Jeremías 37:15 - Chuj San Sebastian Bible

¹⁵ Caw xcot yowl ewin 'ayin, xin ya'n ma'xoc ewinac, xin ya'n ewin 'ajxoc 'och 'a preso 'a yatut Jonatán, win 'ajtz'ib'. A yatut win cha, a x'och presoal yuj ewinac.

Chuj San Mateo Bible

¹⁵ Cot yoval eb' vin̈ yajal chi' d'ayin, in schecan mac'joc eb' vin̈, b'at in yac'anoch eb' vin̈ d'a preso d'a spat vin̈aj Jonatán, vin̈ tz'ib'um. A spat vin̈ chi' och presoal yuj eb'.

Jeremías 37:15 ပူးပေါင်းရင်းမြစ်များ

Gn 39:20

Xya'n win yamchjoc José cha, xyaln winac to tz'och José 'a preso, 'a 'aj 'aych jun tzo'n̈ xo ewin 'a preso yuj win rey. X'ajx 'och José 'a yol sc'ab' win tan̈m preso, yic tztan̈wx win yuj si'mb'il.

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

2 Cr 18:26

Tzeyaln 'a eb', to an tzwala to tz'och 'a preso, jab' wal tas tze yac' sc'uxu', yet' tas tzyuq'uej, masnto yic 'oj in meltzj 'a junc'ojlal, xchi.

Jeremías 18:23

Palta ach xo tic Mamin Jehová, ojtac tas wan smol aln eb' 'a wib'an̈ yic tzin smiln cham eb' snani. Man̈ ac' niwnc'ojlal 'a yib'n̈ eb', man̈ ac' sat a c'ojl 'a smaysch'olnilal eb'. Sat cab' 'el eb' 'a ojltac, tza'n 'och syailal eb' yet' yowl a c'ojol, xin chi 'a in lesal.

Jeremías 26:16

Yuj cha, 'ix yaln eb' yajl cha, yet' eb' chon̈b' chi 'a eb' ya'mal 'och sti eb' 'anma 'a Dios, yet' 'a eb' tzyalch sb'a schecb'oc Dios: Man̈ smojc tzcham jun winc tic, yujto a 'a sb'i Jehová qui Diosalec 'ix paxtin 'ayn̈ec, xchi eb'.

Jeremías 32:2

A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Jeremías 37:20

'Ab' wal tas 'oj wal ticnec jun mamin rey, a wal tas 'oj in c'an 'ayach, comnoc tzac' 'ayin: Man̈x in a cha 'ijxoc 'at 'a yatut win Jonatán, win 'ajtz'ib', ax to laj x'aji tzin cham ta', xin chi.

Jeremías 37:4

A 'a yic cha, mantzac in 'ajx 'och 'a preso, yuj cha, libre to in b'eyc' 'a scal eb' chon̈ab'.

Jeremías 38:26

Palta 'oj al 'a eb' to ton̈j tzach tew 'och 'ayin, yic wach' man̈xtzac ach wa't presoal 'a yatut Jonatán, sec wach' matz ach cham ta', xa chi, xchi Sedequías.

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Jeremías 39:15

A yic 'ayn to 'ec' presoal 'a 'amc' 'a 'aj 'ayc' eb' tztan̈wni despacho, ata 'ix yal Jehová 'ixtc 'ayin:

Mt 21:35

Ax yic xc'och eb', syamn cot ewin eb'. Sma'n ewin jun, smiln ewin jun xo, ax jun sjulq'uenej ewinac.

Mt 23:34

'Ab'ec, 'oj in checb't jun tzo'n̈ eb' schecb' Dios 'ayex, yet' eb' 'ay sjelnal 'a yic Dios, yet' eb' cuywjum. 'Ay eb' 'oj eyac' q'ue 'a spenc culus, ax scham eb' eyu'uj. 'Ay eb' 'oj e mac' 'a yol jun tzo'n̈ e capiya. 'Ay pax eb' 'oj e pech b'eyc'oc 'a junjn chon̈ab'.

Lc 22:64

'Ix smacn ewin sat, xlaj spawn poj ewin sti'. Xlajw cha, 'ix tz'acn ewin yal 'ixtc 'a 'a: —Al 'ayn̈ on̈, mach tzach ma'n tzab'i, xchi ewin 'a 'a.

Jn 18:22

Xlajwn̈ej yaln jun tzo'n̈ cha, ax jun win stan̈mal yatut Dios 'ayc' ta', spawn 'och win sc'ab' 'a sat Jesús cha. 'Ix yaln win 'ixtc 'a 'a: —¿Tom 'ixta tzotj a ta'wni tas tzyal win sat ya'mal 'och qui ti 'a Dios? xchi win 'a Jesús.

A Tas Sc'ulejnac Eb' Schecab' Jesús Hechos 5:18

Yuj cha, xya'n ewin yamchjoc eb' schecb' Jesús. 'Ix ya'n 'och ewin eb' 'a jun preso yic chon̈ab'.

A Tas Sc'ulejnac Eb' Schecab' Jesús Hechos 5:28

—'In tox 'ix cham wal caln 'ayx on̈, to man̈xtzac ex cuywj 'a scuynb'il Jesús. ¿Tom matz eyiclj jab'oc? A ticnec, c'uxn 'ix pucl e cuynb'il 'a Jerusalén tic. 'In tze nib'j to tzon̈ e checltej 'el on̈, chajtlto cuj on̈, 'ix cham Jesús cha, xchi win 'a eb'.

A Tas Sc'ulejnac Eb' Schecab' Jesús Hechos 5:40

'Ix schaj sc'ojl ewin yajl chi tas 'ix yal win Gamaliel cha. Xlajw cha, x'awtx pax 'och eb' schecb' Jesús jun 'ejm xo. 'Ix ma'x eb'. 'Ix alx 'a eb', to man̈xtzac yal-l eb' yab'xil Jesús. Xlajwn̈ej cha, 'ix 'ajx can pax 'elt eb' 'a libre.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.