Jeremías 32:24 - Chuj San Sebastian Bible

²⁴ Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Chuj San Mateo Bible

²⁴ A ticnaic, a eb' caldeo toxo ix sb'oq'ue juntzan̈ stec'nub' eb' yic syac'an oval eb' d'a co chon̈ab' tic. Yuj oval, vejel yed' ilya, ol yac' ganar co chon̈ab' tic eb' ac'um oval chi'. Mamin, van yelc'och tas alnaccani.

Jeremías 32:24 ပူးပေါင်းရင်းမြစ်များ

A Ch'an̈ Schab'l Libro Samuel 20:15

A yic 'ix c'och eb' soldado win Joab 'a Abel-bet-maaca, 'ix 'och oyn eb' 'a 'a. 'Ix sb'on chan̈ eb' sb'achte 'a spatquil, yic tzya'n eb' owl yet'oc. Smasnil eb' soldado cha, 'ix syamch eb' smac' 'ejm smuroal jun chon̈b' cha.

Is 37:33

Ax pax yuj win sreyl Asiria, 'ix yal Jehová yuj win 'ixtic: Ma'oj 'oxtoc 'a yol chon̈b' Jerusalén tic, may wal junc sjul-lab' 'oj ya'lc sjuln coti, ma'oj jawc yac' owl yet' smacl sat jul-lab', ma'oj sb'o pax chan̈ sb'achte 'a spatquil smuroal chon̈b' tic.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 20:5

Smasnil e ricoal 'a yol e chon̈ab', smasnil tas caw chan̈ stojl 'ay 'ayex, yet' pax smasnil sricoal eb' sreyl Judá, 'oj wac' 'a yol sc'ab' eb' 'ajc'ojl cha, ax yi'n 'at eb' 'a Babilonia.

Jeremías 24:10

'Oj wa' cot owal, wejel, yet' yab'il 'a scal eb'. Man̈x 'a junc eb' 'oj can 'a sat lum lum 'ix wac' 'a eb', yet' 'a eb' smam yichm eb', xchi Dios.

Jeremías 29:17

An Jehová in, tztac' wuj smasnil, an tzwala: 'Oj wa't owal, wejel, yet' yab'il 'a scal eb'. 'Oj wac' yajxoc eb' 'icha jun tzo'n̈ te higo c'alxo, caw juwnac xo, man̈xtzac stac' sloxi.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Jeremías 32:25

Mamin Jehová, wach'xam 'oj 'ejmc jun chon̈b' tic yuj eb' caldeo, palta wojtac to ach 'ix ala, yuj cha, xin mann lu'um, sat wal eb' testigo xin tojni, xin chi 'a in lesal.

Jeremías 32:28

Yuj cha, an Jehová in, an tzwal 'ixtc 'ayach: An 'oj wac' 'ejmc jun chon̈b' tic yuj win Nabucodonosor sreyl eb' caldeo 'a Babilonia.

Jeremías 32:3

A win rey Sedequías cha, in yac' win yamchjoc, sec tzin 'och 'a preso, yujto waljnac 'ixtic: A Jehová tzaln 'ixtic: 'Oj wa'ch jun chon̈b' tic 'a yol sc'ab' win sreyl Babilonia.

Jeremías 32:36

Ach tzala, to a jun chon̈b' tic, 'oj 'ejmc yuj win sreyl Babilonia yuj owal, yuj wejel, yuj pax yab'il, xa chi. Palta an Jehová in, e Diosal in, an tzwala to

Jeremías 32:5

Ax win Nabucodonosor cha, 'oj yac' win 'ijxoc 'at 'a Babilonia. Ata 'oj cann̈j ta', masnto 'oj wilx in b'a yet'oc. Wach'xam 'oj cob' eyac' owl yet' eb' caldeo, palta ma'oj stac' eyu'uj, xchi Dios, xin chi. Yuj wal jun tzo'n̈ paxti cha, wajx 'och 'a preso.

Jeremías 33:4

An Jehová in, e Diosal in, 'ay wal jun in paxti tzwalcn 'a yib'n̈ yatut eb' 'aj Jerusalén, yet' 'a yatut eb' sreyl Judá, atn jun tzo'n̈ wan sma'x lan̈chjoc yic tzc'anx sq'uenal 'a jun tzo'n̈ oln 'a smuroal chon̈ab', yic wach' matz 'och eb' caldeo wan ya'n owl eyet'oc.

Jeremías 34:17

Yuj cha, an Jehová in, an tzwala: Ax tic ma'ix eyiclj tas 'ix wala, yujto ma'ix eya'l eb' eyit chon̈b' 'a libre. Yuj cha, an tzwala to 'oj wa' cot owal, wejel, yet' yab'il 'a eyib'an̈. Caw 'oj xiw smasnil eb' nacion̈ yic 'oj yab'nc eb' tas 'oj ex wutoc.

Jeremías 52:4

A 'a yic slajn̈il c'u yoch slajn̈il 'uj yic sb'aln̈il ab'il yoch Sedequías reyal, 'ix cot Nabucodonosor sreyl Babilonia yet' smasnil eb' soldado wul yac' owl 'a Jerusalén. 'Ix 'och oyn eb' 'a 'a, 'ix sb'on chan̈ eb' scamplamento 'a yojltac 'at chon̈b' cha. 'Ix sb'on 'och eb' sb'achte 'a spatquil 'elt chon̈ab' yic tzya'n eb' owl yet'oc.

Jeremías 52:6

Caw 'ix niwtj wal wejl 'a jun chon̈b' cha, man̈x 'a jac tas wach' sc'uxn eb' 'anma'. A 'a yic sb'aln̈il c'u yoch schan̈l 'uj yic jun ab'il cha,

Jeremías 6:6

A Jehová jun tztac' yuj smasnil, a 'ix aln 'ixtic: ¡Ch'acc 'el eb' te te'! tzeya'n 'och eb' te e b'achte'oc 'a spatquil 'el jun chon̈b' tic, yic 'oj eya'nc owl yet' eb' 'aj Jerusalén! A jun chon̈b'al eb' 'anma tic, 'oj wa'ch yailal 'a yib'n̈ eb', yujto cojxn 'ixtj 'anma tzb'o eb'.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 21:22

Ax 'oj 'ajoc, a 'a swach' c'ab', ata 'oj sch'ox jun sjul-lab' cha, to ata tz'at yac' owl 'a Jerusalén, yic tz'at smilnc eb' 'anma'. 'Oj ya'l yaw ax yoch owal. 'Oj sma'cn poj spuertail jun chon̈b' cha, ax yoch oyn eb' soldado 'a spatquil 'eli. 'Oj sb'o eb' sb'achte 'a spatquil smuroal cha.

Ez 21:27

Caw 'oj satcn 'ejm chab' 'opiso tic masnto 'oj jawc jun mach 'ay yaln yic 'a 'a, caw an 'oj wac' 'a a'.

Ez 26:8

'Oj smil win smasnil 'anma 'ay 'a jun tzo'n̈ aldea 'ay 'a sti a mar; ax yoyn 'och win jun niwquil muro 'a spatc 'el chon̈ab'. 'Oj lajwc cha, ax sb'on win sb'achte'al 'aj 'oj 'ochoc, yic 'oj ya'nc owl cha, ax eb' soldado win smasnil, yet'n̈j eb' syamc'ab' tzmacn sat jul-lab'.

Ez 4:2

Tzoyn 'och yechl yamc'ab' yic owl 'a spatquil, tza'n 'och smuroal, tza'n 'och sb'achte'al 'a spatquil 'el cha, ax 'a yojltac 'elt cha, ata tza b'o camplamento tz'och oyn 'a 'a.

Habacuc 1:10

Ton̈j tzb'uchwj eb' 'a eb' rey yet' 'a eb' 'anma to niwn yel'ch yalni. Ton̈j tzewj eb' yuj jun tzo'n̈ chon̈b' 'aych smuroal. Tzlaj yi' cot eb' lum lu'um yic tzb'on chan̈ eb' ste'nub'oc 'a spatc 'el muro cha. 'Ixta tz'aj yem junc chon̈b' chi yuj eb'.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Dt 4:26

Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.