Jeremías 46:14 - Chuj San Sebastian Bible

¹⁴ Al yab' eb' chon̈b' 'a yol yic Egipto, atn Migdol, Menfis, yet' Tafnes to tzya' lista sb'a eb'. Macwj cab' eb', yujto a eb' 'anma 'ay 'a stz'ey eb', wan laj smilx cham eb' yuj q'uen espada.

Chuj San Mateo Bible

¹⁴ Alel d'a yol smacb'en Egipto, aton d'a Migdol, d'a Menfis yed' d'a Tafnes icha tic: Aq'uec lista e b'a. Macvajan̈ec, yujto van scham eb' anima d'a e lac'anil yuj q'uen espada.

Jeremías 46:14 ပူးပေါင်းရင်းမြစ်များ

A Ch'an̈ Schab'l Libro Samuel 2:26

'Ix 'awj 'at Abner chi 'a Joab, xyaln 'ixtic: —¿Tom ma'oj och wan a miln cham eb' 'anma tic? ¿Tom man̈xtzac a na jab'oc, chajtlto a jun tic, cojn somc'ojlal tzyij cot 'ayon̈? ¿B'a'n̈ wal 'oj al 'a eb' 'anma tic, yic tz'och wan eb' spechn b'eyc' eb' yit chon̈ab'? xchi.

Ex 14:2

Al 'a eb' et israelal tic, to tzmeltzj eb' jac 'a spatic, axta tz'och wan eb' 'a Pi-hahirot, 'a snan̈l Migdol yet' a mar, 'a yojltac Baal-zefón, ata tze b'o e mantiado 'a sla'nil sti a mar cha,

Is 1:20

palta toto an̈ja tenmtac tzeyutj e b'a, 'oj e cham 'a scal 'owl 'oj wa' cot 'a eyib'an̈, xchi.

Is 19:13

A eb' yajl yaj 'a chon̈b' Zoán, caw may snab'en eb'. A eb' yajl yaj 'a chon̈b' Menfis, 'ix schaj 'ixtxoc paxti sb'a eb'. A jun tzo'n̈ eb' yajl chi tzjucb'tzan jun tzo'n̈ xo eb' 'aj Egipto 'a tas man̈ tojloc.

Is 31:8

'Oj 'ejmc Asiria yuj q'uen espada, palta man̈ 'anmac 'oj utnc 'ixta yet' sjelnal. A jun owl chi 'oj pechnc 'at eb' 'anma 'a jun chon̈b' chi 'eloc, ax eb' quelmtac, 'oj 'ochcn eb' mosoal.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.

Jeremías 12:12

Smasnil lum tzalctac 'a lum cusltac lu'um, caw xjaw eb' winc wul satcn 'eli. Yujto an Jehová in tic, 'ay jun wespada, a tz'a'n lajwc 'el eb' 'anma 'a jun nacion̈ tic 'a 'aj tzlajw c'och junjn pac' sti', man̈x 'a 'aj 'ay junc'ojlal.

Jeremías 2:16

A eb' 'anma 'aj chon̈b' Menfis yet' eb' 'aj chon̈b' Tafnes, sjoxjnac 'el eb' xil e jolom.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Jeremías 44:1

A jun tzo'n̈ spaxti Dios in chajnac an Jeremías in tic yic tzalx 'a eb' 'aj Judá cajn 'ec' 'a stojlal norte 'a yol smacb'en Egipto, atn 'a chon̈b' Migdol, 'a Tafnes, 'a Menfis, yet' 'a stojlal sur.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Jeremías 46:19

Yuj cha, ax cajnex 'a Egipto tic, 'a'c lista e b'a, yujto 'oj eyijx 'at 'icha presoal. A chon̈b' Menfis, 'oj cancn 'a cusltac lumal, 'oj lan̈chjoc can 'ejmi, man̈x 'a mach 'oj can cajn 'a 'a.

Jeremías 46:2

Yic schan̈l ab'il xo yoch Joacim yunnal Josías reyl 'a Judá, atnta 'ix uj jun tic. A win Necao sreyl Egipto yet' eb' soldado 'ix 'ajx ganar eb' 'a Carquemis 'a stz'ey a niwn a Éufrates yuj win Nabucodonosor sreyl Babilonia yet' soldado. 'Ixtc 'ix yutj Jehová yaln 'ayn yuj eb' soldado yic Egipto:

Ez 21:28

Ach 'anma', al yab' eb' amonita tzb'uchwj 'a chon̈b' Israel, to an Jehová Yajl in, an 'ixtc tzwutj waln 'a eb': 'Iltec wal jun espada, lista xo yaj smilwji, caw wal tzictzni yel sc'a'l 'icha raya.

Ez 30:13

An Jehová in, an tzwala: 'Oj in satl smasnil jun tzo'n̈ yechl comn dios, yet' jun tzo'n̈ comn dios 'ayc' 'a chon̈b' Menfis. Man̈x 'a mach 'oj 'och yajlil 'a Egipto, ax wa'n xiwc'ojlal 'a smasnil 'anma 'a jun nacion̈ cha.

Os 9:6

'Oj e 'at 'elc 'a jun yailal 'oj jawoc. Ax eb' 'aj Egipto 'oj wul e molb'tzanc 'ati. A 'a chon̈b' Menfis, ata 'oj laj e mucxi. A 'aj molb'il q'uen plata 'aych e ricoaloc, yet' e yet'l 'aj tzlaj ex 'ec' cajan, ata 'oj pitzwc chan̈ te c'ultac, nab'a q'uix 'oj 'ajcni.

Nahúm 2:13

A Jehová tztac' yuj smasnil, a tzaln 'ixtic: 'Ayn 'och wal 'ajc'ojlal 'ayx ex 'aj Nínive. 'Oj wac' n̈usxoc jun tzo'n̈ e caruaje yic owal, ax wa'n can 'och tab'il. 'Oj in mil cham smasnil eb' e soldado, ax in satn can 'el smasnil tas 'elc'b'il cot eyu'uj. Man̈x 'a 'aj ow 'oj yutc paxtinc sb'a eb' e checab', xchi Dios.

Dt 32:42

Caw chi'ctac 'oj 'aj in jul-lab' yuj schic'l eb', ax wespada 'oj tzu'nc can 'at snan̈l schib'jal eb' chamnc cha, yet' eb' yamchjnac cot 'a owal. A sjolm eb' yajl yajch 'a eb' 'ajc'ojl cha, caw chi'ctac xoj 'oj 'ajcni, xchi Dios.