Jeremías 32:41 - Chuj San Sebastian Bible

⁴¹ Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Chuj San Mateo Bible

⁴¹ Yed' val in tzalajc'olal ol vac'an vach'ilal d'a eb'. D'a val yel ol vac' cajnaj eb' d'a jun luum tic d'a smasanil in c'ool.

Jeremías 32:41 ပူးပေါင်းရင်းမြစ်များ

Salmos 80:8

Mamin Jehová, a 'a Egipto 'ix 'ej cot jun te snun uva; 'ix a pechn 'el jun tzo'n̈ chuc nacion̈al 'a sat slu'um, ax 'a slum eb' chi 'ix awj can pax te uva cha.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Jeremías 18:9

An̈jtona', q'uinloc tzin nalb'ej in b'on junc nacion̈, tzwa'n pax q'uib'oc,

Jeremías 24:6

'Oj in tan̈wcn̈ej eb', ax wi'n meltzjoc paxt eb' 'a jun nacion̈ tic. A 'a tic 'oj wac' q'ue'choc eb', man̈x 'oj in satl eb'. 'Icha wal to 'oj wawc can 'ejm eb', man̈x 'oj in toc' chan̈ eb' jun 'ejm xo.

Jeremías 31:28

An Jehová in, an tzwala to an wa'jnac wip in to'n q'ueta, xin ma'n 'ejmi, 'ix lan̈chj 'ejm wu'uj, xin satn 'eli, xwixtn 'eli. Palta a yic 'oj jawc jun c'ul cha, an 'oj wa'x wip wawn 'ejm jun 'ejm xo, ax in b'on pax cha'an̈.

Ez 36:36

A jun tzo'n̈ nacion̈ cannc can 'a stz'ey eyic cha, 'oj yojcoc 'el eb', to an tzin b'ox chan̈ tas satnc can 'eli, 'icha to tzwawj pax tas toc'b'il cha'an̈. An Jehová in, yowlal 'oj wac' 'el'choc jun tzo'n̈ tzwalcn tic.

Os 14:5

'Icha tz'aj snichn te c'ultc yuj chicb'cha'an̈, mto 'icha te c'ute 'a jolmctac witz 'a lum Líbano to najt tz'at sch'an̈lyib', 'ixta 'oj wutc pax eb' israel.

Am 9:15

An Jehová Dios in, an tzwala, to 'oj wac' scajx eb' slu'um. A slum eb' 'oj wac' cha, man̈x 'a b'a'n̈ 'oj 'ijxoc 'el eb' 'a sat jun 'ejm xo, xchi Dios.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Dt 28:63

A Jehová caw 'ay stzaljc'ojlal yic tzya'n niwtjoc qui b'islec; 'ixta pax 'oj tzaljoc 'a jun tiempoal cha yic 'oj e lajw pax 'eli. Caw man̈x 'a yel'ch 'oj eyaj e satl 'a sat lum lum 'aj jab'xoj e c'och cajn cha.

Dt 30:9

'Oj eyoch ricoal yuj Jehová Dios, ax ya'n syaxil 'a yib'n̈ smasnil tas 'oj e b'o', 'a yib'n̈ eyunnal, 'a yib'n̈ e cajb'en noc', yet' 'a yib'n̈ smasnil e munljel. 'Oj tzaljoc Jehová yuj tas wach' tze b'o'o, 'icha yutjnac stzalj yet' eb' qui mam quichmec.