Jeremías 36:29 - Chuj San Sebastian Bible

²⁹ Tzaln jun tzo'n̈ paxti tic 'a win rey cha: 'Ixtc wal yaln Jehová: Ach tic 'ix 'a n̈us tz'a ch'an̈ u'un̈, 'ix a tenn 'och wan Jeremías yujto stz'ib'j 'a ch'an̈ un̈ cha, chajtlto 'oj jawc win sreyl Babilonia wul satl jun nacion̈ tic, man̈x 'a junc 'anma', man̈x 'a pax junc no noc' 'oj can 'a 'a.

Chuj San Mateo Bible

²⁹ Tzalan pax juntzan̈ lolonel tic d'a vin̈ rey chi' icha tic: Icha val tic yalan Jehová: A ach tic, ix a n̈ustz'a tas tz'ib'ab'il, ix a tuman pax vin̈aj Jeremías, yujto ix stz'ib'ej vin̈ to ol javoc vin̈ sreyal Babilonia ul satel jun nación tic, man̈xa junoc anima, ma junoc noc' noc' ol canoc.

Jeremías 36:29 ပူးပေါင်းရင်းမြစ်များ

Job 15:24

A yailal mto xiwc'ojlal cha, a 'oj 'a'nc somchjoc 'el snab'en eb', 'icha tzon̈ 'ajc qui xiw chan̈ yuj junc win rey tzjaw yac' owl quet'oc.

Job 15:25

'Ixta wal tz'aj junc mach tzyij chan̈ sb'a 'a Dios to tztac' yuj smasnil, yic tzcob' ste'wtzan sb'a 'a yojltac.

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Is 29:21

atn eb' tzpitzn chan̈ 'es 'a yib'n̈ yit 'anma'il, eb' tztenn 'och wan win juez, sec matz 'och yailal 'a yib'n̈ eb' maysch'olnil. Tzya'n eb' 'es, sec man̈ tojloc tz'aj sb'oyaj eb' wach' snab'en.

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Jeremías 21:10

An Jehová in, an tzwala to tox xin nalb'ej wi'n cot yailal 'a yib'n̈ jun chon̈b' tic, man̈xoc wach'l 'oj wi' coti. 'Oj wa'ch 'a yol sc'ab' sreyl Babilonia, ax 'oj n̈usnoc cani.

Jeremías 25:13

Smasnil yailal waljnac cani, 'oj wa' cot 'a yib'n̈ jun nacion̈ cha, atn smasnil tas tz'ib'b'il can 'a jun libro tic, jun tzo'n̈ xwac' alcn 'el ach Jeremías tic 'a yib'n̈ jun tzo'n̈ nacion̈ tic.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 26:9

¿tas wal yuj xa te'wtzej a b'a aln 'a sb'i Jehová, chajtlto a jun yatut Dios tic, lajn 'oj 'ajcn 'icha 'ajnc jun scajnub' 'ay 'a Silo? 'Ix aln paxi to 'oj lajwc 'ejm jun chon̈b' tic, man̈x 'a junc 'anma 'oj can cajn 'a 'a, xchi eb'. Smasnil eb' chon̈b' cha, 'ix jaw eb' 'a yatut Dios cha, 'ix 'och oyn̈joc eb' yac' owl wet'oc.

Jeremías 28:8

A jun tzo'n̈ schecb' Dios 'e'nc 'a pecti', 'a yic mantzac on̈ 'alj et'oc, yaljnac 'el eb' chajtlto 'oj jawc owal, yailal, yet' yab'il 'a yib'n̈ jun tzo'n̈ niwc nacion̈ to caw cob' 'ay yip.

Jeremías 32:3

A win rey Sedequías cha, in yac' win yamchjoc, sec tzin 'och 'a preso, yujto waljnac 'ixtic: A Jehová tzaln 'ixtic: 'Oj wa'ch jun chon̈b' tic 'a yol sc'ab' win sreyl Babilonia.

Jeremías 33:12

A 'a jun lum lum sictac yajcn tic, man̈x 'a 'anma', man̈x 'a pax no noc' 'a sat smasnil. Palta ax 'oj 'ajoc, a 'a spatquil 'el jun tzo'n̈ chon̈b' tic, ata 'oj tan̈wxoc wa no calnelu yuj eb' yilmal jun 'ejm xo.

Jeremías 36:23

A yic xlajw yawtn win Jehudí 'oxe', mto chan̈ macn̈ yojl ch'an̈ un̈ cha, ax win rey cha, 'ix scotc poln 'elt win ch'an̈ yet' jun q'uen cuchlub' tzc'an ewin 'ajtz'ib', xlajw cha, xya'n 'at win ch'an̈ 'a yib'n̈ c'ac' cha. 'Ixta xyutj win sn̈usn smasnil ch'an̈ un̈ cha.

A Tas Sc'ulejnac Eb' Schecab' Jesús Hechos 5:28

—'In tox 'ix cham wal caln 'ayx on̈, to man̈xtzac ex cuywj 'a scuynb'il Jesús. ¿Tom matz eyiclj jab'oc? A ticnec, c'uxn 'ix pucl e cuynb'il 'a Jerusalén tic. 'In tze nib'j to tzon̈ e checltej 'el on̈, chajtlto cuj on̈, 'ix cham Jesús cha, xchi win 'a eb'.

A Tas Sc'ulejnac Eb' Schecab' Jesús Hechos 5:39

Palta toto yic Dios, ma'oj stac' ca'nec lajwoc. 'Ay smay, toq'ue a Dios tzca'c owl yet'oc, xchi winac.

1 Co 10:22

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Dt 29:19

A yic tzlajw eyab'n tas tz'ajcn jun trato tic, jun 'aj tzeya'cn e ti', toq'ue 'ay junc mach 'a e cal tzyal wach'l sb'a, tznan 'ixtic: An tic, wach'xam tzin b'o maysch'olnil 'icha tas tzin nib'ej, palta wach' tz'aj 'el'ch smasnil tas tzin b'o'o, toto xchi. To 'ixta', atn jun chi tzlocn can cot pax 'a eyib'n̈ e masnil.