Jeremías 35:13 - Chuj San Sebastian Bible

¹³ An Jehová in, tztac' wuj smasnil, e Diosal in, an tzwala, to tz'at al 'a smasnil eb' 'aj Judá yet' 'a eb' 'aj Jerusalén, to an Jehová in, an tzwala to scuy cab' eb' jun tzo'n̈ in cuynb'il, syiclc cab' eb' in checnb'il.

Chuj San Mateo Bible

¹³ A in Jehová Yajal in d'a Smasanil, sDiosal in Israel, sval d'ayach, ixic b'at al d'a masanil eb' aj Judá yed' d'a eb' aj Jerusalén to sc'ayb'ej val jun c'ayb'ub'al tic eb', yic sc'anab'ajan in checnab'il eb'.

Jeremías 35:13 ပူးပေါင်းရင်းမြစ်များ

Pr 19:20

A mach tzchaj yab' junc nab'en tz'ajx 'a 'a, tzchan pax yab' tennb'ilal, to 'ixta', 'oj jelnb'oc.

Pr 8:10

'A'c eyip e cuyn jelnal, yet' wach' nab'enal 'a yib'n̈ to a q'uen plata, mto q'uen oro to yel xo wach' tze sayq'ui.

Is 42:23

¿Machx wal tze nib'j tze chaj eyab' jun tzo'n̈ tic ex wit chon̈ab'? ¿Machx wal tzchaj e c'ojl eyab'n tas 'oj ujoc?

Jeremías 25:2

an Jeremías in tic, schecb' Dios waji, an xwal jun tzo'n̈ paxti chi 'a smasnil eb' 'anma 'a Judá yet' 'a eb' cajn 'a yol chon̈b' Jerusalén, 'ix waln 'ixtic:

Jeremías 32:33

Ma'ix cot q'ueln eb' 'ayin, palta to a yichspatc eb' xya' cot 'ayin. Wach'xam caw ma'ix 'och wan in cuyn eb', palta ma'ix schaj xon eb' yab'i', a tas 'aj xin tench wan eb', caw may yel'ch 'a sat eb'.

Jeremías 35:12

Xlajw cha, 'ix yaln Jehová 'ayn 'ixtic:

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 9:12

'Ix waln 'a Jehová 'ixtic: May junc on̈ tznachj 'el cu'uj tas yuj a jun qui chon̈b' tic x'ochcn 'a cusltac lumal. Al 'ayn̈ on̈ tas yuj 'ixta 'ix 'aji, xin chi 'a 'a.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.