Jeremías 29:17 - Chuj San Sebastian Bible

¹⁷ An Jehová in, tztac' wuj smasnil, an tzwala: 'Oj wa't owal, wejel, yet' yab'il 'a scal eb'. 'Oj wac' yajxoc eb' 'icha jun tzo'n̈ te higo c'alxo, caw juwnac xo, man̈xtzac stac' sloxi.

Chuj San Mateo Bible

¹⁷ A in Jehová Yajal in d'a Smasanil sval icha tic: Ol vac'b'at oval, vejel yed' ilya d'a scal eb'. Lajan ol vutejcan eb' icha juntzan̈ te' higo c'aeltacxo, te chuclaj, maxtzac yal sloji.

Jeremías 29:17 ပူးပေါင်းရင်းမြစ်များ

Jeremías 27:8

Toto 'ay junc nacion̈ chi ma'oj ya'ch sb'a 'a yaln̈ schecnb'il Nabucodonosor cha, an Jehová in, an tzwala, to 'oj wa'ch yailal 'a yib'an̈, atn owal, wejel, yet' yab'il, masnto 'oj satl eb' yu'uj.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 43:11

A yic 'oj jawoc, 'oj satl jun nacion̈ Egipto tic yu'uj. A mach to a yab'il xon 'oj milnoc, atn yab'il chi 'oj milnoc, a mach to 'oj 'ijxoc 'at xon 'icha presoal, 'oj 'ijxoc 'at 'icha presoal, a mach to a 'a owl xon 'aj 'oj chamoc, atn 'a owl chi 'oj chamoc.

Jeremías 52:6

Caw 'ix niwtj wal wejl 'a jun chon̈b' cha, man̈x 'a jac tas wach' sc'uxn eb' 'anma'. A 'a yic sb'aln̈il c'u yoch schan̈l 'uj yic jun ab'il cha,

Lc 21:11

Til wal 'aj 'oj 'ec' jun tzo'n̈ quixcab' caw ow. Til wal 'aj 'oj yamchjc eb' 'anma yuj yab'il, ax sjaw pax niwn wejl 'a yib'n̈ eb'. 'Ay wal jun tzo'n̈ senya caw niwn yel'ch 'oj sch'ox sb'a 'a satcha'an̈, caw wal 'oj xiw chan̈ eb' 'anma yu'uj.

Lc 21:23

A wal yic 'oj 'at eb' 'anma 'elc 'a jun tiempoal cha, caw 'oltac eb' 'ix 'ix 'ayx tz'i'ni, yet' eb' 'ix tzyac' chuw yune'. Yujto caw niwn yailal 'oj jawc 'a yib'n̈ eb' 'anma 'a jun tzo'n̈ lugar tic. Yujto a Dios 'oj ya' cot yowl sc'ojl 'a yib'n̈ eb' quit israelal.

Apoc 6:8

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.