Jeremías 34:22 - Chuj San Sebastian Bible

²² An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Chuj San Mateo Bible

²² Palta a in Jehová in svala': Ol vic'xicot eb' d'a jun chon̈ab' tic, ol yac'an oval eb' d'ay. Ol ac'joc ganar yuj eb', ol sn̈usancantz'a eb'. Axo juntzan̈xo chon̈ab' d'a yol yic Judá, ol vac'can tz'inan, man̈xa junoc anima ol can cajan d'ay, xchi Jehová.

Jeremías 34:22 ပူးပေါင်းရင်းမြစ်များ

A Ch'an̈ Schab'l Libro Samuel 16:11

'Ix yaln David 'ixtc 'a win Abisai yet' 'a smasnil eb' 'ay yopiso yet' cha: —'Intax to wunnal win tzin nib'n milnoc, ax pax win tic, yin̈tl eb' yic Benjamín winac. Sb'ajquin cab' winac, lemb'il a Jehová a tz'a'n yala'.

A Ch'an̈ Schab'il Libro Yic Yab'ixal Eb' Rey 25:6

'Ix yamchj win rey chi yuj eb' caldeo cha, xyi'n 'at eb' win 'a Nabucodonosor 'ayc' 'a chon̈b' Riblá. Ata xcan 'a yib'n̈ Sedequías chi yuj winac.

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Is 13:3

Tox xwac' alxc 'a eb' in soldado, atn eb' jeln 'a owal, a eb' xwac' si'xoc 'eli, 'oj tzaljoc eb', yic 'oj wa'n ya'ch eb' syailal eb' 'ajc'ojl yajch 'ayin, xchi Dios.

Is 24:12

A jun chon̈b' 'ix 'ixtx 'el cha, tox xlaj poj spuertail.

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Is 64:10

A jun tzo'n̈ chon̈b' to ec yaj tic, 'ix can eb' 'a sictaquil. A chon̈b' Jerusalén, 'ix lajw 'ejmi, man̈x 'a mach cajn 'a 'a.

Jeremías 2:15

¿Tas yuj x'och eb' 'anma 'ajc'ojlal 'ayex? 'Icha yel yaw no león, 'ixta ya'n 'el eb' yaw 'ayex. Caw x'ixtx 'el e chon̈b' eyu'uj; xn̈usx tz'a'oc, man̈x 'a junc mach xcan cajn 'a 'a.

Jeremías 32:29

A eb' caldeo wan ya'n owl 'a jun chon̈b' tic, 'oj 'oxtoc eb' 'a yol chon̈b' tic, ax sn̈usn can eb', ax stz'a smasnil jun tzo'n̈ n̈a 'aj xlaj ya'ch eb' 'anma smul 'ayin, a 'a span̈nil yib'n̈ jun tzo'n̈ n̈a cha, ata xyac' tz'a eb' incienso 'a Baal, 'ix ya'n pax eb' yal uva 'a jun tzo'n̈ chuc diosal.

Jeremías 33:10

'Ix yaln pax Jehová 'ixtic: Ax tic tzeyala, to a jun lugar tic caw cusltac yajcni, man̈x 'a 'anma', man̈x 'a pax no noc' tz'ilx yec' 'a 'a; wach'xam a 'a yoltc scayeal Jerusalén, yet' 'a yoltc jun tzo'n̈ chon̈b' 'a Judá, caw wal sictac yajcni, man̈x 'a junc 'anma', man̈x 'a pax junc no noc' 'ayc' 'a 'a.

Jeremías 34:2

An Jehová in, e Diosal in, an tzwal 'ayach, to tz'at al 'ixtc 'a Sedequías sreyl Judá: Al 'a 'a to an Jehová in, an tzwal 'ixtic: 'Oj wa'ch jun chon̈b' tic 'a yol sc'ab' sreyl Babilonia, a 'oj n̈usnoc cani.

Jeremías 38:23

Smasnil eb' 'ix estzil, yet' eb' onnal mamin rey, 'oj 'ajxoc 'och eb' 'a yol sc'ab' eb' 'aj Babilonia. Ach xo, ma'oj stac' a 'at 'elc 'a eb', palta to 'oj ajx 'och 'a yol sc'ab' win sreyl Babilonia cha, ax sn̈usn can eb' jun chon̈b' tic, xin chi.

Jeremías 39:8

Ax eb' 'aj Babilonia cha, 'ix sn̈usn can eb' despacho, yet' smasnil n̈a 'ay 'a Jerusalén. 'Ix sma'n lan̈chjoc eb' smuroal chon̈ab'.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Jeremías 50:13

Yujto 'oj cot wal wowal, man̈x 'a xon junc mach 'oj cancn cajn 'a jun chon̈b' cha. Cusltac lum 'oj 'ajcni. Smasnil mach 'oj b'ey ta', caw 'oj xiw eb' yiln yuj jantc yailal 'oj jawc 'a yib'an̈.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Jeremías 52:7

a eb' soldado 'aj Babilonia, 'ix yoln eb' jun oln 'a smuroal chon̈b' Jerusalén cha. Yuj cha, ax 'a 'ac'wal, 'ix 'el win rey Sedequías chi yet' eb' soldado smasnil wach'xam oyb'il jun chon̈b' chi yuj eb' soldado 'ajc'ojl cha. Ata tojl x'el'ch eb' 'a scal yawb'ente eb' rey, ax ta 'ix 'el'ch eb' 'a jun puerta 'ay 'a snan̈l chab' muro. 'Ixta 'ix 'aj eb' sc'och 'a jun b'e tz'atn̈j 'a span̈nil sti 'a Jordán.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Ez 13:22

Yuj eyixtm 'anma'il xlaj eya'nc cus sc'ojl eb' tojl snab'en. A jun cha, caw matz in nib'j an tic. Ax eb' maysch'olnil sb'eyb'al, tzeyac' sc'ojloc eb' sec matz jel eb' sb'eyb'al yic tzchan eb' sq'uinl 'ayin.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Miqueas 7:13

Caw cusltac 'oj 'ajcn yolyib'n̈q'uinal, smulyujoc eb' cajn 'a 'a, 'ixta 'oj 'ajoc.

Zacarías 1:12

'Ix ta'w jun yángel Jehová cha, xyaln 'ixtic: Mamin Jehová tztac' oj smasnil, 'ayx 70 ab'il scotcn yowl a c'ojl 'a yib'n̈ Jerusalén yet' 'a Judá. ¿Jantcto wal tiempo 'oj yac'a', 'ixta to b'i'an, ax scusch a c'ojl 'a eb'? xchi.

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.

Mt 22:7

Ax win rey cha, caw xcot yowl winac. Yuj cha, 'ix checn 'at win jun tzo'n̈ eb' soldado 'at smil cham eb', ax jun schon̈b' eb' cha, 'ix n̈usx can tz'a'oc.