Jeremías 38:23 - Chuj San Sebastian Bible

²³ Smasnil eb' 'ix estzil, yet' eb' onnal mamin rey, 'oj 'ajxoc 'och eb' 'a yol sc'ab' eb' 'aj Babilonia. Ach xo, ma'oj stac' a 'at 'elc 'a eb', palta to 'oj ajx 'och 'a yol sc'ab' win sreyl Babilonia cha, ax sn̈usn can eb' jun chon̈b' tic, xin chi.

Chuj San Mateo Bible

²³ —Mamin rey, masanil eb' ix etb'eyum yed' eb' uninal, ol ac'jococh eb' d'a yol sc'ab' eb' aj Babilonia chi'. A achxo jun, man̈xo ol yal el d'a yol sc'ab' eb'. Palta to ol ach ac'jococh d'a yol sc'ab' vin̈ sreyal Babilonia chi', ol yac'anoch sc'ac'al jun chon̈ab' tic eb', xin chi d'a vin̈ rey chi'.

Jeremías 38:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:7

Q'ueln 'och Sedequías cha, 'ix milx cham eb' yunnal. Xlajw cha, 'ix 'ijx 'elt yol sat. Jalb'il yet' q'uen cadena 'ix 'ijx 'at 'a Babilonia.

Jeremías 21:10

An Jehová in, an tzwala to tox xin nalb'ej wi'n cot yailal 'a yib'n̈ jun chon̈b' tic, man̈xoc wach'l 'oj wi' coti. 'Oj wa'ch 'a yol sc'ab' sreyl Babilonia, ax 'oj n̈usnoc cani.

Jeremías 32:4

Ax win Sedequías cha, man̈x 'oj stac' scoln 'el sb'a 'a yol sc'ab' eb' caldeo. 'Oj can 'a yaln̈ yuj win sreyl Babilonia cha, yuj cha, yowlal 'oj c'och 'a yojltac jun rey cha.

Jeremías 34:3

Ach tic man̈x 'oj stac' a 'at 'eloc. 'Oj a yamchj yuj eb' soldado winac, ax ach ya'n 'och eb' 'a yol sc'ab' win rey cha. A yic 'oj a c'och 'a yojltac, ax spaxtin win et'oc, 'oj lajwc cha, ax ejx 'at 'a Babilonia.

Jeremías 37:8

Yuj cha, 'oj cotx eb' 'aj Babilonia chi wul ya'x owl 'a Jerusalén tic jun 'ejm xo. 'Oj 'ejmc jun chon̈b' tic yuj eb', ax ya'n can 'och eb' sc'aq'uil.

Jeremías 38:18

Palta toto ma'oj a'ch a b'a 'a yol sc'ab' eb', to 'ixta', 'oj yi'c eb' jun chon̈b' tic, ax sn̈usn can eb', ach xo tic, man̈x 'oj stac' a coln a b'a 'a eb', xchi Dios, xin chi 'a win rey.

Jeremías 38:24

Xlajw cha, 'ix ta'w Sedequías chi 'ixtc 'ayin: —Toto tza nib'j matz ach chami, may cab' junc mach 'aj tzal jun tic.

Jeremías 39:5

Palta ax eb' soldado Babilonia cha, 'ix 'ochn̈j tza'n eb' yuj eb', axta xyamchj Sedequías yuj eb' 'a ya'lical Jericó. 'Ix yi'n 'at eb' 'a win rey Nabucodonosor. Ata 'ayc' win 'a chon̈b' Ribla 'a yol yic Hamat. Ata 'ix yal winac tas tz'aj winac. Wal 'a sat Sedequías cha, 'ix ya'n win rey chi milxoc cham eb' yunnal Sedequías cha, yet' pax smasnil eb' niwc winc yaj 'a Judá.

Jeremías 41:10

'Ix yi'n 'at Ismael chi eb' 'ix yisl win rey 'icha presoal, yet' eb' 'anma 'ayc' 'a Mizpa cha, atn eb' x'ajx stan̈wc Gedalías yuj win comandante Nabuzaradán. X'ijx 'at eb' yuj Ismael 'a yol yic Amón.

Jeremías 6:12

A yatut eb', slum eb', yet' yistzil eb', chucx mach 'oj 'ica'anoc. An Jehová in, an tzwala, to 'oj wi' chan̈ in c'ab', ax wa'n 'och syailal eb' 'anma cajn 'a jun chon̈b' tic.

Ez 14:9

Toto 'ay junc mach tzcob' sc'anb'j sb'a 'a junc tzyalch sb'a in checb'oc, toto tzyac' jun checb' chi spac junc paxti chi 'a yol yico', a jun cha, an tzwac' 'ixtxoc paxti'. 'Oj wic' chan̈ in c'ab' 'a 'a, ax wa'n 'och syailal, 'oj wi'l 'a scal eb' in chon̈ab'.

Ez 17:15

Palta 'ix 'och win 'ajc'ojlal 'a win sreyl Babilonia cha, 'ix ya'n 'at win schecb' 'a win sreyl Egipto yic tzc'ann cot win no chej yic owal yet' nan̈loc eb' soldado, (a no schab'l salt'iw cha, tzyal 'el'chi, atn win sreyl Egipto). ¿Tom 'oj yac' ganar scoln sb'a yet' jun snab'en cha? ¿Tom 'oj stac' scoln sb'a jun mach to matz yac' 'el'choc strato cha?

Ez 43:3

A jun xwil cha, lajn wal yilx 'icha jun wiljnac yic wul ya'nc Dios lajwc 'el chon̈b' Jerusalén, 'icha pax jun wiljnac 'a sti a niwn a Quebar. Cojn wal yic xwiln cha, in 'em n̈ojnjoc 'a sat lu'um.

Nm 4:18

Man̈ e cha satl eb' yin̈tl Coat 'a scal eb' levita,