Jeremías 46:24 - Chuj San Sebastian Bible

²⁴ A eb' 'aj Egipto tic, caw 'oj q'uixwc 'el eb', 'oj 'ajxoc ganar eb' yuj eb' chon̈b' 'oj cot 'a stojlal norte, xchi Dios.

Chuj San Mateo Bible

²⁴ A eb' aj Egipto tic ol ac'joc q'uixvelal eb', ol ac'jococh eb' d'a yol sc'ab' juntzan̈ nación ol cot d'a stojolal norte, xchi Jehová.

Jeremías 46:24 ပူးပေါင်းရင်းမြစ်များ

Salmos 137:8

Ex 'aj Babilonia, jab'xoj wal 'oj e satli. Caw wach' yic eb' 'oj 'a'nc qui pac yuj tas on̈ eyutj on̈.

Jeremías 1:15

An Jehová in, an tzwal 'ayach, 'oj wawtc cot smasnil eb' nacion̈ 'ay 'a stojlal norte, ax sjaw jun tzo'n̈ sreyl eb' 'a tic, ax sb'on chan̈ junjn eb' sdespacho 'a sti spuertail chon̈b' Jerusalén tic, 'oj 'och oyn eb' 'a spatquil 'el smuroal jun chon̈b' tic, yet' pax 'a smasnil chon̈b' 'ay 'a yol yic Judá.

Jeremías 46:11

Ex cob's 'aj Egipto, 'ixquec sayj remel 'a Galaad. Wach'xam til wal remel 'oj e c'ana', palta man̈x 'a yopiso, yujto man̈x 'a junc remel 'oj stac' scoln 'el e chon̈ab'.

Jeremías 47:2

A Jehová tzaln 'ixtic: A 'a stojlal norte, ata 'oj cot jun b'uln̈ eb' soldado, 'icha wal junc niwquil 'elmal a tzpultz'j 'el 'a sb'e scoti. C'uxn 'oj yac' lajwc 'el eb' jun nacion̈ tic, yet' smasnil tas 'ay 'a 'a, yet' smasnil jun tzo'n̈ xo chon̈ab'. A smasnil eb' 'anma cajn 'a schon̈b' eb' filisteo tic, caw 'oj 'el yaw eb', ax yoc' eb' yab'n syail.