Jeremías 35:7 - Chuj San Sebastian Bible

⁷ 'Ix ya'n pax yowlal qui b'on catut, matz cawj cawb'ente', matz cawj uva. Yaljnac can 'ayn̈ on̈, to an̈j 'a yoltc mantiado tzon̈ 'eq'ui, 'ixta 'oj caj quec' najtloc tiempoal 'a jun lum 'aj ton̈j 'e'lb'a quec' tic.

Chuj San Mateo Bible

⁷ Yac'annac pax yovalil vin̈ to max co b'o co pat, max cavej cavb'en, max cavej pax co uva. Yalannac pax vin̈ d'ayon̈ to an̈ej d'a yoltac mantiado tzon̈ aji, ichan̈ej chi' ol aj quec' d'a masanil tiempo d'a sat lum b'aj eq'uelb'an̈ej quec' tic.

Jeremías 35:7 ပူးပေါင်းရင်းမြစ်များ

Gn 25:27

'Ix q'uib' chan̈ chawn̈ eb' 'unn cha. A win Esaú schaj sc'ojl win yec' b'eyc'oc 'a calte'. Caw jeln x'aj win 'a ma'j noc'. A pax win Jacob jun, cojn ta tzmunlj 'a scamplamento eb'.

Gn 36:7

Yujto til wal tas 'ay 'a eb' schawn̈il, yuj cha, man̈xtzac stac' to junxn̈ej tz'aj eb', yujto man̈xtzac yab' lum lum 'aj wach' swa scajb'en noc' eb'.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Jeremías 35:10

Cojn 'a yoltc mantiado tzon̈ laj 'ec' cajan, wan qui yiclni tas yaljnac can qui mam quichm Jonadab on̈.

Jeremías 35:9

May catut tzqui b'o 'on̈, may uva tzcawej, may qui lum 'aj tzcawj cawb'en on̈.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.