Jeremías 37:10 - Chuj San Sebastian Bible

¹⁰ Wach'xam ax tic, 'oj eyac' ganar yejm eb' soldado wan ya'n owl eyet'oc, yuj cha, cojxn eb' lajwnac 'oj can 'a scamplamento eb' cha, palta a eb' cha, 'oj q'uex wan eb', ax ya'n can 'och eb' sc'a'l jun e chon̈b' tic, xchi Dios, xa chi 'a eb', xchi 'ayn an Jeremías in tic.

Chuj San Mateo Bible

¹⁰ Vach'chom ol eyac' ganar eb' soldado van yac'an oval eyed' chi', yuj chi' axon̈ej eb' lajvinac ol can d'a scampamento eb', palta ol q'uex vaan eb', ol yac'anoch c'ac' eb' d'a jun e chon̈ab' tic, xchi Jehová, xin chi d'a eb'.

Jeremías 37:10 ပူးပေါင်းရင်းမြစ်များ

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Is 13:15

Tzann̈j eb' 'oj yac' yamchjoc sb'a, 'oj milxoc cham yet' espada.

Is 14:19

Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.

Is 30:17

Jun mil e b'isl 'oj e 'at 'elc yuj jun win 'ajc'ojl cha. Wach'xam cojn wal own̈ eb' 'ajc'ojl chi 'oj e pechni, palta 'oj e 'at 'elc ax tic e masnil. Caw jaywn̈ xoj e b'ey 'oj e cani. 'Icha xoj tz'ajcn lin̈n junc te te 'a lum jolmctac witz, mto 'icha junc bandera 'ayc' 'a junc lum tzalan, 'ixta 'oj eyaji.

Jeremías 21:10

An Jehová in, an tzwala to tox xin nalb'ej wi'n cot yailal 'a yib'n̈ jun chon̈b' tic, man̈xoc wach'l 'oj wi' coti. 'Oj wa'ch 'a yol sc'ab' sreyl Babilonia, ax 'oj n̈usnoc cani.

Jeremías 32:29

A eb' caldeo wan ya'n owl 'a jun chon̈b' tic, 'oj 'oxtoc eb' 'a yol chon̈b' tic, ax sn̈usn can eb', ax stz'a smasnil jun tzo'n̈ n̈a 'aj xlaj ya'ch eb' 'anma smul 'ayin, a 'a span̈nil yib'n̈ jun tzo'n̈ n̈a cha, ata xyac' tz'a eb' incienso 'a Baal, 'ix ya'n pax eb' yal uva 'a jun tzo'n̈ chuc diosal.

Jeremías 37:11

A yic x'el eb' soldado 'aj Babilonia 'a Jerusalén, yujto 'ix yab' eb' to wan sjaw eb' soldado win sreyl Egipto colwjoc 'a Jerusalén,

Jeremías 37:8

Yuj cha, 'oj cotx eb' 'aj Babilonia chi wul ya'x owl 'a Jerusalén tic jun 'ejm xo. 'Oj 'ejmc jun chon̈b' tic yuj eb', ax ya'n can 'och eb' sc'aq'uil.

Jeremías 49:20

'Ab'c wal tas tox xin na 'an Jehová in tic 'a yib'n̈ chon̈b' Edom, a wal tas xin na 'a yib'n̈ eb' cajn 'a Temán, to 'oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 50:45

'Ab'c wal tas tox 'ix in nalb'ej an Jehová in tic 'a yib'n̈ chon̈b' Babilonia, atn schon̈b' eb' caldeo. 'Oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 51:4

'Oj can t'ocn eb' 'aj Babilonia 'aj 'oj lajwc eb', 'oj cham eb' 'a yoltc scayeal schon̈ab'.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

Jl 2:11

A Jehová a 'aych 'a yojltac eb' soldado to yico', tzyac' 'ab'xoc yol sjaj 'icha wal sc'an̈ c'u. Caw niwn sb'isl eb' soldado cha, man̈x b'ischjb'enoc eb' tzyiclni schecnb'il. Caw niwn yel'ch jun c'u yic Jehová, 'ay xo smay yalxi. May junc mach tztac' ste'wtzan sb'a 'a yojltac.