Jeremías 38:27 - Chuj San Sebastian Bible

²⁷ 'Ixtnta ton x'aji. Wal 'a yajn̈ej 'ix cot eb' yajl chi wul in yila', 'ix sc'anb'n eb' jun tzo'n̈ chi 'ayin. Palta 'icha wal xyutj win rey yaln 'ayin, 'ixta xwutj ta'wc in b'a 'a ewinac. Yuj cha, 'ix yactn eb' sc'anb'n 'ayin, yujto may junc mach 'ix 'ab'n in paxtin yet' win rey cha.

Chuj San Mateo Bible

²⁷ Ichaton chi' ix aji. Masanil eb' vin̈ yajal chi' ix b'at in ilani, ix sc'anb'an eb' vin̈ d'ayin. Icha val ix aj yalan vin̈ rey chi' d'ayin, icha chi' ix vutej valan d'a eb' vin̈. Yuj chi' ix yactej eb' vin̈ sc'anb'an d'ayin, yujto malaj junoc mach ix ab'an tas ix val yed' vin̈ rey chi'.

Jeremías 38:27 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:19

Xlajw cha, 'ix 'at Eliseo 'at yal 'a eb' 'ixtic: —Man̈oc jun b'e tic tze sayq'ui, yet' jun chon̈b' tic. 'Ochn̈ec tza'n wu'uj, ax ex wi'n 'at 'a 'aj 'ayc' jun winc tze sayc' cha, xchi 'a eb'. Axta xyij 'at eb' 'a Samaria.

Jeremías 38:25

Toto 'oj yojcoc 'el jun tzo'n̈ xo eb' yajal, to in paxtin et'oc, 'oj jawc eb' 'ayach, ax sc'anb'n eb' yuj tas 'ix al 'ayin, yet' yuj tas 'ix wal 'ayach. 'Oj yal eb' 'ayach, to ma'oj ach smil cham eb', toto c'uxn 'oj al smasnil 'a eb'.

Jeremías 38:26

Palta 'oj al 'a eb' to ton̈j tzach tew 'och 'ayin, yic wach' man̈xtzac ach wa't presoal 'a yatut Jonatán, sec wach' matz ach cham ta', xa chi, xchi Sedequías.

Jeremías 38:28

Yuj cha, in cann̈j 'a 'amac', 'a 'aj 'ayc' eb' tztan̈wni despacho, masnto 'a yic 'ix 'ejm Jerusalén.

A Tas Sc'ulejnac Eb' Schecab' Jesús Hechos 23:6

Ax 'ix yilni to saduceo nan̈l eb' sat yajl cha, ax nan̈l xo eb', fariseo eb'. Yuj cha, caw 'ip 'ix yal 'a eb' 'ixtic: —Ex wit chon̈ab', an tic fariseo in, fariseo pax in mam. To wan in b'eyc'ojlaxi, yujto tzwa'ch 'a in c'ojol, to 'oj pitzwc pax eb' chamnac, xchi 'a eb'.