Jeremías 29:21 - Chuj San Sebastian Bible

²¹ An Jehová in, tztac' wuj smasnil, e Diosal in paxi, tzwal yuj win Acab yunnal Colaías, yet' pax yuj Sedequías yunnal Maasías, atn eb' tzaln 'el jun tzo'n̈ 'es paxti 'a in b'i: 'Oj wac' milxoc cham eb' yuj Nabucodonosor cha. Q'ueln ex 'och wal 'ax tic, ax smiln cham win eb'.

Chuj San Mateo Bible

²¹ A in Jehová Yajal in d'a Smasanil, e Diosal in paxi, sval yuj vin̈aj Acab yuninal vin̈aj Colaías yed' yuj vin̈aj Sedequías yuninal vin̈aj Maasías, aton eb' vin̈ tz'alan juntzan̈ esal lolonel d'a in b'i: Ol vac'och eb' vin̈ d'a yol sc'ab' vin̈aj Nabucodonosor sreyal Babilonia. A vin̈ ol checan miljoccham eb' vin̈ d'a eyichan̈.

Jeremías 29:21 ပူးပေါင်းရင်းမြစ်များ

Jeremías 20:4

Yujto xyal Jehová 'ixtic: 'Oj wa'ch wal xiwc'ojlal 'a eb'an̈, yet' 'a smasnil eb' 'a wach'c'ojol. Q'ueln ach wal 'ochi, ax yem eb' a wach'c'ojl chi yuj yespada eb' 'ajc'ojl yajch 'ayach. Ax 'aj Judá ex tic, 'oj ex wa'cn 'och 'a yol sc'ab' win sreyl Babilonia. A win 'oj eyi'n 'at 'a Babilonia cha, mto 'oj ex smiln winac.

Jeremías 20:6

Ach wal ach tic Pasur, 'oj ejx 'at 'icha presoal 'a Babilonia yet' smasnil eb' cajn et' 'a yol atut. Ata 'oj a chami, ata 'oj a mucx yet' smasnil eb' a wach'c'ojl cha, atn eb' 'aj xalcn 'el jun tzo'n̈ 'es paxti', xchi Dios, xin chi 'a winac.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Jeremías 29:15

Ax tic tzeyala: 'Ayx eb' schecb' Jehová 'a qui calc 'a Babilonia tic, xe chi.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.