Jeremías 31:15 - Chuj San Sebastian Bible

¹⁵ Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

Chuj San Mateo Bible

¹⁵ Syalanxi Jehová chi' icha tic: Tz'ab'chaj val yoch av d'a chon̈ab' Ramá, ay mach sic'sic'an val yoc' yuj yaelal. A ix Raquel tz'oc' val ix yuj eb' yune'. Man̈xa sgana ix snivanaj sc'ool, yujto man̈xalaj eb' yune' ix ix cani.

Jeremías 31:15 ပူးပေါင်းရင်းမြစ်များ

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.

Gn 37:35

Smasnil eb' yunnal yet' eb' yisil, xya'lj to wal eb' ya'n sniwnal sc'ojl smam cha, palta man̈xtoc tznib'j win tz'ajx sniwnal sc'ojol. Caw wal tz'oc' win yuj win yunnal cha, xyaln 'ixtic: Caw wal tzin cus yuj win wunnal cha, masnto 'oj in 'at yet' win 'a chamel, xchi winac.

Gn 42:13

Xyaln pax ewin 'ixtic: —Ma'ay, an̈ tic on̈ mamin, lajchwan̈ qui b'ey on̈, cu'tacn̈ej qui b'a on̈, junn̈j qui mam on̈, ata cajn on̈ 'a Canaán. A win cu'tac slajb' 'unn on̈, 'aycn win yet' qui mam on̈, ax junx winac, man̈x 'a win 'ayc' quet' on̈, xchi ewinac.

Gn 42:36

Yuj cha, xyaln win smam ewin chi 'ixtic: —Caw tu tzin eyutj tzwab'i. Man̈x 'a junc wunnal tzcan eyu'uj, win José man̈x 'ayc 'ec' winac; an̈jtona 'ixta pax win Simeón, tze nib'n pax tzeyij 'at ni Benjamín tic. A mach tzyab' syail, an toni, xchi Jacob.

Job 7:21

¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

Salmos 37:36

palta yajn̈ej 'ix satl eb', man̈x 'a eb' 'ayq'ui. 'Ix cob' in sayc' eb' palta man̈x 'ic 'ilchj eb' wu'uj.

Salmos 77:2

A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.

Is 10:29

Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

Is 22:4

Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Jeremías 10:20

Tox 'ix lan̈chj 'ejm in mantiado, tox 'ix n̈i'chj smasnil sch'an̈il. Tox in yactj can eb' wunnal, man̈x 'a eb' 'ayc' wet'oc. Man̈x 'a mach tzb'on in mantiado jun 'ejm xo, man̈x 'a pax junc mach tzlich'n q'ue yen̈l wib'an̈.

Jeremías 40:1

'Ix paxtin pax Jehová 'ayin, yic tox in 'ajx 'el 'a libre 'a chon̈b' Ramá yuj Nabuzaradán, win scomandanteil eb' stan̈mal win sreyl Babilonia. 'Ilchjnacn yuj Nabuzaradán to jalb'iln yet' q'uen cadena, 'ayn 'och 'a scal eb' 'anma 'aj Jerusalén yet' eb' 'aj Judá, eb' wan yijx 'at 'icha presoal 'a Babilonia.

Lm 5:7

A eb' qui mam quichm on̈, a eb' 'ochnc smul, palta chamnc xo eb'. Ax ticnec, a 'a quib'n̈ tzjaw yailal yuj smul eb' cha.

Ez 2:10

'Ix xuyn 'at jun ch'an̈ un̈ chi 'a wojltac, tz'ib'b'il jun un̈ chi 'a schapaq'uil, ax tas tz'ib'b'il 'a ch'an̈, atn yab'xil cusc'ojlal, yailal yet' 'el-l 'aw.

Josué 18:25

Lum schac'ajil 'ay chan̈lajn̈e chon̈b' yet' yaldeail, atn eb' tic: Gabaón, Ramá, Beerot, Mizpa, Cafira, Mozah, Requem, Irpeel, Tarala, Zela, Elef, Jebús (atn Jerusalén) Gabaa yet' Quiriat. Atn jun tzo'n̈ chon̈b' tic xyique'ej eb' yin̈tl Benjamín.

Jueces 4:5

A 'ix Débora cha, ata tz'em wocn 'ix 'a yich jun te palma 'ay 'a jolm witz 'a yol yic Efraín, 'a snan̈l Bet-el yet' Ramá. Ata tzxitc' eb' israel sb'oyaj yowl 'a 'ix, yuj cha, x'ajx can scuch te palma chi, Te palma yic Débora.

A Ch'an̈ B'ab'el Libro Samuel 7:17

Tzlajw cha, tzmeltzj 'a chon̈b' Ramá, yujto ata 'ay yatut. A pax ta 'ay sdespacho yic tzb'onyaj eb' yit chon̈ab'. Ata sb'o pax jun yet'l xajmb'al yic Jehová.