Jeremías 31:19 - Chuj San Sebastian Bible

¹⁹ 'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Chuj San Mateo Bible

¹⁹ Ix quiq'uel co b'a d'ayach, palta ix co na co b'a ticnaic. Ayic ix nachajel co chucal cuuj, toxon̈ej ix on̈ em n̈ojan yuj q'uixvelal. Emnaquilxon̈ej scutej co b'a yuj jantac co mul ix och d'a yictax co quelem uninal, xchi eb' aj Efraín chi' d'ayin.

Jeremías 31:19 ပူးပေါင်းရင်းမြစ်များ

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Job 13:26

Caw wal ya tas tzal 'ayn tzwab'i, tza c'anb'n cot 'ayin, 'aj xlaj 'och in paltail 'a yic quelm in 'unin.

Job 20:11

Caw wal te'nto yip eb' yuj quelmal, ax s'atcn eb' 'a yol lum 'a yet'l chamel.

Salmos 119:67

A yic mantzac 'och in yailal, til wal tas maysch'olnil xlaj in b'o', palta ax ticnec, a 'a paxti tzin yiclej.

Salmos 25:7

Ax pax jun tzo'n̈ in mul jun, man̈ a na coti, man̈ a na cot jun tzo'n̈ in tu nab'enal 'ix in b'o 'a yic quelm in 'unin. Tzin a na cot yet' a chamc'ojlal, yet' a wach'c'ojlal.

Is 54:4

Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 3:25

'Oj quic' 'ejm qui b'a yuj qui q'uixwc'ojlal on̈, yujto an̈ tic yet' eb' qui mam quichm on̈, caw wal x'och qui mul 'aych Jehová qui Diosal on̈. Yictax quelm on̈t 'unn on̈, masnto ticnec, caw wal ma'ix qui yiclj tas 'ix al 'ayn̈ on̈, xchi eb'.

Jeremías 32:30

Yictax yel yich chon̈b' Israel, 'ix sb'eylb'ej eb' jun tzo'n̈ tas matz chaj in c'ojol, 'ixta pax eb' et chon̈b' 'ay 'a Judá. An Jehová in, an tzwala to caw matz yactj eb' stzuntzn cot yowl in c'ojol yet' jun tzo'n̈ yechl mun b'ob'il yuj eb'.

Ez 21:12

Ach 'anma', 'el cab' aw oq'ui, yujto 'oj tzu'xoc cham eb' in chon̈ab' yet' eb' 'aych yajlil 'a scal eb'. A eb' yajl cha, junn̈j 'oj 'aj eb' scham yet' eb' chon̈ab', ach xo tic, tza mac' sn̈i a c'ojl yuj cusc'ojlal.

Ez 21:17

An xo tic, 'oj in poc' in c'ab' yic tzwi'n 'el yowl in c'ojl 'a yib'n̈ eb' 'anma'. An Jehová in, an tzwala, xchi Dios, xa chi 'a eb', xchi 'ayin.

Ez 23:3

A chawn̈ 'ix tic, caw cob's to eb', xya'n 'och sb'a eb' 'ajmulal 'a Egipto; ata xyac' eb' yamxoc yim, 'ix 'e'cn scob'sal eb' chi ta'.

Ez 36:26

A jun nab'en caw wach', a 'oj wac' sjelc e tu nab'enal, ax yiclumal a chi 'oj wac' sjelc e pital.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Lc 15:30

Palta ax jun onnal tic, ton̈j scomn laj win a tumn yet' eb' 'ix 'ajmul 'ix, ax ticnec, tzjapx winac. Yuj winac xa'n milxc cham no wacx b'a'ch yajx servil, xchi win 'a smam cha.

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Dt 30:2

Toto ax tic yet' eb' eyunnal, eyisil tzex meltzj pax 'a Jehová yet' smasnil e c'ojol yet' 'a smasnil e nab'en, tze b'eylb'an pax jun tzo'n̈ schecnb'il wan waln can 'ayx ticnec,

2 Ti 2:25

An̈jtona', 'emmquil tzyutj eb' yaln 'a eb' tzchichn 'och 'a 'a. Toq'ue 'oj yac' Dios sna sb'a eb', ax yojcan 'el eb' jun cuynb'il caw yel.