Jeremías 46:22 - Chuj San Sebastian Bible

²² An Jehová in, an tzwala: A yic 'oj jawc eb' soldado wul yac' owl yet' eb' 'aj Egipto tic, caw 'oj 'at eb' 'elc 'icha s'at junc no chan 'eloc yic tzxiw no'. 'Oj jawc eb' 'ajc'ojl 'a eb', 'icha wal s'at eb' winc yet' sch'acab' yic tz'at eb' ch'acjte'.

Chuj San Mateo Bible

²² A in Jehová in svala', ayic ol javoc eb' soldado ul yac' oval d'a Egipto tic, ol el lemnaj eb' aj Egipto tic icha sb'at junoc noc' chan ayic xiv noc'. Icha sb'at eb' vin̈ vinac yed' sch'acab' ch'acoj te', icha chi' ol aj sjavi eb' ajc'ol chi' d'a eb'.

Jeremías 46:22 ပူးပေါင်းရင်းမြစ်များ

Salmos 74:5

Lajn wal sc'an̈ eb' 'icha eb' c'atztzum 'a scal te niwc te'.

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Is 14:8

'Ixta eb' te q'uisis yet' te c'ute 'a Líbano, 'icha to tzpaxtin te', tzyaln eb' te 'ixtic: Yictax ach 'emt 'a opiso, ata 'on̈ 'och wan qui tzu'x 'ejmi, xchi eb' te'.

Is 29:4

Caw 'oj 'ijxoc 'ejm Jerusalén, 'icha to 'oj can t'ocn 'a sat lu'um, ax 'a sat lum chi 'oj paxtinc cha'an̈, toxn̈ej 'oj wulwnoc spaxtin 'a scal pococ, axn̈ej 'a yol lum 'oj paxtinc q'ueta, 'icha junc mach tzpaxtin yet' spixn junc chamnc 'anma'.

Is 37:24

'Ix a'n yal eb' a checb' tu paxti'al 'ayn an Jehová in, 'ix cob' aln 'ixtic: Til wal sb'isl in caruaje yic owl wet'i, yic in q'ue'ch 'a sjolm eb' lum witz caw niwc stel 'a yol yic Líbano. Xin ch'acn te c'ute niwc ste'il yet' te taj wach' yilxi. 'Ixta to b'i'an, in q'ue'ch 'a lum jolmctac witz 'ayb't 'a cha'an̈, xlaj wiln jun tzo'n̈ lum lum caw wach' yilx yet' sb'a'al.

Jeremías 46:21

A wal jun tzo'n̈ eb' soldado majnab'il coti, caw wal b'a'ch eb' 'icha no wacx caw b'aq'uech, palta locn eb' 'oj 'at 'eloc. Caw man̈x 'oj stac' ste'wtzan sb'a eb', yujto tzjaw sc'ul slajw 'el eb', tzc'och yorail sjaw syailal eb' 'a yib'an̈.

Jeremías 46:23

An Jehová in, an tzwala, 'icha to 'oj ch'acxoc 'el eb' 'icha tz'aj niwc ch'acte'. Caw niwn sb'isl eb' soldado chi 'icha no c'ulub', may junc mach tztechj sb'isn eb'.

Miqueas 1:8

Yuj wal cha, tzin 'oc' si'mb'il yuj cusc'ojlal; jitn in 'eli, may in xan̈b' 'aychi tzin 'eq'ui. Xoj yel waw 'icha junc no 'oques, mto 'icha junc no cujub'.

Miqueas 7:16

'Oj yil pax jun tzo'n̈ xo nacion̈, tas 'oj ex wutoc, ax sq'uixw can 'el eb', wach'xam caw jeln eb', 'oj cancn eb' 'a 'icha to matz tac' spaxtini, matz tac' pax yab'n eb'.

Zacarías 11:2

Yuj cha, 'icha to 'oj 'oc' te taj, yujto tox 'ix 'ejm te c'ute cha. A jun tzo'n̈ te te man̈x jantcoc swach'l yilx cha, tox 'ix lajw 'ejm te'. 'Icha pax to 'oj 'oc' te mach' 'a yol yic Basán, yujto a te niwc te pim yaj cha'an̈, tox 'ix lajw 'ejm te'.

Josué 9:21

'Ixta 'ix yutj eb' yajl chi yalni sec matz cham junc'aj eb' 'anma cha. 'Ix can cajn eb' chuc chon̈b'al chi 'a scal eb' israel, sec ax eb' tz'i'w cot c'atzitz yet' a a tzc'an eb' israel cha. 'Ixta 'ix yutj eb' yajl chi ya'n 'el'choc sti cha.