Jeremías 33:22 - Chuj San Sebastian Bible

²² A eb' yin̈tl in checb' David, yet' jun tzo'n̈ eb' yin̈tl Leví 'aych ya'malc 'och sti eb' 'anma 'ayin, caw 'oj wac' niwtjoc sb'isl eb' 'icha wal c'anal 'ay 'a satcha'an̈, mto 'icha wal yarenail sti a mar, may junc mach tztac' sb'isni, xchi.

Chuj San Mateo Bible

²² A eb' yin̈tilal vin̈ in checab' aj David chi' yed' eb' yin̈tilal Leví tzin ac'an servil, ol vac' q'uib' sb'isul eb' icha q'uen c'anal, ma icha q'uen yarenail sti' a' mar malaj mach syal sb'isani, xchi Jehová.

Jeremías 33:22 ပူးပေါင်းရင်းမြစ်များ

Gn 13:16

'Icha wal spoccal lum lu'um, may mach tztac' sb'isni, 'ixta 'oj 'aj en̈til.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 28:14

A eb' en̈tl cha, caw niwn 'oj 'aj eb' 'icha spoccal lum lu'um, ax spuccn 'at eb' 'a stojlal norte yet' 'a stojlal sur. 'Ay pax eb' 'oj 'atcn 'a stojlal 'aj tzq'uel c'u yet' 'a stojlal 'aj tz'em c'u, ax smasnil eb' 'anma 'a yolyib'n̈q'uinl tic, 'oj scha eb' yaxilal 'a a patctacl ach tic, yet' a eb' en̈tl b'aq'uin̈.

Salmos 22:30

Ach Cajlil on̈, a eb' quin̈tl b'a'n̈ on̈, 'oj yac' 'ejm sb'a eb' 'ayach, 'oj alxoc 'el ab'xil yuj eb' 'a eb' 'anma tot 'oj 'aljoc.

Salmos 89:29

A eb' yin̈til, 'oj wa'n̈j 'och eb' reyl 'a smasnil tiempo, 'oj b'eyn̈j jun 'opiso chi 'a yib'n̈ eb', ya' sb'a 'ayt 'ec' satchan̈ tic.

Is 48:19

Man̈x yalnb'ilc am sb'isl eb' eyin̈til, lajn am eb' 'icha yarenail sti a mar, toto 'ixta', ma'ex in satli, ma'ex wij pax 'el 'a wojltac, xchi Dios.

Is 66:21

An Jehová in, an tzwala. A 'a scal eb' 'oj cant can cha, ata 'oj in sic' 'elt eb' 'oj 'a'nc 'och sti eb' 'anma 'ayin, yet' eb' 'oj 'och levitail.

Jeremías 30:19

Ata 'oj q'ue eyaw e b'itni, 'oj e tzewj 'a tzaljc'ojlal. Man̈x 'oj 'emtoc e b'isul, an 'oj wac' niwtjoc e b'isl cha. Man̈x 'oj e patquilx 'eli, palta to caw niwn 'oj eyaj 'el'ch wu'uj.

Jeremías 31:37

An Jehová in, an tzwala to may b'a'n̈ 'oj 'echtaxc satcha'an̈. May b'a'n̈ 'oj 'ojcaxc 'el yich lum lum tic. An̈jtona chon̈b' Israel tic, may b'a'n̈ 'oj in patquilc can 'el eb' yuj tas tzb'o'o. An Jehová in, an tzwala, 'icha satcha'an̈ may b'a'n̈ tztac' yechtaxi mto 'icha xab'l yich lum lu'um, may b'a'n̈ 'oj 'ojcaxc 'eli, 'ixta waj yet' chon̈b' Israel tic, may b'a'n̈ 'oj in patquilc can 'el eb' yuj tas tzb'o'o.

Jeremías 33:18

An̈jtona', may b'a'n̈ 'oj satl eb' ya'mal 'och sti eb' 'ayin, yet' jun tzo'n̈ xo eb' yin̈tl Leví, smasnil tiempo a eb' 'oj 'a'nc tz'a xajmb'al 'ayin. 'A junjn c'u ax ya'n tz'a eb' 'ixm trigo ofrendail 'ayin, ax ya'n eb' jun tzo'n̈ xo xajmb'al 'ayin, xchi Dios.

Jeremías 33:23

'Ix yaln pax Jehová 'ayn 'ixtic:

Ez 37:10

A yic xwaln 'a 'ic' 'icha xyutj Dios yaln 'ayn cha, 'ix 'och yic' eb' tacn̈ b'ac cha, 'ix pitzw pax eb', cojn cha, 'ix q'ue lin̈n eb' smasnil. Caw wal man̈x b'ischjb'enoc eb'.

Ez 44:15

Palta ax eb' ya'mal 'och sti eb' 'anma 'ayin, atn eb' levita yin̈tl can Sadoc, eb' an̈ja in ya'n servil 'a watut yic xyi'n 'el sb'a eb' et israelal 'ayin, cojn eb' chi 'oj stac' in ya'n pax servil. A eb' 'oj 'ochlc 'a wojltac yet' xepual no noc', yet' schic'l no xajmb'al.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Zacarías 10:8

'Oj wawtc cot eb', ax wa'n syam sb'a eb', yujto colchjnacx eb' wu'uj. Caw 'oj niwtjoc pax chan̈ sb'isl eb' jun 'ejm xo, 'icha 'ajnc eb' 'a yic pecti'.

Zacarías 12:8

An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in.

Zacarías 2:4

'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.

A Ch'an̈ Carta D'a Eb' Hebreo 11:12

Yuj cha, wach'xam caw 'ichm xo Abraham chi si'mb'il, palta til wal x'aj eb' yin̈tl spitzw 'eli. Lajn x'aj sb'isl eb' 'icha jun tzo'n̈ c'anal tzquilc 'a satcha'an̈. Lajn pax eb' 'icha sb'isl jun tzo'n̈ arena 'ay 'a sti a mar, yujto man̈xtzac b'ischji.