Jeremías 34:14 - Chuj San Sebastian Bible

¹⁴ to a 'a junjn yuctquil ab'il, tzeya'n 'el eb' e moso 'a libre, atn eb' eyit israelal, eb' tzchon̈ch sb'a e mosooc, eb' tox ex 'a'n servil waque'oc ab'il. Palta a eb' e mam eyichm cha, ma'ix schaj eb' yab' tas waljnac, caw ma'ix syiclj eb'.

Chuj San Mateo Bible

¹⁴ to d'a junjun yuctaquil ab'il syaq'uel eb' schecab' eb' d'a libre, aton eb' eyetisraelal schon̈nacoch sb'a d'a eb', yac'annac servil eb' vaqueoc ab'il. Palta a eb' e mam eyicham chi', maj scha yab' eb' tas valnac, maj sc'anab'ajej eb'.

Jeremías 34:14 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

2 Cr 28:10

Ax ticnec, tox xe nalb'ej to tzeya'ch eb' 'aj Jerusalén yet' jun tzo'n̈ xo eb' 'aj Judá chi e mosooc mto eya'malc servil. Palta ¿tom may pax e mul ax tic tz'och 'a Jehová qui Diosalec?

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Jeremías 32:30

Yictax yel yich chon̈b' Israel, 'ix sb'eylb'ej eb' jun tzo'n̈ tas matz chaj in c'ojol, 'ixta pax eb' et chon̈b' 'ay 'a Judá. An Jehová in, an tzwala to caw matz yactj eb' stzuntzn cot yowl in c'ojol yet' jun tzo'n̈ yechl mun b'ob'il yuj eb'.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Ez 20:4

Ach 'anma', b'eyc'ojlej eb' ach tic, 'ac' yojcoc 'el eb' tas syajb'entacl x'ec' smam yichm eb'.

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Lv 25:10

Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Am 8:6

'Oj qui chon̈c 'ixm qui trigo to man̈x 'a swach'il. 'Oj quixtquec eb' meb'a tic, masnto 'oj schon̈ch sb'a eb' 'ayn̈ec, ax yochcn eb' qui mosooc. 'Ixta 'oj yutc eb' stupn 'el sb'oc 'ayn̈ec, wach'xam cojn yuj jun mojc xan̈b' eb', xe chi.

Ro 7:24

Caw 'oltac tzin 'aj yu'uj. A jun in niwnal tic, a tzin 'i'n 'at 'a chaml 'a jun 'ejmn̈ej. Palta ¿mach tztac' in scoln 'el 'a yol sc'ab' jun in niwnal tic?

Dt 15:1

'Ix yaln pax Moisés 'ixtic: 'A junjn yuctquil ab'il, tzeya'n lajwc sb'oc eb' to 'ay sb'oc 'ayex.

Dt 15:12

Toto 'ay junc quit chon̈b'ec tzchon̈ch sb'a mosoal 'ayex, winac mto 'ix, cojn waque ab'il tzex yac' servil, ax 'a yucl ab'il, tzeya'n 'el 'a libre.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.