Jeremías 38:28 - Chuj San Sebastian Bible

²⁸ Yuj cha, in cann̈j 'a 'amac', 'a 'aj 'ayc' eb' tztan̈wni despacho, masnto 'a yic 'ix 'ejm Jerusalén.

Chuj San Mateo Bible

²⁸ Yuj chi' ix in cann̈ej d'a yamaq'uil b'aj ayec' eb' stan̈vumal palacio masanto ix ac'ji ganar Jerusalén.

Jeremías 38:28 ပူးပေါင်းရင်းမြစ်များ

Salmos 23:4

Wach'xam tzin 'ec' 'a junc lugar 'aj caw q'uic'q'uinal, 'a 'aj 'ay smay in chami, palta matz in xiw yuj junc tas, yujto 'aych 'ec' wet'oc. 'Icha junc 'ilm calnelu tztan̈wj scalnelu yet' sc'ococh yet' pax sjixc'ab'te', 'ixta tzin otj in a tan̈wni.

Jeremías 33:1

A yic 'aynto 'och presoal 'a 'amc' 'a 'aj 'ayc' eb' stan̈mal despacho, 'ix paxtin pax Jehová 'ayn jun 'ejm xo 'ixtic:

Jeremías 37:20

'Ab' wal tas 'oj wal ticnec jun mamin rey, a wal tas 'oj in c'an 'ayach, comnoc tzac' 'ayin: Man̈x in a cha 'ijxoc 'at 'a yatut win Jonatán, win 'ajtz'ib', ax to laj x'aji tzin cham ta', xin chi.

Jeremías 37:21

Yuj cha, xyaln win rey Sedequías to ata tzin can 'a 'amac', 'a 'aj 'ayc' eb' tztan̈wni jun despacho cha, ax 'a junjn c'u tz'ajx junjn pan 'ayin, ata tzmanx 'ixm 'a eb' b'om pan. 'Ichn̈jta x'aji, ya' sb'a 'ayt 'ixm pan chi 'a yol chon̈ab'. 'Ixtnta in 'aj in cancn 'a 'amc' cha.

Jeremías 38:13

Xlajw cha, xya'n 'ejm ewin ch'an̈ lasu cha, yamb'il can sn̈i ch'an̈ yuj ewinac, in sto'n q'uet ewin yet' ch'an̈. Xlajw cha, axta in cancn 'a 'amac', 'a 'aj 'ayc' eb' tztan̈wni despacho.

Jeremías 38:27

'Ixtnta ton x'aji. Wal 'a yajn̈ej 'ix cot eb' yajl chi wul in yila', 'ix sc'anb'n eb' jun tzo'n̈ chi 'ayin. Palta 'icha wal xyutj win rey yaln 'ayin, 'ixta xwutj ta'wc in b'a 'a ewinac. Yuj cha, 'ix yactn eb' sc'anb'n 'ayin, yujto may junc mach 'ix 'ab'n in paxtin yet' win rey cha.

Jeremías 39:13

Yuj cha, a Nabuzaradán, yet' Nabusazbán, yet' Nergal-sarezer yet' pax jun tzo'n̈ xo ewin caw niwc yel'ch yopiso 'a win sreyl Babilonia,

Jeremías 39:14

a ewin in 'at 'a'nc 'ijxoc cot 'a 'amc' 'a 'aj 'ayn 'och 'a preso. In ya'n can 'och eb' 'a yol sc'ab' win Gedalías yunnal Ahicam win yixchicn Safán, sec tzin ya'ilx yu'uj. In ya'n win 'ijxoc 'at 'a yatut, 'ixta in 'aj in can cajn 'a scal eb' wit chon̈b' 'aycn 'a Judá.

Jeremías 39:15

A yic 'ayn to 'ec' presoal 'a 'amc' 'a 'aj 'ayc' eb' tztan̈wni despacho, ata 'ix yal Jehová 'ixtc 'ayin:

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.