Jeremías 44:26 - Chuj San Sebastian Bible

²⁶ Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Chuj San Mateo Bible

²⁶ Palta e masanil ex aj Judá cajan ex d'a Egipto tic, ab'ec tas sval a in Jehová in tic d'ayex: A in val svac' in ti' to man̈xa junoc ex aj Judá ex tic olto in eyac' b'inaj d'a Egipto tic ayic tzeyac'an e ti' d'a junoc tas.

Jeremías 44:26 ပူးပေါင်းရင်းမြစ်များ

Gn 22:16

'Ix yaln 'ixtic: —An Jehová in, an tzwala: Yujto 'ix a yiclj a b'on jun tic, ma'ach xiw a'n jun c'otn̈ onnal tic 'ayin, yuj cha, an tzwac' in ti',

Salmos 50:16

Palta ax eb' maysch'olnil sb'eyb'al, tzyal Dios 'a eb' 'ixtic: ¿Tom 'ay eyaln eyic eyaln 'el in cuynb'il, yet' eyaln 'el yab'xil in trato?

Salmos 89:34

Ma'oj in ju 'in trato yet'oc. 'Oj wac' 'el'choc in paxti wa'jnac 'a 'a.

Is 62:8

Yuj cha, yet' wal spoder Jehová xya'n can sti 'ixtic: Man̈x 'a wal b'a'n̈ 'oj wac' swa eb' 'ajc'ojl e trigo, ax wa'n yuc' eb' chuc chon̈b'al eyal uva tzeyij 'a e munljel.

Jeremías 22:5

Palta toto ma'oj e cha eyab' jun tzo'n̈ tas 'ix wal tic, an Jehová in, an tzwac' in ti', to a jun despacho tic, 'oj satli, xchi Dios, xa chi, xchi 'ayin.

Jeremías 24:8

Ax pax Sedequías sreyl Judá, yet' eb' 'aych yajlil yet'oc, yet' pax smasnil eb' cajn 'a Jerusalén, atn eb' xcanto 'a jun nacion̈ tic, yet' pax eb' xc'och cajn 'a Egipto, a eb' cha, lajn wal yaj eb' 'a in sat 'icha te sat higo c'al xo, matz tac' sloxi.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Jeremías 44:11

Yuj cha, tzwaln an Jehová in, tztac' wuj smasnil, e Diosal in pax ax israel ex tic: Tox xin na'a, to 'oj wa' cot junc yailal 'a eyib'an̈, ax ex in satn 'el e masnil ax 'aj Judá ex tic.

Jeremías 44:14

Ax 'aj Judá ex jawnacx cajn 'a Egipto tic, may wal jaywn̈oc ex 'oj e can 'a e pitznal. Wach'xam 'oj cob' e nib'c c'ochx cajn e b'a 'a Judá jun 'ejm xo, cojxn wal jayc'otc ex 'oj 'at e col e b'a ta', xchi Dios, xin chi 'a eb'.

Jeremías 44:24

'Ix waln pax 'ixtc 'a eb' 'ix 'ix, yet' 'a smasnil eb' chon̈ab': —E masnil ex wit chon̈b' 'aj Judá, ex 'ayx 'ec' 'a yol yic Egipto tic, 'ab'c tas tzyal Jehová.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

Jeremías 49:13

An Jehová in, an tzwac' in ti': A chon̈b' Bosra, 'oj cancn 'a cusltaquil, caw 'oj xiw eb' 'anma yiln 'ochi, 'oj b'uchxoc yuj eb', ax scatb'tzan can eb'. Ax jun tzo'n̈ xo chon̈b' 'a yol yic Edom, 'oj ma'xoc can 'ejm lan̈chjoc eb' 'a jun 'ejmn̈ej, xchi.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Jeremías 51:14

A Jehová tztac' yuj smasnil, tox 'ix yac' sti 'ixtic: 'Oj wac' b'ut'joc 'el yol e nacion̈ tic yuj eb' soldado, 'icha no c'ulub', 'oj ya'l eb' yaw yuj ex ya'n ganar eb', xchi.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Os 4:15

Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Am 6:10

Caw niwquil xiwc'ojlal 'oj jawoc. A wal yic 'oj 'ijxoc 'elt sniwnal eb' chamnc chi 'a yol n̈a yuj eb' yican yic tzn̈usx tz'a'oc, 'oj yaln junc chi 'ixtc 'a junc xo mach tz'ec' 'a yol n̈a cha: ¿'Ayt am junc xo mach 'ayc' et'oc? 'oj xchioc. Ax sta'w jun chi 'a 'ixtic: May mach, 'oj xchioc. Yuj cha, ax yaln win b'ab'l chi 'ixtic: Sictac aj 'an, 'ay smay qui b'inan sb'i Jehová, 'oj xchioc.

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Nm 14:28

'Ixquec, 'at alc 'a eb', to an tzwal 'a eb' 'ixtic: An Jehová in, tox 'ix wac' in ti', to 'oj wac' 'el'choc 'icha 'ix wutj wab'n eyaln cha.

A Ch'an̈ Carta D'a Eb' Hebreo 3:18

¿Mach eb' 'aj ya'jnac Dios sti', chajtlto may b'a'n̈ 'oj 'och eb' 'iljoc yu'uj? Atn 'a eb' man̈ yiclumoc yutjnac sb'a 'a 'a.

A Ch'an̈ Carta D'a Eb' Hebreo 6:13

A yic ya'n Dios sti 'a Abraham pecti', mun slocjnac sb'i, yujto may junc mach 'ec'b'al yel'ch 'a yib'an̈. Yuj cha, man̈ slocjnacc sb'i junc xo mach.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.