Jeremías 36:31 - Chuj San Sebastian Bible

³¹ Ach tic yet' eb' en̈til, yet' pax eb' 'aych yopiso et'oc, caw 'oj wa'ch yailal 'a eyib'n̈ yuj e mul. 'Oj jawc 'a yib'n̈ eb' 'aj Jerusalén, yet' 'a yib'n̈ eb' 'aj Judá, atn jun tzo'n̈ yailal 'ix walcn 'el tic, atn jun tzo'n̈ paxti ma'ix e chaj eyab'i', xchi Dios, xa chi 'a eb', xin chi 'a Baruc cha.

Chuj San Mateo Bible

³¹ A ach tic yed' in̈tilal yed' pax eb' ayoch yajalil ed'oc, ol vac'och yaelal d'a eyib'an̈ yuj e mul. Ol ja d'a yib'an̈ eb' aj Jerusalén yed' d'a yib'an̈ eb' cajan d'a Judá juntzan̈ yaelal toxo ix valcan tic, aton juntzan̈ maj e cha eyab'i, xchi Jehová, xa chi, xchi d'ayin.

Jeremías 36:31 ပူးပေါင်းရင်းမြစ်များ

Salmos 94:23

Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Jeremías 11:8

Palta ma'ix schaj eb' yab'i', ma'ix syiclj eb'. A yic eb', to 'ix yac' eb' pitb'oc 'el snab'en. 'Ix ya'n 'at sb'a eb' 'a scal maysch'olnil. Man̈x 'ic yal sc'ojl eb' syiclj tas waljnac 'a 'a. Yuj cha, 'ix wa'n cot yailal 'a yib'n̈ eb', 'icha wal yaln can 'a jun trato cha, xchi Dios 'ayin.

Jeremías 17:18

Q'uixw cab' can 'el eb' tzin pechn b'eyc'oc, man̈oc in cab' tzin q'uixw 'eli. Xiw cab' chan̈ eb', man̈oc in cab' tzin xiw cha'an̈. 'Ac' jawc yailal 'a yib'n̈ eb', lajw cab' can 'el eb' 'a jun 'ejmn̈ej, xin chi 'a Dios.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.

Jeremías 23:34

Toto a junc checab', mto junc ya'mal 'och sti eb' 'ayin, mto junc comn 'anma 'a jun chon̈b' tic, toto a junc eb' tic tzb'inan junc paxti 'ixtic: A jun paxti tic, schecnb'il Jehová, toto xchi, an 'oj wa'ch yailal 'a yib'an̈ yet' 'a eb' cajn 'a yol yatut.

Jeremías 35:17

Yuj cha, an Jehová in, tztac' wuj smasnil, e Diosal in, an tzwala: Caw 'oj wac' jawc jun tzo'n̈ yailal alb'ilx 'el wuj 'a eyib'n̈ e masnil ax cajn ex 'a Judá yet' 'a Jerusalén. Yujto xcob' ex in tench wa'an, palta ma'ix eyiclej. In 'awj cob' 'ayex, palta ma'ex ta'w pax 'ayin, xchi Dios, xa chi 'a eb', xchi 'ayn an Jeremías in tic.

Jeremías 52:2

Palta yel xo tu tas 'ix 'el sb'on 'a sat Jehová, lajn wal 'icha tas sb'ojnac Joacim.

Ez 7:8

A ticnec b'i'an, wal wa'n cot yowl in c'ojl 'a eyib'n̈ ax israel ex tic. 'Oj wac' 'el'choc yowl in c'ojl 'a eyib'n̈ 'icha tas tzin na'a. 'Oj ex in b'eyc'ojloc yuj tas maysch'olnil tzlaj e b'o', ax wa'n eyailal yuj e b'eyb'al yajb'entac.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Lv 26:14

Palta toto ax tic, matz eyiclj tas tzwala, matz e b'eylb'ej in checnb'il smasnil.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.