Jeremías 31:5 - Chuj San Sebastian Bible

⁵ Ax eyawn pax e uva jun 'ejm xo 'a lum tzalctac 'a yol yic Samaria. A mach 'oj 'awnc uva cha, 'oj yac' tzaljoc sc'ojl yet' sat te'.

Chuj San Mateo Bible

⁵ Ol eyavejxi te' eyuva d'a lum tzalquixtac d'a yol yic Samaria. A mach ol yavej yuva chi', ol yac' tzalajb'oc sc'ol yed' sat.

Jeremías 31:5 ပူးပေါင်းရင်းမြစ်များ

Salmos 107:37

Tzlaj yawnc eb' te uva 'a lum lum cha, til wal sb'al lum tzyac'a.

Jeremías 32:15

A Jehová tztac' yuj smasnil, qui Diosalec an̈ israel on̈c tic, a tzaln 'ixtic: A yic b'a'n̈ cha, 'oj sman eb' 'anma yatut, slu'um, yet' te uva 'awb'ilx 'a jun lum tic, xchi Dios, xin chi 'a 'a.

Ez 28:26

Caw tzaljc'ojlal 'oj canx eb' 'a yol schon̈ab', may tas 'oj sna eb'. 'Oj sb'ox chan̈ eb' yatut, ax laj ya'nc pax 'ejm eb' yawb'ente'. An 'oj wa'ch syailal smasnil eb' tzchichn 'och 'a eb', ax yojcan 'el eb' to an Jehová in, sDiosal in eb', xchi 'ayin.

Ez 36:8

A lum jolmctac witz 'a yol e macb'en, til wal te niwc 'awb'ente 'oj yac' sat 'a jun tzo'n̈ lugar cha, sec a te 'oj e lo sat, yujto jab'xoj e meltzji.

Am 9:14

yujto 'oj wi'x cot eb' in chon̈b' 'a 'aj 'aycn 'at 'icha presoal, ax sb'on pax chan̈ eb' schon̈b' lan̈chjnac 'ejmi. 'Oj canx cajn eb' 'a 'a, 'oj yawc eb' te uva, ax yu'n eb' yalil te'. 'Oj yawc eb' yawb'ente', ax slon eb' sat te'.

Abdías 1:19

A eb' israel cajn 'a lum Neguev, 'oj yic' eb' slum 'a lum jolm witz 'ay 'a yol yic Esaú. An̈jtona pax eb' cajn 'a lum niwn pan̈an, 'oj yic' pax eb' slum 'a lum slum eb' filisteo. Ax yi'n pax eb' slum 'a lum yic Efraín, yet' pax 'a lum 'ay 'a yol yic Samaria. Ax eb' israel yin̈tl Benjamín, a eb' 'oj 'i'nc can lum yic Galaad.

Miqueas 1:6

Yuj ton wal cha, tzyaln Jehová 'ixtic: 'Oj wac' lan̈chjoc 'ejm chon̈b' Samaria, toxn̈ej 'oj q'uecn b'uln sc'axpil. Sec 'oj 'ajcn yet'l 'icha 'aj wach' yawx te uva. At 'a lum pan̈ctac, atta 'oj in julcn 'at sq'uenal jun chon̈b' tic, ax scheclj can q'uet stzatzl yich.

Miqueas 4:4

Yuj cha, smasnil 'anma', 'oj can eb' 'a tzaljc'ojlal. Junjn mach 'oj stac' yilj 'a yen̈l yich te uva 'awb'il yu'uj, yet' pax 'a yich te higo. A Jehová tztac' yuj smasnil, a 'ix 'a'n can sti 'a jun tic.

Zacarías 3:10

A wal yic 'oj jawc jun c'ul cha, ax tic, junjn ex 'oj eyawtc cot e b'a. 'Oj eyilj 'a yen̈l yich e uva yet' e higo. An Jehová in, tztac' wuj smasnil, an tzwal jun tic, xchi Dios, xchi jun ángel cha.

Dt 20:6

Toto 'ay junc ex tot xeyawj eyuva 'a sat e lu'um, mantzac eyac' tzaljoc e c'ojl yet' e munljel cha, tztac' e pax 'a eyatut. Toto ma'ay ch'olb'j tzex cham 'a owal, ax 'oj 'ajoc, chucx mach 'oj molnoc chan̈ sat eyuva cha.

Dt 28:30

'Oj eyac' e ti cob' e nupn yet' junc 'ix 'ix, palta chucx win 'oj way yet' 'ix. 'Oj cob' e b'o eyatut, palta ma'oj e caja'. 'Oj cob' e b'o e munljel, palta ma'oj e c'ux sat eyawb'en cha.

A Ch'an̈ B'ab'el Libro Samuel 21:5

—A eb' 'ix 'ix cha, 'ayx xcan eb' 'ix cuj on̈, chab'ji xo on̈ cotcn ticnec. Wach'xam a jun qui checnb'il may wal yel'chi, palta a ewin in checb' cha, wach'x yaj ewin sacb'tzan sb'a yic on̈ cot on̈, ax ticnec yel xo wal sacx yaj ewinac, xchi David cha.