Jeremías 37:20 - Chuj San Sebastian Bible

²⁰ 'Ab' wal tas 'oj wal ticnec jun mamin rey, a wal tas 'oj in c'an 'ayach, comnoc tzac' 'ayin: Man̈x in a cha 'ijxoc 'at 'a yatut win Jonatán, win 'ajtz'ib', ax to laj x'aji tzin cham ta', xin chi.

Chuj San Mateo Bible

²⁰ Axo ticnaic jun mamin rey, a tas ol in c'an d'ayach, comonoc tzac' d'ayin: Man̈xo in a cha ic'jocb'at d'a spat vin̈aj Jonatán, vin̈ tz'ib'um, axo talaj tz'aji tzin cham ta'.

Jeremías 37:20 ပူးပေါင်းရင်းမြစ်များ

Salmos 119:170

C'och cab' in lesl 'a ojltac, coln 'icha wal yaj aln can 'a a paxti'.

Jeremías 26:15

Palta 'ojquejec 'el wal jun tic si'mb'il: Toto ax tic yet' eb' 'anma tic, tzin e mil chamoc, 'oj 'och jun tic e muloc, yujto tze mil cham jun mach to may jac smul. Yujto caw yel, a Jehová x'a'n wal-l smasnil jun tzo'n̈ paxti xwala, xin chi.

Jeremías 36:7

Toq'ue 'oj yal sb'a eb' chon̈b' tic 'a Jehová, ax yactn can eb' smaysch'olnilal. Yujto caw wal niwquil yowl sc'ojl Dios snalb'ej ya'n cot 'a yib'n̈ jun chon̈b' tic, xin chi 'a 'a.

Jeremías 38:26

Palta 'oj al 'a eb' to ton̈j tzach tew 'och 'ayin, yic wach' man̈xtzac ach wa't presoal 'a yatut Jonatán, sec wach' matz ach cham ta', xa chi, xchi Sedequías.

Jeremías 38:28

Yuj cha, in cann̈j 'a 'amac', 'a 'aj 'ayc' eb' tztan̈wni despacho, masnto 'a yic 'ix 'ejm Jerusalén.

Jeremías 42:2

'Ix yaln eb' 'ixtic: —'Ay wal jun tas 'oj qui c'an 'aych on̈, comnoc matz a tenc' 'ayn̈ on̈: Tewan̈ 'a Jehová qui Diosalec cuj jaywn̈ on̈ canc can tic. A 'a yic yaln̈taxi, caw niwn qui b'eyi, palta ax ticnec, cojxn wal jaywn̈ on̈ canc can tic.