Jeremías 31:7 - Chuj San Sebastian Bible

⁷ Tzyaln pax Jehová 'ixtic: B'itnan̈c 'a tzaljc'ojlal yuj jun chon̈b'al eb' yin̈tl Jacob, atn jun chon̈b' 'ec'b'al yel'ch 'a yib'n̈ smasnil nacion̈. 'Ab'x cab' e b'itni, tzeyaln 'ixtic: Mamin Jehová, coln̈ an̈ a chon̈b' on̈ tic, atn jantc on̈ 'ayn̈to cani, xe chi.

Chuj San Mateo Bible

⁷ Ix yalanxi Jehová icha tic: B'itanan̈ec d'a tzalajc'olal yuj jun chon̈ab'il eb' yin̈tilal Jacob, aton jun te nivan yelc'och d'a yichan̈ masanil nación. Ab'chajocab' e b'itani, tzeyalan icha tic: Mamin Jehová, col on̈ a chon̈ab' on̈ tic, a on̈ ayon̈ to can tic, xe chi.

Jeremías 31:7 ပူးပေါင်းရင်းမြစ်များ

Salmos 106:47

Mamin Jehová, qui Diosal ach on̈, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.

Salmos 126:2

Xlajw cha, 'ix ca'nec wal qui gana qui tzewji, 'ix 'el wal cawc qui b'itnec yuj tzaljc'ojlal; ax eb' chuc chon̈b'al, xlaj yal eb' 'ixtic: A Jehová, caw niwn swach'c'ojlal xyac' 'a eb', xchi eb'.

Salmos 14:7

A cab' 'a tzaln Sión, ata tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Salmos 28:9

Mamin Jehová colwjan̈ 'ayn̈ an̈ a chon̈b' on̈ tic, 'ac' a yaxilal 'a quib'n̈ an̈ to ec xo caji. 'Ilt on̈ 'icha tzyac' junc 'ilm calnelu, tan̈wj on̈ 'a smasnil tiempo.

Salmos 67:1

Ach Cajlil on̈, 'o'ch cab' a c'ojl 'ayn̈ on̈, 'a' cot a yaxilal 'a quib'n̈ on̈. Scha cab' a c'ojl on̈ eln coti,

Salmos 69:35

A 'oj colnc 'el Sión, ax sb'on pax chan̈ chon̈b' Judá jun 'ejm xo. Ax yin̈tl eb' schecab', a eb' 'oj cajnc jun chon̈b' cha. Ata 'oj cann̈j cajn eb', ax yoch eb' 'aj chon̈b'al ta', atn eb' 'ay schamc'ojlal 'a 'a.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 37:31

A jaywn̈ocx ex tzex can 'a Judá, lajn 'oj eyaj 'icha junc te te tz'emx sch'an̈l yib' 'a yol lu'um, tzlajw cha, tzya'n sat muc'uc.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Is 52:8

'Ab'ec, a eb' stan̈mal chon̈ab', caw wal checl yel yaw eb'. Junlajn yel yaw eb' smasnil yuj tzaljc'ojlal, yujto caw wal tzyil eb' tas tz'aj smeltzj paxt Jehová 'a lum tzaln Sión.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Jeremías 20:13

B'itnejec Jehová, alc e wach' paxti 'a 'a. A tzcoln eb' tz'ab'n syal yuj eb' 'ixtm 'anma'.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Ez 6:8

An 'oj wi'cn 'el jaywn̈ocx eb' 'a e cal cha, 'oj colchjoc can 'el eb' 'a owal, ax sactzic can 'at eb' 'a scal jun tzo'n̈ xo nacion̈ 'aj 'oj c'och cha.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Jl 2:32

Palta ax smasnil eb' tzyal sb'a 'ayn an Jehová in, 'oj colchjoc can 'el eb'. 'Icha wal yaj waln cani, to a 'a tzaln Sión 'a Jerusalén, 'ay eb' 'oj colchjoc, a eb' sic'b'il 'el wu'uj, ma'oj cham eb'.

Am 5:15

Yajc 'el tas maysch'olnil, ax tas wach' a tze chamc'ojlej. Tzcham wal e maclni eyila', toto wach' xo tz'aj sb'oyaj junc mach 'a despacho. To 'ixta', toq'ue a Jehová Dios tztac' yuj smasnil, 'oj 'o'ch sc'ojl 'ayx ax yin̈tl ex to can José.

Miqueas 2:12

'Icha tzyutj junc 'ilm calnelu smolb'tzan no calnelu 'a yol scolal, 'ixta 'oj ex wutc ex in molb'tzan cot e masnil ex yin̈tl Jacob, atn ex israel to 'oj to e cani. 'Icha junc lum 'a'lic b'ut'jnac 'el yuj no calnelu, 'ixta wal 'oj 'aj sb'ut'j pax 'el e lum eyu'uj.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Ro 11:5

An̈jtona', 'ixta pax ticnec. 'Ay eb' yic xon Dios 'a scal eb' wit israelal. Atn eb' sic'b'il can 'el yuj Dios yuj swach'c'ojlal.

Ro 9:27

Palta yaljnac can Isaías yab'xil eb' quit israelal chi 'ixtic: A eb' wit israelal, wach'xam caw niwn 'oj 'aj sb'isl eb' 'icha sb'isl yarenail sti a mar, palta jaywn̈n̈ej eb' 'oj colchjoc.

Dt 28:13

Toto tzeyiclj smasnil schecnb'il Jehová qui Diosalec, atn smasnil jun tzo'n̈ xwal 'ayx tic, to 'ixta', 'oj ex ya'cn 'a b'ab'el, man̈oc to 'a slajb' 'oj e cani; caw niwn 'oj eyaj 'el'ch 'a yib'n̈ jun tzo'n̈ xo nacion̈, may b'a'n̈ 'oj e can 'a yalan̈.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.