Jeremías 33:15 - Chuj San Sebastian Bible

¹⁵ A wal yic 'oj jawc jun tiempoal cha, 'oj wa'ch junc yin̈tl David reyal, a 'oj 'i'nc chan̈ tojlal yet' wach'ilal 'a jun nacion̈ tic.

Chuj San Mateo Bible

¹⁵ Ayic ol javoc jun tiempo chi', ol vac'och jun yin̈tilal vin̈aj David reyal. A ol ic'anchaan̈ tojolal yed' vach'ilal d'a jun nación tic.

Jeremías 33:15 ပူးပေါင်းရင်းမြစ်များ

Salmos 45:4

Q'uen̈ 'a yib'n̈ a chej yet' a poder yic tza'n ganar owal yuj swach'loc paxti caw yel. Yet' wal stojlal tza b'onyaj eb' 'anma 'emmquilal yeq'ui. 'Ay cab' smay tas 'oj a b'o yet' a poder cha.

Salmos 45:7

A jun tojl nab'enal, caw wach' 'a a sat, ax jun tzo'n̈ tas maysch'olnil, caw yajb'il o'oj. Yuj cha, a Dios, atn a Diosal 'ix ya' jun niwn tzaljc'ojlal 'ayach. Yel xo niwn a tzaljc'ojlal 'ay 'a yib'n̈ eb' ajun et'oc.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 42:21

An Jehová in, caw tzin nib'j tzin colwji, yuj cha, xwa'n cuynb'il caw wach' 'ayex.

Is 53:2

Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Jeremías 17:25

Toto 'oj e b'on̈j 'icha tzwal tic, to 'ixta', 'ayn̈j eb' rey 'oj 'em wocn 'a sdespacho David. 'Oj 'oxtoc eb' 'a spuertail chon̈b' tic, yet' caruaje toc'b'il yuj chej, ajun eb' yajl yet' eb', yet' pax jun tzo'n̈ xo eb' 'ay 'a Judá, yet' pax eb' 'ay 'a Jerusalén. Ax eb' cajn 'a jun chon̈b' tic, may b'a'n̈ 'oj satl eb'.

Jeremías 30:9

An Jehová in, an 'oj in yac' servil eb', yujto sDiosal in eb', ax ya'w pax servil eb' 'a jun yin̈tl can David, atn jun 'oj wa'ch reyal.

Jeremías 50:7

Ax yic tzchan sb'a e no yet' junc 'ajc'ojl yajch 'a 'a, tzmilx cham e no yu'uj. 'Ixtnta pax yaj eb' in chon̈ab', tzyaln eb' 'ajc'ojl chi yuj eb' 'ixtic: An̈ tic, matz 'och jun tic qui muloc, yujto a eb' x'och smul 'a Jehová, atn jun tz'a'n tas tzc'ux eb', jun ya'jnac 'och eb' smam yichm eb' yipc sc'ojol, 'oj schic eb'.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.