Jeremías 32:37 - Chuj San Sebastian Bible

³⁷ 'oj wac' sactzic eb' et chon̈b' tic 'a junjn nacion̈ yuj yowl in c'ojl to caw 'ay xo smay. 'Oj lajwc cha, ax in molb'tzan eb', ax wi'n pax meltzjoc eb' 'a tic jun 'ejm xo. A 'a tic, man̈x 'a tas 'oj 'i'nc eb'.

Chuj San Mateo Bible

³⁷ Ol in molb'ejxi eb' b'aj ol in saclemejb'at d'a junjun nación yuj yoval in c'ol te ay smay. Ol lajvoc chi', ol in vic'anxicot eb'. A d'a tic ol aj eb', man̈xa tas ol ic'an eb'.

Jeremías 32:37 ပူးပေါင်းရင်းမြစ်များ

Salmos 106:47

Mamin Jehová, qui Diosal ach on̈, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.

Jeremías 12:14

'Ix yaln Jehová yuj jun tzo'n̈ nacion̈ caw wal maysch'olnil cajn 'a stz'ey chon̈b' Israel, eb' x'i'n 'ec' lum lum xyac' Jehová smacloc eb' israel, atn eb' schon̈ab', 'ix yaln 'ixtic: An 'oj wi'l eb' 'a sat slu'um, 'icha 'ix wutj wi'n 'el eb' 'aj Judá.

Jeremías 16:14

Palta an Jehová in, an tzwala: A ticnec, a yic tzlocn eb' 'anma in b'i, tzyal eb' 'ixtic: Wal 'a sb'i Jehová 'ix 'i'n 'elt eb' israel 'a Egipto, xchi eb'.

Jeremías 16:15

Palta 'ay jun tiempoal man̈x 'oj yal eb' 'ixta'. 'Ixtc 'oj yutc eb' yalni: Wal 'a sb'i Jehová 'ix 'i'n 'elt eb' israel 'a stojlal norte yet' 'a jun tzo'n̈ xo chon̈b' 'aj sactzicnac yajcn 'at eb' yu'uj, 'oj schic eb'. Yujto an 'oj wi'x meltzjoc eb' israel tic 'a 'aj 'aycn schon̈ab', atn lum lum wa'jnac can 'a eb' e mam eyicham.

Jeremías 21:5

An wal 'oj wac' owl eyet'oc, 'oj in c'anlb'oc wal wip, yet' yowl in c'ojl to 'ay xo smay yalxi.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 23:8

Palta ax yic 'oj b'ey tiempo, 'ixtc 'oj yutc eb' yalni: Yojc wal Jehová, jun x'i'n 'elt eb' israel 'a stojlal norte yet' 'a jun tzo'n̈ xo chon̈b' 'aj sactzicnac yajcn 'at eb', 'oj xchic eb'. 'Ixta to b'i'an, ax yaj cajn eb' israel 'a slum jun 'ejm xo, xchi Dios.

Jeremías 24:6

'Oj in tan̈wcn̈ej eb', ax wi'n meltzjoc paxt eb' 'a jun nacion̈ tic. A 'a tic 'oj wac' q'ue'choc eb', man̈x 'oj in satl eb'. 'Icha wal to 'oj wawc can 'ejm eb', man̈x 'oj in toc' chan̈ eb' jun 'ejm xo.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Jeremías 31:10

Ex nacion̈, 'ab'c wal in paxti an Jehová in tic, alc 'el 'ixtc 'a jun tzo'n̈ lugar 'a lac'an yet' 'a sc'axpil 'ec' a mar 'a caw najat: A Jehová 'ix 'a'n sactzic can 'at eb' israel, an̈jtona a pax tzmolb'tzan cot eb' ticnec, tztan̈wx eb' yuj 'icha tz'aj stan̈wx no calnelu yuj yilmal, xe chi.

Jeremías 32:15

A Jehová tztac' yuj smasnil, qui Diosalec an̈ israel on̈c tic, a tzaln 'ixtic: A yic b'a'n̈ cha, 'oj sman eb' 'anma yatut, slu'um, yet' te uva 'awb'ilx 'a jun lum tic, xchi Dios, xin chi 'a 'a.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Jeremías 33:7

'Oj wi'x meltzjoc eb' 'aj Judá yet' eb' 'aj Israel jun 'ejm xo 'a 'aj 'ayc' eb' 'icha presoal, ax in b'on pax chan̈ schon̈b' eb' jun 'ejm xo 'a 'icha xon yaji.

Ez 11:17

An 'oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n chon̈b' Israel tic eyico'oc.

Ez 20:34

'Oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n 'och eyailal yuj yowl in c'ojol.

Ez 28:25

An Jehová in, an tzwal 'ixtic: 'Oj in molb'tzoc cot pax eb' israel sactzicnac yajcn 'at 'a jun tzo'n̈ xo nacion̈, ax in ch'oxn in wach'c'ojlal 'a eb' 'a sat jun tzo'n̈ nacion̈ cha. A eb' israel cha, 'oj scajx eb' slum chi jun 'ejm xo, atn lum wa'jnac 'a win in checb' Jacob.

Ez 28:26

Caw tzaljc'ojlal 'oj canx eb' 'a yol schon̈ab', may tas 'oj sna eb'. 'Oj sb'ox chan̈ eb' yatut, ax laj ya'nc pax 'ejm eb' yawb'ente'. An 'oj wa'ch syailal smasnil eb' tzchichn 'och 'a eb', ax yojcan 'el eb' to an Jehová in, sDiosal in eb', xchi 'ayin.

Ez 36:24

An 'oj ex wi'x 'elt 'a scal jun tzo'n̈ nacion̈ cha; 'oj ex in molb'tzoc, ax ex wi'n pax meltzjoc 'a e chon̈b' jun 'ejm xo.

Os 1:11

'Oj lajwc cha, ax syamn sb'a smasnil eb' 'aj Judá, yet' eb' 'aj Israel, junxn̈ej syajlil eb' 'oj ya'chi. Junxn̈ej 'oj 'aj sjapx eb' wul yi'x slum jun 'ejm xo. ¡Caw niwn yel'ch jun c'u yic Jezreel!

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Jl 3:20

An 'oj in pactzoc xchamlil eb'. Man̈x 'oj wac' niwnc'ojlal 'a eb' x'och smul cha. Palta ax eb' 'aj Judá yet' eb' 'aj Jerusalén, 'oj canx cajn eb' 'a schon̈ab'. An xo an Jehová in tic, 'oj in cann̈j cajn 'a tzaln Sión, xchi Dios.

Sofonías 3:20

A yic jun tiempoal cha, 'oj ex in molb'tzoc pax coti, ax wecn eyam e b'a. 'Oj eyil wal yet' e sat yuj tas 'oj wutc in jeln tas 'aych 'a eyib'an̈. 'Oj wac' 'ijxoc chan̈ e b'inab'ilal, sec 'ay eyel'ch 'a scal smasnil eb' 'anma 'a yolyib'n̈q'uinal, xchi Dios.

Zacarías 14:11

'Oj 'ajx cajn 'anma 'a Jerusalén jun 'ejm xo, man̈x 'a tas 'oj sna eb' ta', yujto man̈x 'oj ma'xoc 'ejmi.

Zacarías 3:10

A wal yic 'oj jawc jun c'ul cha, ax tic, junjn ex 'oj eyawtc cot e b'a. 'Oj eyilj 'a yen̈l yich e uva yet' e higo. An Jehová in, tztac' wuj smasnil, an tzwal jun tic, xchi Dios, xchi jun ángel cha.