Jeremías 44:27 - Chuj San Sebastian Bible

²⁷ Yujto wan wiln ticnec, to 'oj wa' cot yailal 'a eyib'an̈, man̈oc wach'l 'oj wa' coti. E masnil ex 'aj Judá cajn ex 'ec' 'a Egipto tic, 'oj e satl yuj owal, yuj pax wejel.

Chuj San Mateo Bible

²⁷ Yujto van vilani to ol vac'b'at yaelal d'a eyib'an̈, man̈oc vach'il ol vac'b'ati. Masanil ex aj Judá cajan ex d'a Egipto tic, ol ex satel yuj oval, yuj pax vejel.

Jeremías 44:27 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 21:14

Ax jaywn̈ xo eb' in chon̈b' tic, 'oj wactc can eb', ax wa'n can 'och eb' 'a yol sc'ab' eb' 'ajc'ojl yajch 'a 'a, sec wach' 'oj 'ijxoc can 'ec' smasnil tas 'ay 'a eb'.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Jeremías 21:10

An Jehová in, an tzwala to tox xin nalb'ej wi'n cot yailal 'a yib'n̈ jun chon̈b' tic, man̈xoc wach'l 'oj wi' coti. 'Oj wa'ch 'a yol sc'ab' sreyl Babilonia, ax 'oj n̈usnoc cani.

Jeremías 31:28

An Jehová in, an tzwala to an wa'jnac wip in to'n q'ueta, xin ma'n 'ejmi, 'ix lan̈chj 'ejm wu'uj, xin satn 'eli, xwixtn 'eli. Palta a yic 'oj jawc jun c'ul cha, an 'oj wa'x wip wawn 'ejm jun 'ejm xo, ax in b'on pax cha'an̈.

Jeremías 39:16

Al yab' win Ebed-melec 'aj Etiopía 'ixtic: A Jehová tztac' yuj smasnil, atn sDiosal Israel, a tzaln 'ixtc 'ayach: 'Oj wac' 'el'choc tas waljnac can 'a yib'n̈ jun chon̈b' tic. 'Oj jawc yailal, man̈oc wach'ilal. A yic 'oj ujc jun tzo'n̈ cha, caw 'oj el yet' a sat.

Jeremías 42:16

to 'ixta', a owal yet' wejl 'aj tzex xiwi, 'oj c'och pax 'ayx ta'. 'Oj e chamn̈j ta'.

Jeremías 44:12

A wal 'oj wutc ticnec, ax tic ex cant can cob' 'a Judá, palta ex jaw 'a Egipto tic, caw 'oj ex in satl 'a jun 'ejmn̈ej. Smasnil eb' cotc 'unin, yet' eb' 'ichmtac 'anma', 'oj cham eb' 'a owal, yet' yuj wejel. 'Oj jawc catb' 'a eyib'an̈, caw 'oj ex wi'cn 'ejmi. A eb' 'anma 'oj eyilni, caw 'oj xiw eb' eyu'uj.

Jeremías 44:13

'Oj wa'ch wal eyailal machx cajn ex 'ec' 'a Egipto tic, 'icha wutjnac wa'n syailal eb' 'aj Jerusalén yet' owal, wejel, yet' pax yab'il.

Jeremías 44:14

Ax 'aj Judá ex jawnacx cajn 'a Egipto tic, may wal jaywn̈oc ex 'oj e can 'a e pitznal. Wach'xam 'oj cob' e nib'c c'ochx cajn e b'a 'a Judá jun 'ejm xo, cojxn wal jayc'otc ex 'oj 'at e col e b'a ta', xchi Dios, xin chi 'a eb'.

Jeremías 44:18

Palta at 'a yic xcactn ca'n incienso yet' yal uva xajmb'al-l 'a 'ix syajlil satcha'an̈, ata xlajw 'ejm tas 'ay 'ayon̈, on̈ cham yuj wejel, yet' pax yuj owal, xchi eb'.

Jeremías 9:15

Yuj cha, an ton tic Jehová in, tztac' wuj smasnil, sDiosal in Israel, an tzwal 'ixtic: 'Oj wac' sc'ux eb' tas to caw wal c'a, ax wa'n yuc' eb' a a 'ay't veneno 'a scal.

Jeremías 9:16

Ax wa'n sactzic can 'at eb' 'a scal jun tzo'n̈ nacion̈ to man̈ 'ojcab'ilc yuj eb', man̈ 'ojc'ab'ilc pax yuj smam yichm eb'. Ax wa'n pechxoc b'eyc'oc eb' yet' q'uen espada, masnto 'oj satl eb' smasnil, xchi Dios.

Ez 5:12

A junc'aj 'anma 'ayx tic, 'oj cham eb' yuj yab'il yet' yuj wejl 'a yol chon̈ab'. Ax junc'aj xo eb', 'oj tzu'xoc cham eb' yuj eb' 'ajc'ojl yajch 'ayx 'a sti 'el chon̈ab'. Ax eb' yoxc'ajil, 'oj in pechcn 'at eb' 'a scal jun tzo'n̈ xo nacion̈. Ax wi'n q'uet wespada 'a yol yet'ul, ax woch tza'n yuj eb'.

Dn 9:14

Yuj wal chi Mamin, 'ix a'n cot jun yailal tic 'a quib'n̈ on̈. Yujto ach tic qui Diosal, caw tojln̈ej a nab'en 'a yib'n̈ smasnil tas tza b'o'o, palta an̈ xo tic on̈, caw matz qui chaj cab' tas tzal on̈.

Am 9:8

A Jehová tz'iln jun nacion̈ tic yet' sreyal, to caw maysch'olnil eb', yuj cha, tzyaln 'ixtic: 'Oj in satl jun nacion̈ tic, palta an Jehová in, an tzwala, to ma'oj in satl smasnil eb' yin̈tl Jacob tic 'a jun 'ejmn̈ej.