Jeremías 31:4 - Chuj San Sebastian Bible

⁴ 'Oj ex wi' chan̈ jun 'ejm xo. 'Oj e b'atj chan̈ pax yuj tzaljc'ojlal jun 'ejm xo yet' e pandereta.

Chuj San Mateo Bible

⁴ Ol ex vic'xiq'uechaan̈. Eyed'nac e pandereta ol ex q'uex cheneljoc yuj tzalajc'olal.

Jeremías 31:4 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:21

Yuj cha, xyaln Jehová jun tzo'n̈ paxti tic 'ixtc 'a yib'n̈ win rey cha: A eb' 'ix cob's 'ix 'aj Sión, ton̈j 'oj tzewjc eb' 'ix 'aych ach Senaquerib. A eb' 'aj Jerusalén 'oj ach sb'uch eb', ax spax ch'umnjoc eb' 'ayach, yic 'oj a meltzj 'a a patquil.

Salmos 149:3

Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.

Salmos 30:11

Ach in Diosal, a 'in yailal xa meltztej 'och in tzaljc'ojlaloc; 'ix ej can 'el in cusc'ojlal, ax tzaljc'ojlal 'ix a'cn 'och 'ayin.

Salmos 51:18

'Ac' a wach'c'ojlal 'a yib'n̈ Sión, yuj swach'l a nab'en, tza b'on chan̈ smuroal Jerusalén jun 'ejm xo.

Salmos 69:35

A 'oj colnc 'el Sión, ax sb'on pax chan̈ chon̈b' Judá jun 'ejm xo. Ax yin̈tl eb' schecab', a eb' 'oj cajnc jun chon̈b' cha. Ata 'oj cann̈j cajn eb', ax yoch eb' 'aj chon̈b'al ta', atn eb' 'ay schamc'ojlal 'a 'a.

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Is 30:32

A yic 'oj ya'nc 'och Jehová syailal eb' 'aj Asiria 'a junjn 'ejem, ax eb' israel, 'oj b'itnoc eb' yet' arpa yet' tinab'. Caw 'ay xo smay yilx jun owl 'oj 'och cha.

Is 37:22

Yuj cha, xyaln Jehová jun tzo'n̈ paxti tic 'ixtc 'a yib'n̈ win sreyl Asiria cha: A eb' 'ix cob's 'ix 'aj Sión, ton̈j 'oj tzewjc eb' 'ix 'aych ach Senaquerib. A eb' 'aj Jerusalén 'oj ach sb'uch eb', ax spax ch'umnjoc eb' 'ayach, yic 'oj a meltzj 'a a patquil.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

Jeremías 18:13

Xlajw cha, 'ix yaln pax Jehová 'ixtic: C'anb'j 'ec' 'a scal jun tzo'n̈ nacion̈, toto 'ay 'aj tox 'ix 'ab'x jun tzo'n̈oc paxti 'icha jun tic. A eb' et israelal tic, 'ay wal jun tas yel xo tu 'ix sb'o eb'.

Jeremías 24:6

'Oj in tan̈wcn̈ej eb', ax wi'n meltzjoc paxt eb' 'a jun nacion̈ tic. A 'a tic 'oj wac' q'ue'choc eb', man̈x 'oj in satl eb'. 'Icha wal to 'oj wawc can 'ejm eb', man̈x 'oj in toc' chan̈ eb' jun 'ejm xo.

Jeremías 31:13

Caw 'oj b'atjoc chan̈ eb' 'ix cob'stac yuj tzaljc'ojlal. 'Oj tzaljoc pax chan̈ eb' quelmtac, yet' pax eb' 'ichmtac winac. An 'oj wac' sniwnal sc'ojl eb', 'oj meltzjoc 'och scusc'ojlal eb' 'a tzaljc'ojlal, yel xo niwn stzaljc'ojlal eb' 'oj wac' 'a yib'n̈ jun tzo'n̈ yailal 'ix laj yil eb'.

Jeremías 31:21

Ex israel, si'mb'il tzeyilcn jun b'e 'aj tzex 'ati, sec a 'a jun b'e chi 'oj e cotxi, yic 'oj e meltzj pax 'a jun tzo'n̈ e chon̈b' 'ix eyactj can tic. ¡Meltzjan̈c ex chon̈b' israel! ¡Caw meltzjan̈c 'a jun tzo'n̈ e chon̈ab'!

Jeremías 31:38

'Ay jun c'ul 'oj jawoc, 'oj b'ox chan̈ chon̈b' Jerusalén jun 'ejm xo wico'oc. 'Oj 'atn̈j 'a jun torre tzcuch Hananeel, masnto 'oj c'och 'a jun puerta 'ay 'a jun schiquin.

Jeremías 33:7

'Oj wi'x meltzjoc eb' 'aj Judá yet' eb' 'aj Israel jun 'ejm xo 'a 'aj 'ayc' eb' 'icha presoal, ax in b'on pax chan̈ schon̈b' eb' jun 'ejm xo 'a 'icha xon yaji.

Jeremías 46:11

Ex cob's 'aj Egipto, 'ixquec sayj remel 'a Galaad. Wach'xam til wal remel 'oj e c'ana', palta man̈x 'a yopiso, yujto man̈x 'a junc remel 'oj stac' scoln 'el e chon̈ab'.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Am 5:2

A qui chon̈b'ec tic, lajn wal 'icha junc 'ix cob's 'ix tzecx can telwoc. Man̈x 'a tz'aj sq'ue wa'an. Yujto x'actx can sch'ocoj, man̈x 'a mach tz'i'n chan̈ 'a sat lu'um.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Lc 15:23

Tzlajw cha, tz'at eyi'nc cot no wacx b'a'ch yajx servil, tze milni. To 'oj qui wa'ec, ax ca'nec 'och sq'uin̈.

A Tas Sc'ulejnac Eb' Schecab' Jesús Hechos 15:16

A yopiso David, satnc 'ejmi, 'icha junc n̈a lan̈chjnac 'ejmi. Palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi,

Jueces 11:34

Ax yic xlajw owl cha, 'ix pax Jefté 'a yatut 'a Mizpa, ax jun c'otn yisil, a 'ix x'elt chanoc sc'ochi. Xoj schan̈lwi 'ix yet' spandereta yuj stzaljc'ojlal. Cojn wal jun yisl win cha, may junc xo snul'j 'ix.