Jeremías 36:22 - Chuj San Sebastian Bible

²² Yujto sb'aln̈il xo 'uj 'a jun ab'il cha, yuj cha, 'ayc' win rey chi 'a scuarto 'a 'aj tz'aj win 'a yic stiempoal si'ic, ax 'a yojltac winac, ata 'aych jun yet'l stzac'ac' caw tzn̈ilchj c'ac' 'a yojol.

Chuj San Mateo Bible

²² Yujto sb'alun̈il uj yoch jun ab'il chi', yuj chi' ayec' vin̈ rey d'a scuarto b'aj tz'aj d'a stiempoal siic. Axo d'a yichan̈ vin̈ ayoch jun yed'tal tzac'ac', chac xeinac yaj te' d'a yool.

Jeremías 36:22 ပူးပေါင်းရင်းမြစ်များ

Esdras 10:9

Yuj cha, smasnil eb' winc yic Judá yet' eb' yic Benjamín, 'ix syam sb'a eb' 'a Jerusalén 'a yoxl c'u cha, atn 'a junc'l yoch sb'aln̈il 'uj. 'Ix 'em wocn eb' smasnil 'a yamq'uil yatut Dios, caw wal tzxiw eb' yuj jun paxti cha, tz'ib'x pax eb' yuj n̈ab' tz'ejmi.

Jeremías 3:20

An Jehová in, an tzwala, to lajn wal xeyutj e b'a 'icha junc 'ix 'ix caw tu tzyutj sb'a 'a yichmil, 'ixta xeyutj e b'a 'ayin.

Jeremías 36:9

A 'a yic sb'aln̈il 'uj, yic yol ab'il xo yoch win Joacim win yunnal Josías reyl 'a Judá, ata 'ix sna'a, to a eb' 'anma cajn 'a Jerusalén, yet' jun tzo'n̈ xo eb' cotnc 'a jun tzo'n̈ xo lugar 'a yol yic Judá, to yowlal tz'och eb' smasnil 'a c'ajb'c'ojlal 'a yojltac Jehová.

Am 3:15

An Jehová in, an tzwala, 'oj in mac' lan̈chjoc jun tzo'n̈ n̈a tzc'anlb'ax 'a yic stiempoal si'ic, yet' jun tzo'n̈ tzc'anx 'a yic stiempoal c'ac'. 'Oj in mac' lan̈chjoc jun tzo'n̈ n̈a 'aych q'uen marfil yelwnub'loc, atn jun tzo'n̈ niwc n̈a, xchi Dios.

Jueces 3:20

Ax yic xcan Aod sch'ocj yet' Eglón, 'ix snitzn 'och sb'a 'a stz'ey winac, wocn 'ejm win 'a yol jun cuarto siclab'nac yojol, ata 'ay 'a cha'an̈. 'Ix yaln 'a win 'ixtic: —'Ay jun spaxti Dios 'oj wal 'ayach, xchi. Ax yic xyab'n win Eglón jun cha, 'ix q'ue wan win 'a yol xila.