Jeremías 39:14 - Chuj San Sebastian Bible

¹⁴ a ewin in 'at 'a'nc 'ijxoc cot 'a 'amc' 'a 'aj 'ayn 'och 'a preso. In ya'n can 'och eb' 'a yol sc'ab' win Gedalías yunnal Ahicam win yixchicn Safán, sec tzin ya'ilx yu'uj. In ya'n win 'ijxoc 'at 'a yatut, 'ixta in 'aj in can cajn 'a scal eb' wit chon̈b' 'aycn 'a Judá.

Chuj San Mateo Bible

¹⁴ ix in schec ic'jielta eb' vin̈ d'a yamaq'uil b'aj ayin och preso chi'. Ix in yac'ancanoch eb' vin̈ d'a yol sc'ab' vin̈aj Gedalías yuninal vin̈aj Ahicam, yixchiquin vin̈aj Safán, yic tzin yac'an meltzaj vin̈ d'a in pat. Icha chi' ix aj in can cajan d'a scal eb' vetchon̈ab'.

Jeremías 39:14 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 22:12

Yajn̈j cha, 'ix ya'n win rey 'awtxoc cot win Hilcías, win Safán 'ajtz'ib', yet' jun yunnal win tzcuch Ahicam, yet' win Acbor yunnal Micaías, yet' win Asaías, schecb' win rey. 'Ix yaln win rey chi 'a eb' 'ixtic:

A Ch'an̈ Schab'il Libro Yic Yab'ixal Eb' Rey 22:14

Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

2 Cr 34:20

'Ix ya'n 'awtxoc cot Hilcías, Ahicam, yunnal Safán, Abdón yunnal Micaía, Safán win 'ajtz'ib', yet' pax Asaías schecb' win rey.

Salmos 105:19

'Ix 'ajx prowal win yuj tas yaljnac can Dios 'a yib'n̈ winac, masnto 'ix 'el'ch tas alb'il can yuj José cha.

Jeremías 26:22

Yuj cha, 'ix schecn 'at win rey Joacim chi schecb' 'a Egipto cha, atn Elnatán yunnal Acbor, yet' jun tzo'n̈ xo eb' winac.

Jeremías 26:24

Palta ax pax Ahicam yunnal Safán, a xya'ch sb'a wet' an Jeremías in tic. Yuj cha, ma'in 'ajx 'och 'a yol sc'ab' eb' chon̈ab' yic tzin milx cham yuj eb'.

Jeremías 32:2

A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Jeremías 37:21

Yuj cha, xyaln win rey Sedequías to ata tzin can 'a 'amac', 'a 'aj 'ayc' eb' tztan̈wni jun despacho cha, ax 'a junjn c'u tz'ajx junjn pan 'ayin, ata tzmanx 'ixm 'a eb' b'om pan. 'Ichn̈jta x'aji, ya' sb'a 'ayt 'ixm pan chi 'a yol chon̈ab'. 'Ixtnta in 'aj in cancn 'a 'amc' cha.

Jeremías 38:13

Xlajw cha, xya'n 'ejm ewin ch'an̈ lasu cha, yamb'il can sn̈i ch'an̈ yuj ewinac, in sto'n q'uet ewin yet' ch'an̈. Xlajw cha, axta in cancn 'a 'amac', 'a 'aj 'ayc' eb' tztan̈wni despacho.

Jeremías 38:28

Yuj cha, in cann̈j 'a 'amac', 'a 'aj 'ayc' eb' tztan̈wni despacho, masnto 'a yic 'ix 'ejm Jerusalén.

Jeremías 39:13

Yuj cha, a Nabuzaradán, yet' Nabusazbán, yet' Nergal-sarezer yet' pax jun tzo'n̈ xo ewin caw niwc yel'ch yopiso 'a win sreyl Babilonia,

Jeremías 39:15

A yic 'ayn to 'ec' presoal 'a 'amc' 'a 'aj 'ayc' eb' tztan̈wni despacho, ata 'ix yal Jehová 'ixtc 'ayin:

Jeremías 40:1

'Ix paxtin pax Jehová 'ayin, yic tox in 'ajx 'el 'a libre 'a chon̈b' Ramá yuj Nabuzaradán, win scomandanteil eb' stan̈mal win sreyl Babilonia. 'Ilchjnacn yuj Nabuzaradán to jalb'iln yet' q'uen cadena, 'ayn 'och 'a scal eb' 'anma 'aj Jerusalén yet' eb' 'aj Judá, eb' wan yijx 'at 'icha presoal 'a Babilonia.

Jeremías 40:5

Yic mantzac in ta'w 'a winac, 'ix yaln pax win comandante chi 'ixtc 'ayin: Toto tza nib'ej, meltzjan̈ 'a win Gedalías yunnal Ahicam yixchicn Safán, atn win chi xya'cn 'och win rey gobernadoral 'a chon̈b' Judá, yic wach' ata tzach 'aj cajn yet' win 'a scal eb' et chon̈ab'. Tzta'n̈j a 'at 'a 'ajtil tzchaj a c'ojol, xchi win 'a 'a. Xlajw cha, xya'n win comandante chi jun siylab', yet' pax tas tzin c'uxu, xlajw cha, xyaln can sb'a win 'ayin.

Jeremías 40:6

'Ixta in 'aj in 'atcn 'a win Gedalías 'a chon̈b' Mizpa. Ata in can yet' winac, yet' pax jantcto eb' 'anma xcan 'a jun nacion̈ cha.

Jeremías 40:7

'Ay eb' comandante yet' eb' soldado yic chon̈b' Judá, 'ix sc'ub'j can 'el sb'a 'a calcte 'a eb' soldado 'aj Babilonia. 'Ix yab' eb' to a Gedalías yunnal Ahicam, a x'ajx can 'och gobernadoral 'a Judá chi yuj win sreyl Babilonia. A win x'ochcn yilmalc eb' winac, eb' 'ix 'ix, eb' 'unin, atn eb' caw meb'a cajn ta', eb' ma'ix 'ijx 'at 'a Babilonia.

Jeremías 41:1

Ax 'a yic yucl 'uj, 'ix cot Ismael yunnal Netanías yet' lajn̈wan̈ eb' soldado 'a Mizpa yic tzc'umn sb'a eb' yet' Gedalías. Axta xmol wa eb' yet'oc. A Ismael cha, yixchicn Elisama, yin̈tl can pax eb' rey, niwn yel'ch yopiso 'a sreyl Judá 'a yaln̈taxi.