Jeremías 30:14 - Chuj San Sebastian Bible

¹⁴ Smasnil eb' 'ay cob' schamc'ojlal 'ayex, ex 'atcn 'a satc'ojlal yuj eb'. Man̈xtzac ex sna eb' jab'oc. An wal 'ix wac' eyailal si'mb'il, 'icha 'ajc'ojl wajch 'ayex, yujto niwn maysch'olnilal xe b'o'o, caw man̈x b'ischjb'enoc e mul cha.

Chuj San Mateo Bible

¹⁴ Masanil eb' tzex xajanani, toxo ix ex b'at satc'olal yuj eb'. ¿Toc tzato sna eb' tas tzex aji? A in ix ex vac' echnajoc, icha ajc'ol vajoch d'ayex. Te nivan eyaelal ix vac'ochi, yujto man̈ jantacoc e chucal, man̈xo b'ischajb'enoc.

Jeremías 30:14 ပူးပေါင်းရင်းမြစ်များ

Job 16:9

A Dios 'ix 'och tza'n wu'uj, in ya'n lajwc 'eli, 'ijn wal in smil cham 'icha tzyac' junc no calte'al noc'. Tzcham wal yoch q'ueln 'ayin, 'icha to 'ajc'ojl yajch 'ayin.

Job 19:11

'Ix ya' cot wal yowl sc'ojl 'a wib'an̈, 'icha wal junc 'ajc'ojl yajch 'a 'a, 'ixta wal in yutej.

Job 30:21

Tu tzotj a nab'en 'ayin, tzin a pech b'ey yet' yowl a c'ojol.

Salmos 107:17

'Ay eb' maysch'olnil snab'en, 'ix laj 'och syailal eb', caw tzyab' eb' syal yuj tas maysch'olnil tzb'o'o.

Is 57:13

A yic 'oj 'el eyaw e c'ann in colwal, an xo tzwal 'ayex to a cab' eb' e diosal chi tzex colni. A eb' cha lajn eb' 'icha c'alem, 'oj 'utz'xoc 'at eb' yuj 'ic'. Ax pax eb' tzin 'a'n 'och 'a sc'ojol, 'oj can cajn eb' 'a jun chon̈b' tic, 'oj can eb' 'a lum tzaln to wicn̈ej yaji, xchi Dios.

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Jeremías 22:20

'Ix yaln Jehová 'ixtic: Ex 'aj Judá, q'uen̈ec c'och 'a jolm witz Líbano, tzlajw cha, tzex 'awj ta'. Caw 'ip tzex 'awj 'a lum jolmctac witz 'ay 'a Basán, yet' pax 'a eb' lum tzalctac 'a yol yic Abarim. Yujto smasnil eb' 'aych eyet'oc, c'uxn satl eb'.

Jeremías 22:22

'Oj 'ijxoc 'at eb' eyajlil yuj eb' 'ajc'ojl 'icha junc niwquil 'ic', ax eb' 'aych eyet'oc, 'oj 'ijxoc 'at eb' 'icha presoal. Toxn̈ej 'oj e q'uixw can 'eli. Man̈x 'a yel'ch 'oj eyajcni, yuj ton wal e maysch'olnilal.

Jeremías 30:15

¿Tas yuj til wal yel eyaw yuj eyailal cha? A eyailal cha, man̈x 'a yan̈il, yujto caw niwn e maysch'olnilal. Caw man̈x b'ischjb'enoc e mul, yuj cha, 'ixta tzex wutej.

Jeremías 32:29

A eb' caldeo wan ya'n owl 'a jun chon̈b' tic, 'oj 'oxtoc eb' 'a yol chon̈b' tic, ax sn̈usn can eb', ax stz'a smasnil jun tzo'n̈ n̈a 'aj xlaj ya'ch eb' 'anma smul 'ayin, a 'a span̈nil yib'n̈ jun tzo'n̈ n̈a cha, ata xyac' tz'a eb' incienso 'a Baal, 'ix ya'n pax eb' yal uva 'a jun tzo'n̈ chuc diosal.

Jeremías 32:30

Yictax yel yich chon̈b' Israel, 'ix sb'eylb'ej eb' jun tzo'n̈ tas matz chaj in c'ojol, 'ixta pax eb' et chon̈b' 'ay 'a Judá. An Jehová in, an tzwala to caw matz yactj eb' stzuntzn cot yowl in c'ojol yet' jun tzo'n̈ yechl mun b'ob'il yuj eb'.

Jeremías 32:34

'Intax to 'ix yixtj 'el eb' jun watut to wicn̈ej yaji, 'ix ya'ch eb' jun tzo'n̈ yechl to caw yajb'entac 'a yojol.

Jeremías 32:35

An̈jtona 'ix sb'o chan̈ eb' yet'l xajmb'al yic Baal 'a span̈nil lum yic Ben-hinom. Ata tzyac' tz'a eb' yunnal yet' yisl xajmb'al-l 'a Moloc. 'Ixta wal x'aj yoch smul eb' 'aj Judá, yic sb'on eb' jun tzo'n̈ tas to man̈oc in xwala, a tas tzb'o eb' cha, may tas x'ec' xon jac 'a in nab'en.

Jeremías 38:22

Smasnil eb' 'ix 'ix 'oj can to cob' 'a a despacho, yowlal 'oj 'ijxoc 'elt eb' 'ix, ax yajx 'och eb' 'ix 'a yol sc'ab' ewin general yic win sreyl Babilonia, ax yaln eb' 'ix 'ixtic: A eb' caw swach'c'ojl win rey, 'ix yixtj paxti eb' winac, yuj cha, x'ejm winac. 'Icha to 'ix 'actx can 'at win 'a scal b'i'ch yuj eb', 'ix yi'n 'el sb'a eb' 'a stz'ey winac, 'oj schic eb' 'ix.

Jeremías 4:30

A Jerusalén, tox 'ix 'ixtx 'eli. Lajn tzyutj sb'a 'icha junc 'ix 'ix to nab'axoj tzb'o sb'a yet' te pichl nab'a púrpura. Tzya'n 'och 'ix q'uen oro caw wach' yilx 'a 'a, caw q'uic' tzyutj 'ix ya'n 'och yan̈l yol sat. Wach'xam caw wach' yilx tzyutj ton 'ix sb'on sb'a, palta man̈x 'a jac yel'chi, yujto a ewin winc chamc'ojlb'il cob' yuj 'ix, tox xyajx can 'el 'ix yuj ewinac. A tas tzna ewinac, to tzsay ewin tas 'oj yutc smiln cham 'ix. 'Ixta wal yaj Jerusalén yet' jun tzo'n̈ xo nacion̈.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Jeremías 5:5

'Oj in 'at paxtinc yet' eb' 'anma caw niwn yel'chi. A eb' cha, tecn yojc eb' tas tznib'j Jehová sDiosal eb', yet' tas tzyal 'a eb', xin chi cob'i'. Palta smasnil jun tzo'n̈ eb' cha, an̈jtona x'och eb' tenmtacl 'a Dios, ma'ix syiclj eb' tas 'ix yala.

Jeremías 5:6

Yuj ton wal cha, 'oj 'eltoc no león 'a scal niwc te', ax smiln cham no eb'. Ax no 'ocs 'a lum cusltac lu'um, a no 'oj ch'iychtanc eb'. 'Oj c'och no leopardo 'a sti schon̈b' eb'. Toto 'ay eb' 'oj 'eltoc, caw choc' 'oj yutc no sch'iychtan can 'at eb', yujto caw niwn smul eb' x'ochi. Caw niwn 'ejm xyactj can eb' Dios, xin chi 'a in nab'en.

Jeremías 50:42

Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.

Jeremías 6:23

Yet' eb' sjul-lab', yet' slanza, caw yel xo tu eb', man̈xtzac 'o'ch sc'ojl eb'. 'Icha sc'an̈ a mar 'ixta sc'an̈ sb'ey eb' 'ay q'ue 'a yib'n̈ chej. Lista xo yaj eb' scot wul yac' owl eyet' ex cajn ex 'a Jerusalén, xchi Dios.

Lm 1:19

'Ix cob' qui c'an scolwal jun tzo'n̈ xo nacion̈ 'aych quet' 'a calni, palta ton̈j on̈ yixtj paxti eb' on̈. A eb' ya'mal 'och qui ti 'a Dios yet' eb' yichm wincal chon̈ab', 'ix laj 'elt eb' cob' say jac tas tzc'ux 'a yol caye, palta ax x'aji, xlaj chamcn eb' ta'.

Lm 1:2

Lajn 'icha junc 'ix 'ix ji'jmtac yoc' 'a junjn 'ac'wal; jichlji yem yal sat 'a spac'b'il sti'. Ax eb' nacion̈ wach' cob' yaj yet'oc, may junc eb' tz'a'n sniwnal sc'ojol. Smasnil eb' swach'c'ojl cha, 'ix meltzj 'och eb' 'ajc'ojlal 'a 'a.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Ez 23:22

Yuj cha, an Jehová Yajl in, an tzwal 'aych 'ixtic: A wal eb' xa nib'j 'och cha, ax ticnec xyoch'b' eb' o'oj, an 'oj wa'ch eb' 'ajc'ojlal 'ayach,

Ez 23:9

Yuj cha, 'ix wa'n 'ix 'a yol sc'ab' ewin tzchamc'ojlan cha, atn ewin 'aj Asiria, yujto snib'j 'och 'ix ewinac.

Dn 9:11

An̈ tic on̈, xqui ten tas xyal a checnb'il, ma'ix qui chaj cab' tas xala. Yuj wal qui mul cha, xjaw jun tzo'n̈ yailal tic 'a quib'n̈ on̈, atn jun tzo'n̈ tz'ib'b'il can 'a ch'an̈ libro yuj a checb' Moisés.

Dn 9:13

Smasnil jun tzo'n̈ yailal tz'ib'b'il can 'a ch'an̈ libro yuj Moisés, 'ix jaw 'a quib'n̈ on̈. Mamin Jehová ach qui Diosal, ma'on̈ 'och tza'n o'oj. Axn̈ej 'a spatquil maysch'olnilal on̈ 'atcn on̈, man̈x 'ic qui yiclj a paxti'.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Os 2:5

A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Abdías 1:7

Smasnil eb' 'aych eyet'oc, 'oj ex yixtc eb', 'oj ex spechl eb' 'a sat e lu'um. A wal eb' e wach'c'ojol, caw 'oj meltzjoc 'och eb' 'ajc'ojlal 'ayex, 'oj yac' 'ejm eb' ch'an̈ yal 'a yol e b'e, palta ma'oj eyil cot e b'a.