Jeremías 3:14 - Chuj San Sebastian Bible

¹⁴ 'Ix yaln pax Jehová 'ixtic: Ex in chon̈b' to caw tenmtac, meltzjan̈c cot 'ayn an e Yajlil in tic. Junjn ex, 'oj ex wi' cot 'a junjn chon̈ab'. Chatcwan̈il 'oj ex wutc ex wi'n cot 'a junjn macn̈ 'in̈tal. 'Ixta 'oj ex wutc wi'n meltzjoc 'a Sión.

Chuj San Mateo Bible

¹⁴ Ix yalanxi Jehová icha tic: Ex in chon̈ab' te pit, meltzajan̈ecxi d'ayin, yujto eyetb'eyum vaji. Junjun ex ol ex vic'cot d'a junjun chon̈ab'. Chatacvan̈ ol aj ex vic'ancot d'a junjun macan̈ in̈tilal. Icha chi' ol aj ex vic'anxicancot d'a Sion.

Jeremías 3:14 ပူးပေါင်းရင်းမြစ်များ

2 Cr 30:6

Xlajw cha, 'ix 'at eb' schecb' win rey 'a smasnil yol yic Israel yet' 'a yol yic Judá yet' ch'an̈ scarta win rey yet' eb' yajl yaj yet'oc. Xchi 'a ch'an̈ carta chi 'ixtic: Ex quit israelal on̈, meltzjan̈c 'a Jehová qui Diosalec, atn sDiosal Abraham, Isaac yet' Israel, sec 'oj meltzjoc pax cot Dios 'ayex, ex to 'atnc 'ex 'elc 'a yol sc'ab' eb' sreyl Asiria.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Is 10:22

Wach'xam a chon̈b' Israel caw wal niwn sb'isl yanma 'icha yarenail sti a mar, palta jaywn̈ xoj eb' 'anma chi 'oj meltzjoc 'a schon̈ab'. A eb' 'anma chi smasnil, 'oj satl eb' 'icha yaj yalx cani, 'ixta 'oj yutc Dios sb'eyc'ojlwi.

Is 17:6

Jaywn̈xoj eb' 'oj can 'a schon̈b' cha, 'icha pax tzyac' junc te 'awb'en olivo tz'ijx 'emt sat, t'un̈ctac xoj tz'ajcn chab' 'oxe'oc sat chi 'a sn̈i 'el sc'ab', mto cojxn chan̈ o'e'oc sat chi tzcan 'a jun te chi smasnil, 'ixta 'oj 'aj eb', xchi Jehová, atn sDiosal chon̈b' Israel.

Is 27:12

A 'a jun c'ul cha, 'ay wal tas 'oj sb'o Jehová, 'icha wal to 'oj te'wc trigo, 'oj 'atn̈j 'a a Éufrates masnto 'a a b'eymal a yic Egipto; palta ax xo pax ax israel ex tic, junjnal 'oj eyaj eyijx chan̈ yu'uj.

Is 31:6

Ex yin̈tl can Israel, meltzjan̈c 'a jun mach 'ajtil caw tenmtac xeyutj e b'a.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Is 57:17

Yuj smul eb' israel 'ix ya'chi, yuj cha, in owx 'och 'a eb', xwi'n 'el in b'a 'a stz'ey eb'. Palta 'ix yac' pitb'oc 'el sb'a eb', sb'on eb' tas 'icha tznib'ej.

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Jeremías 3:12

Ach Jeremías, 'ixic, 'at alcn 'el jun tzo'n̈ paxti tic 'a eb' et israelal. Ata tzach 'at q'ueln 'a stojlal norte, tzaln 'a eb' 'ixtic: A Jehová, a tzaln 'ixtc 'ayex: ¡Ex israel to caw tenmtac, meltzjan̈c cot 'ayin! An Jehová in, an tzwala, to man̈ owloc 'oj wutc ex in chani, man̈ smasnilc tiempo 'ay cot wowl 'ayex, yujto caw wal 'ay in chamc'ojlal.

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 31:6

Yujto 'oj jawc jun c'ual, a eb' tan̈wjum 'a lum jolmctac witz 'a yol yic Efraín, caw 'ip 'oj yal eb' 'ixtic: Cotn̈ec muc'uc, coyc 'a Sión 'a 'aj 'ayc' Jehová qui Diosalec, 'oj schic eb', xchi Dios.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Ro 9:27

Palta yaljnac can Isaías yab'xil eb' quit israelal chi 'ixtic: A eb' wit israelal, wach'xam caw niwn 'oj 'aj sb'isl eb' 'icha sb'isl yarenail sti a mar, palta jaywn̈n̈ej eb' 'oj colchjoc.