Jeremías 44:19 - Chuj San Sebastian Bible

¹⁹ 'Ix yaln pax eb' 'ix 'ix chi 'ixtic: —An̈ tic, xqui b'o 'ixm wal 'icha yechl 'ix syajlil satcha'an̈, xcac' incienso yet' yal uva xajmb'al-l 'a 'ix, a smasnil tas 'ix qui b'o cha, yojc eb' quichmil tic on̈ tas yaji, xchi eb' 'ix.

Chuj San Mateo Bible

¹⁹ Ix yalan eb' ix ix icha tic: —A on̈ tic ix co b'o ixim vail icha yechel ix yajalil satchaan̈, ix co n̈usan incienso, ix cac'anpax vino silab'il d'ay. Masanil tas ix co c'ulej chi', d'a yichan̈ eb' vin̈ quetb'eyum ix co c'ulej, xchi eb' ix.

Jeremías 44:19 ပူးပေါင်းရင်းမြစ်များ

Gn 3:6

'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

2 Cr 21:6

An̈j sb'eyb'al eb' sreyl chon̈b' Israel sb'eylb'ej, yet' sb'eyb'al eb' yin̈tl Acab, yujto a 'ix yistzil win cha, yisl win Acab 'ix, yuj cha, caw maysch'olnil x'el sb'on 'a sat Jehová.

Pr 11:21

Wal yel, a eb' maysch'olnil sb'eyb'al, yowlal 'oj jawc yailal 'a yib'n̈ eb', ax eb' tojl sb'eyb'al, may tas 'oj jawc 'a yib'n̈ eb'.

Jeremías 44:15

Yuj cha, smasnil eb' winc to yojtac chajtlto a eb' 'ix yistzil ewin tz'a'n incienso xajmb'al-l 'a jun tzo'n̈ chuc diosal, yet' smasnil eb' 'ix 'ix 'ayc' ta', caw wal niwn sb'isl eb', yet' pax smasnil eb' 'aj Judá cajn 'ec' 'a Egipto, yet' 'a Patros, 'ix ta'w eb' 'ayn 'ixtic:

Jeremías 44:20

Xlajw cha, 'ix waln 'ixtc 'a eb' winac yet' 'a eb' 'ix 'ix cha:

Jeremías 7:18

A eb' 'unnab'il tzsayn cot te c'atzitz, ax eb' mamb'il tzecn 'och te c'ac', ax eb' 'ix nunb'il tzb'on 'ixm c'oxox, yic tzya'n eb' ofrendail 'a jun comn dios tzcuch syajlil satcha'an̈. Caw tzuntzj cot eb' yowl in c'ojol, yic tzya'n eb' yal uva 'a jun tzo'n̈ chuc diosal.

Nm 30:12

Palta toto a yic tzyab'n win yichmil 'ix cha, ax win tzma'n 'eq'ui, to 'ixta', man̈x yowlalc tzyac' 'el'choc 'ix sti cha. A Jehová 'oj yac' niwnc'ojlal 'a 'ix, yujto a yichmil 'ix chi tzma'n 'eq'ui.

Nm 30:8

Palta toto a yic tzyab'n sb'a win yuj jun cha, tzcot yowl win yu'uj, to 'ixta', man̈x yowlalc tzyac' 'el'choc 'ix sti cha. Ax Jehová 'oj yac' niwnc'ojlal 'a 'ix.