Jeremías 29:23 - Chuj San Sebastian Bible

²³ 'Ixta wal 'oj 'aj sjaw 'a yib'n̈ eb', yujto yel xo tu tas tzb'o eb' 'a yol e chon̈ab'. Tzb'o eb' 'ajmulal yet' yistzil eb' yit wincal. Tzya'n eb' 'es, tzyaln 'el eb' jun tzo'n̈ paxti chi 'a in b'i, palta man̈oc in tzwac' yal-l eb'. An Jehová in, an tzwala, wojc tas yaji, xchi Dios, xin chi 'a jun carta cha.

Chuj San Mateo Bible

²³ Icha chi' ol aj sja d'a yib'an̈ eb' vin̈, yujto te chuc tas sc'ulej eb' vin̈ d'a yol e chon̈ab'. Tz'em eb' vin̈ ajmulal yed' eb' ix yetb'eyum eb' yetvinaquil. Syalan juntzan̈ esal lolonel eb' vin̈ d'a in b'i, man̈oc in tzin chec yal eb' vin̈. A in Jehová in svala', vojtac tas yaji, xchi Jehová, xin chib'at d'a jun in carta chi'.

Jeremías 29:23 ပူးပေါင်းရင်းမြစ်များ

Gn 31:50

Toto tu 'oj otc 'a eb' 'ix wisl tic, mto 'oj a say jun tzo'n̈ocx eb' 'ix 'ix estziloc, wach'xam may mach tzyac' sb'a testigoal, palta a Dios qui testigo tz'ajcni, xchi winac.

A Ch'an̈ Schab'l Libro Samuel 13:12

'Ix ta'w 'ix 'a win 'ixtic: —May nul'ej, man̈ in ac' pural yic tza nib'n a b'on junc tas 'ayin, yujto a jun tic, may 'aj tzb'o 'a scal eb' quit chon̈ab'. Man̈ a b'o jun tic, caw wal q'uixweltac.

Pr 5:21

Yujto a Jehová wan yiln sb'eyb'al junjn mach, tzyil tas tzb'o'o.

Jeremías 13:27

'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Jeremías 16:17

Yujto tzwil smasnil tas tz'el sb'on eb'. May junc mach tztac' sc'ub'n 'el sb'a 'a in sat, matz tac' xon sc'ub'n 'el smul 'a in sat.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Jeremías 23:16

A Jehová tztac' yuj smasnil, a 'ix aln 'ixtic: Ex israel, man̈ e cha eyab' tas tzyal eb' tzyalch sb'a in checb'oc cha, yujto a tas tzya'ch eb' yipc e c'ojol, caw man̈ yeloc. Mun tzpitz chan̈ eb', man̈oc in tzwac' yal eb'.

Jeremías 23:21

Man̈oc in xin checb't jun tzo'n̈ checb' cha, may pax jac tas xwal 'a eb'. Wach'xam caw ji'lti cob' yec' eb' yal-l 'a in b'i.

Jeremías 23:32

An tzwala, to caw own pax 'a jun tzo'n̈ eb' checb' tz'ac yal-l swayich. Yuj wal jun tzo'n̈ niwc 'es tzyac' eb' cha, yuj cha, tzsatcn 'at eb' in chon̈b' yuj eb'. Palta man̈oc in 'ix in checb't eb', may junc in checnb'il xwal 'a eb'. Yuj cha, may tas wach' yi'n eb' in chon̈b' 'a eb', xchi Dios.

Jeremías 29:21

An Jehová in, tztac' wuj smasnil, e Diosal in paxi, tzwal yuj win Acab yunnal Colaías, yet' pax yuj Sedequías yunnal Maasías, atn eb' tzaln 'el jun tzo'n̈ 'es paxti 'a in b'i: 'Oj wac' milxoc cham eb' yuj Nabucodonosor cha. Q'ueln ex 'och wal 'ax tic, ax smiln cham win eb'.

Jeremías 5:8

Lajn eb' 'icha no man̈cron chej caw wach' tz'aj yajx servil, amancotn yeq'ui. Tzanxn̈ej eb' winc tz'och tza'n 'a spatquil yistzil yit wincal.

Jeremías 7:11

Am tze na'a, to a jun watut tic, lajn 'icha junc n̈aq'uen 'aj tzc'ub'j 'el sb'a eb' 'elc'um. An Jehová in, an tzwala, to an tic tzwil smasnil tas tze b'o'o.

Ez 35:13

Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.

Malaquías 2:14

Tze c'anb'n 'ixtic: ¿Tas laj yuj matz cha'aj? xe chi. Matz cha'aj, yujto caw a Jehová 'ix 'ilni, to ma'ix eyac' 'el'choc e ti eya'jnac 'a eb' 'ix 'ix eyijnac e b'a yet' 'a yic quelmal, wach'xam a eb' 'ix 'ix cha, eyistzil cob' eb' 'ix, yic eya'n can e ti eyi'n eb' 'ix.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 3:14

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Laodicea: 'Ay jun caw yel. Caw wach' tzyutj ya'n testigoal sb'a, yujto cojxn yel tzyala. An̈j b'ojnac smasnil tas yet' Dios. A tzaln 'ayx 'ixtic:

Jueces 11:10

'Ix ta'w eb' yajl chi 'ixtc 'a Jefté: —A sat Jehová tzcaln cani, to 'oj qui b'o 'icha tzal cha, xchi eb' 'a 'a.