chi 'icha wal sjolm no xulem, atn yuj eb' eyunnal to caw wal 'ay e chamc'ojlal 'a 'a, yujto 'oj 'ijxoc 'at eb' 'icha presoal, xchi Dios.

Mr 5:5

Sc'ual ya'wlil sb'eyc' win 'a 'aj 'ay jun tzo'n̈ witz yet' 'a campusan, caw tz'el yaw winac, tzma'n lajwc sb'a win yet' jun tzo'n̈ q'uen q'ue'en.

Dt 14:1

An̈ec tic, yunnaln̈ec xo Jehová Dios, man̈ ca'c lajwc qui niwnal yuj junc chamnc 'anma', man̈ qui joxlec xil qui jolm 'a snan̈l qui sat.

Jueces 1:18

Palta ma'ix stac' yi'n 'ec' eb' yin̈tl Judá chi chon̈b' Gaza, Ascalón, Ecrón, yet' smasnil lum lum 'ay 'a yol yic junjn chon̈b' cha.