Jeremías 44:17 - Chuj San Sebastian Bible

¹⁷ 'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Chuj San Mateo Bible

¹⁷ An̈ej tas sco na' an̈ej ol co b'eyb'alej. Ol co n̈usn̈ej incienso, ol cac'n̈ej pax vino silab'il d'a ix yajalil satchaan̈, icha van co c'ulan ticnaic, icha sc'ulejnac pax eb' co mam quicham yed' eb' co reyal yed' eb' yajalil d'a yoltac juntzan̈ chon̈ab' d'a Judá yed' d'a yoltac scalleal Jerusalén. Yujto a d'a peca' chi', ay co vael, tzalajc'olaln̈ej ec'nac on̈, malaj yaelal javinac d'a quib'an̈.

Jeremías 44:17 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:16

'Ix yactn can eb' smasnil schecnb'il Jehová sDiosal, sb'on eb' chawn̈ yechl wacx tenb'il b'o'oc, sb'on pax eb' jun sch'oxnb'il sdiosal tzcuch Asera, 'ix 'och eb' 'emmquilal pax 'a jun tzo'n̈ c'anal yet' 'a Baal.

A Ch'an̈ Schab'il Libro Yic Yab'ixal Eb' Rey 22:17

Yujn̈ej to in yactj can eb' in chon̈b' tic, 'ix sn̈usntz'a eb' incienso 'a jun tzo'n̈ comn dios, 'ix tzuntzj cot eb' yowl in c'ojol, yuj jun tzo'n̈ sdiosal eb' sb'ojnac; yuj wal cha, 'ix cot yowl in c'ojl 'a jun lugar tic, matz tup yowl in c'ojl cha.

2 Cr 28:23

'Ix yac' xajmb'al 'a jun tzo'n̈ scomn diosal eb' 'aj Damasco, yujto x'ajx ganar yuj eb'. Xyaln cob' 'ixtic: A jun tzo'n̈ sdiosal eb' sirio tzcolwj 'a eb' sreyal, an̈jtona 'in, 'oj wac' in xajmb'al 'a jun tzo'n̈ sdiosal eb' cha, sec wach' 'oj colwjc pax eb' 'ayin, xchi Acaz. 'Ixtnta x'aj swach' cot 'a yib'n̈ yet' smasnil eb' yit chon̈ab'.

Nehemías 9:34

A eb' qui reyl on̈, eb' qui yajlil on̈, eb' ya'mal 'och qui ti 'ayach, eb' qui mam quichm on̈, ma'ix syiclj eb' a ley, ma'ix chaj eb' yab' tas 'ix alx 'a eb'.

Salmos 106:6

Lajn wal x'aj yoch qui mul 'icha ya'jnac eb' qui mam quichm 'a pecti 'on̈; on̈ 'ec' wal 'a yib'n̈ on̈, xqui b'on maysch'olnil.

Salmos 12:4

Atn eb' tzaln 'ixtic: Cojn toto tztac' qui paxtini, a qui ti 'oj qui colni. ¿Toc 'ay xon wal junc mach 'oj ste'wtzoc sb'a yoch cajliloc? xchi cob' eb'.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Is 48:5

'Aycto waln can eyab' jun tic, yic mantzac uji waln can 'ayex. Yuj cha, ma'oj stac' eyaln 'ixtc yuj jun tzo'n̈ yechl e comn diosal to te', mto q'ue'en: A qui diosal a 'ix nan chan̈ jun tic, a 'ix b'oni, man̈ xe chioc.

Jeremías 1:16

Atn wal jun yailal tic 'oj wa'ch 'a yib'n̈ eb' 'anma 'ix 'och smul 'ayin, yujto in yactj can eb', ax 'a jun tzo'n̈ comn dios 'ix yac' eb' 'emmquilal. Xya'n pax tz'a eb' incienso 'a 'a, palta mun a eb' xb'on jun tzo'n̈ chi yet' sc'ab'.

Jeremías 11:12

'Ixta to b'i'an, a eb' et chon̈b' 'aj Judá, yet' eb' cajn 'a Jerusalén, 'oj 'at eb' sc'an cob' scolwal sdiosal, atn jun tzo'n̈ 'aj tzyac' tz'a eb' incienso, palta ma'oj stac' scolx 'el eb' yuj jun tzo'n̈ chi 'a scal syailal 'oj jawc cha.

Jeremías 18:15

Palta an tic, in 'atcn satc'ojlal yuj eb' in chon̈b' tic, ax 'a jun tzo'n̈ comn dios, ata tzyac' tz'a eb' incienso. 'Icha to 'ix sat eb' 'a jun b'e to 'ayc' xon 'a yic pecti', ax 'a jun tzo'n̈ c'ultac b'e tz'at eb'.

Jeremías 19:13

Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

Jeremías 44:21

—¿Am wal e nan ax tic, to man̈ yojcoc Jehová, mto x'at satc'ojlal yu'uj, yic xeya'n incienso xajmb'al-l 'a jun tzo'n̈ chuc diosal 'a yoltc scayeal Jerusalén, 'icha wal yutjnac sb'a eb' qui mam quichmec cha, eb' qui reylec, eb' yajl yaj 'a qui calec, yet' smasnil 'anma 'a yol yic Judá?

Jeremías 44:25

A Jehová tztac' yuj smasnil, qui Diosalec an̈ israel on̈c tic, a tzaln 'ixtic: Ax tic yet' eb' 'ix eyistzil, xeyac' e ti 'a 'ix syajlil satcha'an̈, yic tzeya'n tz'a incienso yet' yal uva ofrendail 'a 'ix, atn tas wan eyiclni e b'on ticnec. Wach' toni, yicljec e b'on jun 'aj xeyac' e ti cha, xchi.

Jeremías 44:9

¿Tom wan s'at satc'ojlal smasnil smaysch'olnilal eb' e mam eyichm eyu'uj, yet' yic eb' sreyl Judá, yet' eb' 'ix yistzil eb'? An̈jtona x'och pax e maysch'olnilal ax tic yet' eb' 'ix eyistl 'a smasnil yol yic Judá, yet' 'a yoltc scayeal Jerusalén.

Jeremías 7:17

'In tzel tas tzb'o eb' 'a yoltc jun tzo'n̈ chon̈b' 'a yol yic Judá, yet' 'a yoltc scayeal chon̈b' Jerusalén.

Jeremías 7:18

A eb' 'unnab'il tzsayn cot te c'atzitz, ax eb' mamb'il tzecn 'och te c'ac', ax eb' 'ix nunb'il tzb'on 'ixm c'oxox, yic tzya'n eb' ofrendail 'a jun comn dios tzcuch syajlil satcha'an̈. Caw tzuntzj cot eb' yowl in c'ojol, yic tzya'n eb' yal uva 'a jun tzo'n̈ chuc diosal.

Ez 20:32

Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Ez 23:41

Xlajw cha, x'em wocn eb' 'ix 'a sti sch'at, wach'x pax yaj sb'o jun te mexa yet' tas tzc'uxxi. A 'a sat mexa cha, ata xyac' 'ejm eb' 'ix jun incienso yet' jun aceite to wic yaji.

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Habacuc 1:16

Tzyac' eb' 'emmquilal 'a schim, yet' 'a slucb' cha. Tzya'n eb' xajmb'al, tzn̈usn eb' incienso yuj sch'oxn 'el eb' yemmquilal. Caw wal tzalj eb', yujto wach' swa eb' yuj syamc'ab' cha.

Nm 30:12

Palta toto a yic tzyab'n win yichmil 'ix cha, ax win tzma'n 'eq'ui, to 'ixta', man̈x yowlalc tzyac' 'el'choc 'ix sti cha. A Jehová 'oj yac' niwnc'ojlal 'a 'ix, yujto a yichmil 'ix chi tzma'n 'eq'ui.

Nm 30:2

Toto 'ay mach tzyac' sti' ya'n junc tas 'a Jehová, mto junc strato tzb'o yet'oc, yowlal tzyac' 'el'choc spaxti cha, matz tac' sma'n 'ec' tas 'aj tzyac' sti cha.

Mr 6:26

Caw wal xcus win rey cha, yic xyab'n winac, palta man̈x 'ic yal sc'ojl win 'ix sma'q'ui, yujto tox 'ix sloc win sb'i Dios, 'ix yab' pax ewin 'ayc' yet' winac.

Dt 23:23

palta toto tz'el wal 'a e c'ojl eya'n junc tas 'a Jehová Dios, yowlal tzeyac' 'el'choc e ti tzeyac' cha.

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Sb'ab'el Carta San Pedro 1:18

A jun tzo'n̈ sb'eyb'al eb' qui mam quichmec, an̈j xqui b'eylb'ejc 'a yic yalan̈, palta nab'an̈ej cob' quixtjnaquec qui b'a. Ax ticnec, colchjnacn̈ec xo 'el 'a yol sc'ab' jun tzo'n̈ cha. Eyojc xo, to a qui colnb'ilec tic, ma'ix manx yet' jun tzo'n̈ tas ton̈j 'e'lb'a yeq'ui. A q'uen tumin, q'uen oro, yet' q'uen plata, may yopiso smann qui colnb'il tic.

Jueces 11:36

'Ix ta'w 'ix 'a smam chi 'ixtic: —Mamin, toto 'ay tas 'aj 'ix a ta'wj a ti a'n 'a Jehová, a cab' wet' tzac' 'el'choc tas 'ix al 'a cha. Yujto tox 'ix colwj Jehová et'oc yic x'a'n ganar eb' amonita 'a owal.