Jeremías 38:19 - Chuj San Sebastian Bible

¹⁹ —Tzin xiw 'a eb' quit chon̈b' tox 'ix ya'ch sb'a yet' eb' 'aj Babilonia cha, toq'ue tzin 'ajx 'och 'a yol sc'ab' eb', ax am tz'aji, tzin yixtj eb', xchi win rey cha.

Chuj San Mateo Bible

¹⁹ Ix tac'vi vin̈ icha tic: —Tzin xiv d'a eb' quetchon̈ab' toxo ix och yed' eb' aj Babilonia chi', talaj tzin ac'chajoch d'a yol sc'ab' eb', ob'iltac am tzin yutej eb', xchi vin̈.

Jeremías 38:19 ပူးပေါင်းရင်းမြစ်များ

2 Cr 30:10

C'uxn 'ix 'ec' eb' checb' chi 'a smasnil yol yic Efraín yet' 'a yol yic Manasés. X'ec' eb' 'a junjn chon̈ab', masnto 'ix c'och eb' 'a yol yic Zabulón. Palta ax eb' 'anma cha, ton̈j xtzewj eb', xb'uchwj eb' 'a eb' checb' cha.

Nehemías 4:1

A yic xyab'n win Sanbalat to wan qui b'on muro, caw 'ix chacb' sat scot yowal, syamn 'och sb'uchwj 'ayn̈ an̈ 'aj Judá on̈ tic.

Job 31:34

yuj in xiw 'a junc 'anma'. May pax 'aj xin macch in b'a 'a yol watut yuj in xiwc'ojlal 'a eb' wican.

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Jeremías 20:7

Mamin Jehová, caw ton̈j in 'a montej. 'Ix in yiclj tas 'ix ala. Yel xo wal caw 'ay ep, yuj cha, in 'ejm o'oj. Smasnil tiempo tzin tzetzxi, smasnil xoj 'anma tzin b'uchni.

Jeremías 38:22

Smasnil eb' 'ix 'ix 'oj can to cob' 'a a despacho, yowlal 'oj 'ijxoc 'elt eb' 'ix, ax yajx 'och eb' 'ix 'a yol sc'ab' ewin general yic win sreyl Babilonia, ax yaln eb' 'ix 'ixtic: A eb' caw swach'c'ojl win rey, 'ix yixtj paxti eb' winac, yuj cha, x'ejm winac. 'Icha to 'ix 'actx can 'at win 'a scal b'i'ch yuj eb', 'ix yi'n 'el sb'a eb' 'a stz'ey winac, 'oj schic eb' 'ix.

Jeremías 38:5

'Ix ta'w win rey Sedequías 'a eb' 'ixtic: —Tztac' e b'on tas tze nib'j 'a winac. Aln tic, may jac tas tztac' waln 'ayex, xchi winac.

Jeremías 39:9

Ax 'a slajub', a Nabuzaradán scomandanteil eb' stan̈mal win sreyl Babilonia, a 'ix 'i'n 'at smasnil eb' 'anma 'aj chon̈b' chi 'icha presoal, atn eb' xcant can 'a yol chon̈b' cha, yet' pax eb' xya'ch sb'a yet' eb' 'aj Babilonia.

Jn 12:42

Wach'xam yaljnac can 'ixta', palta 'ay eb' israel 'ix ya'ch sc'ojl 'a Jesús cha. An̈jtona eb' yajal, niwn eb' 'ix ya'ch 'a sc'ojol. Palta matz ch'oxl sb'a eb', yujto tzxiw eb' yuj ewin fariseo, toq'ue tzpech 'elt ewin eb' 'a yol scapiya.

Jueces 16:25

Caw 'ix tzalj eb' 'anma', 'ix sc'ann 'elt eb' Sansón cha, yic tz'elwni eb' 'a 'a. 'Ix yi'n 'elt eb' win 'a yol preso, 'ix ya'n 'och eb' 'a snan̈l jun tzo'n̈ yoyl n̈a, yuj yixtn eb'.

Jueces 9:54

Yajn̈j wal cha, 'ix yawtn cot Abimelec jun win quelm soldado tztan̈wni 'a owal, xyaln 'a win 'ixtic: 'Ij q'uet a espada chi 'a yol yatut cha, tzin a tzu'n cham muc'uc. Matz in nib'j to 'oj alxoc, to 'ix tzin milni, xchi winac. 'Ix stecn 'och win quelm chi yespada 'a sn̈i sc'ojl winac, 'ix chami.

A Ch'an̈ B'ab'el Libro Samuel 15:24

—Yel toni 'ix 'och in mul, ma'ix in yiclj tas xyal Jehová, atn tas xyal 'ayin yujto in xiw 'a eb' soldado ajun wet' tic, 'ix in yiclni tas xyal eb'.

A Ch'an̈ B'ab'el Libro Samuel 31:4

Yuj cha, 'ix yaln 'ixtc 'a win schecb' 'et'jnac syamc'ab' tzmacn sat jul-lab': —'Ij q'uet espada, tzin a tecn cham yet'oc, sec a jun tzo'n̈ chuc chon̈b'al tic, ma'oj tzaljoc eb' in smilni, xchi Saúl. Palta ax win 'et'jnac syamc'ab' cha, ma'ix syiclj tas xyala, yujto caw tzxiw winac. Yuj cha, xyi'n q'uet Saúl chi yespada, sjuln 'ejm lachn̈joc sb'a 'a yib'n̈ q'uen espada cha.