Jeremías 29:14 - Chuj San Sebastian Bible

¹⁴ 'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Chuj San Mateo Bible

¹⁴ A in Jehová in svala', ol in ch'oxn̈ej in b'a d'ayex. Ol in q'uex tas eyaji. Ol ex vic'cot d'a masanil nación yed' d'a masanil b'aj ix ex in saclemejcanb'ati. Ol ex in molb'ej, ol ex vic'anpax meltzaj b'aj ayex ec' cajan ayic ix ex ic'jib'ati, xchi Jehová.

Jeremías 29:14 ပူးပေါင်းရင်းမြစ်များ

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

Salmos 126:1

A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Salmos 126:4

Mamin Jehová, 'a'x a wach'c'ojlal 'a quib'n̈ on̈ 'icha xon caj 'a pecti 'on̈. 'Icha tz'aj syaxb' pax sat lum cusltac lum yuj n̈ab' 'a lum Neguev, 'ixta cab' tzon̈ otj on̈.

Salmos 32:6

A eb' yiclum, yal cab' sb'a eb' 'ayach, a yic tzjaw niwc yailal 'a eb'. Wach'xam tzjaw 'icha a 'elmal a', palta ma'oj c'och 'a eb'.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Is 43:5

Man̈ex xiwoc, 'ayn 'ec' eyet'oc. 'Oj in molb'tzoc cot eb' eyit chon̈b' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'ejm c'u, sec junxn̈ej 'oj eyaji.

Is 43:6

'Oj wal 'a eb' chon̈b' 'ay 'a stojlal norte 'ixtic: 'A'c meltzjoc eb' in chon̈ab', 'oj in chioc. Ax 'a eb' chon̈b' 'ay 'a stojlal sur, 'oj wal 'ixtc 'a eb': Man̈ eyamch wan eb', 'ijec cot eb' wunnal yet' eb' wisl 'aycn 'at 'a caw najt cha, eb' 'ay 'a 'aj tzlajw c'och yolyib'n̈q'uinal.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

Is 55:6

'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Jeremías 12:15

Ax yic 'oj lajwc in satn 'el eb' cha, 'ixta to b'i'an, ax yo'x 'och in c'ojl 'a eb' jun 'ejm xo, ax wi'n pax meltzjoc eb' 'a sat slu'um, yet' 'a schon̈ab'.

Jeremías 3:14

'Ix yaln pax Jehová 'ixtic: Ex in chon̈b' to caw tenmtac, meltzjan̈c cot 'ayn an e Yajlil in tic. Junjn ex, 'oj ex wi' cot 'a junjn chon̈ab'. Chatcwan̈il 'oj ex wutc ex wi'n cot 'a junjn macn̈ 'in̈tal. 'Ixta 'oj ex wutc wi'n meltzjoc 'a Sión.

Jeremías 30:10

Ex israel yin̈tl can Jacob, caw man̈ ex xiwoc, yujto in checb' eyaji, 'oj ex in col 'elt yet' eb' eyunnal 'a jun nacion̈ 'ay 'a najt 'aj yamchjnacx 'at 'icha presoal. An Jehová in, an tzwala, to 'oj eyaj cajn jun 'ejm xo 'a junc'ojlal yet' 'a tzaljc'ojlal, man̈x 'a mach 'oj e xib'tni.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Jeremías 30:3

Yujto 'ay jun c'u 'oj jawoc, 'oj in jel tas 'aych 'a yib'n̈ in chon̈b' Israel yet' 'a Judá. An Jehová in, an tzwala to 'oj wi'x meltzjoc eb' chon̈b' 'a lum lum wa'jnac yico'oc eb' e mam e yicham, xchi Dios.

Jeremías 31:16

Ach Raquel, man̈x ach 'oc'oc, man̈x ac' 'eltoc yal a sat, yujto an Jehová in, an tzwala to a tas 'ix a b'o yuj swach'loc eb' one cha, 'oj a cha spac. A eb' one cha, 'oj 'eltoc eb' 'a slum eb' 'ajc'ojol, ax sjapx cajn eb' 'a tic.

Jeremías 31:17

An Jehová in, an tzwala to tztac' a'n 'och yipc a c'ojl yuj tas 'oj ujc yic b'aq'uin̈. A eb' one', 'oj meltzj cot pax eb' 'a schon̈b' tic.

Jeremías 31:23

A Jehová tztac' yuj smasnil, atn qui Diosalec an̈ israel on̈c tic, a tzaln 'ixtic: A yic 'oj wi'nc pax meltzjoc eb' israel jun 'ejm xo 'a slu'um, yet' 'a schon̈ab', 'oj yalx eb' chon̈b' 'a yol yic Judá 'ixtic: Ya' cab' Jehová syaxilal 'a yib'n̈ jun tzaln to sic'b'il 'el yuj tic, atn lum 'aj tzb'eylb'ax tojlal, 'oj schic eb'.

Jeremías 51:10

Tzyal eb' 'aj Israel yet' eb' 'aj Judá 'ixtic: Wan spacn Jehová 'a eb' yuj tas on̈ yutjec eb'. Coyec, 'at calc 'el 'a Sión, yuj tas wan sb'on Jehová qui Diosalec, xchi eb'.

Jeremías 8:3

An Jehová in, tztac' wuj smasnil, an tzwala, to a jantc eb' 'anma 'oj canc 'a spitznal 'a jun tzo'n̈ 'anma tic, caw 'oj snib'c cham sb'a eb', 'a yib'n̈ to tzcancn eb' 'a pitznal 'a 'aj 'oj sactzic can 'at eb' 'a jun tzo'n̈ xo lugar.

Ez 37:21

Tzlajw cha, tzaln 'a eb' 'ixtic: 'Ixtc wal xyutj Jehová Cajlil yaln 'ayex: Ex israel, an 'oj ex wi'x 'elt 'a scal jun tzo'n̈ nacion̈ 'aj c'ochnc ex; 'oj ex in molb'tzoc, ax ex wi'n 'at 'a e lum jun 'ejm xo.

Ez 39:25

Palta ax ticnec, an Jehová Yajl in, an tzwal 'ixtic: Caw wal tz'o'x 'och in c'ojl 'a eb' israel, atn eb' yin̈tl can Jacob. 'Oj wa'x in wach'c'ojlal 'a eb' jun 'ejm xo, yic tz'ijx chan̈ in b'i.

Am 9:14

yujto 'oj wi'x cot eb' in chon̈b' 'a 'aj 'aycn 'at 'icha presoal, ax sb'on pax chan̈ eb' schon̈b' lan̈chjnac 'ejmi. 'Oj canx cajn eb' 'a 'a, 'oj yawc eb' te uva, ax yu'n eb' yalil te'. 'Oj yawc eb' yawb'ente', ax slon eb' sat te'.

Miqueas 4:12

Palta a jun tzo'n̈ nacion̈ cha, man̈ yojcoc eb' tas nab'il yuj Jehová. Man̈ yojcoc eb' toto 'oj e molb'tzax yu'uj, 'icha wal tz'aj smolb'tzax 'ixm trigo 'a junc 'amac', 'ixta 'oj ex yutoc.

Sofonías 3:20

A yic jun tiempoal cha, 'oj ex in molb'tzoc pax coti, ax wecn eyam e b'a. 'Oj eyil wal yet' e sat yuj tas 'oj wutc in jeln tas 'aych 'a eyib'an̈. 'Oj wac' 'ijxoc chan̈ e b'inab'ilal, sec 'ay eyel'ch 'a scal smasnil eb' 'anma 'a yolyib'n̈q'uinal, xchi Dios.

Ro 10:20

An̈jtona Isaías, ste'wtzej sb'a yalni, tas yaljnac Dios yuj eb' man̈ israeloc, 'a 'aj tzyal 'ixtic: A eb' 'anma man̈ in nanoc yu'uj, a eb' xjaw 'ayin, a eb' matz in c'anb'n 'eq'ui, a eb' 'aj xin ch'ox in b'a, xchi.

Dt 30:1

Tox 'ix wac' e si'lc yaxilal 'oj jawc 'a eyib'n̈ yuj Jehová qui Diosalec toto 'oj eyicloc. An̈jtona waljnacx jun tzo'n̈ catab' 'oj ya' cot 'a eyib'an̈ toto ax tic 'oj e patquiljcan 'el Jehová. Palta a yic sactzicnacx eyajcn 'at 'a jun tzo'n̈ nacion̈ 'a caw najat, 'oj nachjoc 'el eyu'uj to a tz'a'n 'och eyailal.

Dt 30:3

toto 'ixta 'oj eyutc e b'a, ax Jehová qui Diosalec 'oj sjel pax snab'en 'a eyib'an̈. 'Oj 'o'x 'och sc'ojl 'ayex. Ax ex smolb'tzan cot jun 'ejm xo 'a jun tzo'n̈ nacion̈ 'aj pechb'ilx can 'at 'a 'icha presoal.

Dt 30:5

A 'oj eyi'n paxt jun 'ejm xo 'a sat lum lum 'aj 'e'nc cajn eb' qui mam quichmec, ax e cajn pax lum jun 'ejm xo. Caw 'oj eyoch ricoal, 'ec'b'al xo 'oj 'aj e b'isl 'a yib'n̈ eb' qui mam quichmec cha.

Dt 4:7

May junc xo niwquil nacion̈ to 'ayc' sdiosal yet' 'icha wal ya'jc Jehová qui Diosalec 'a qui calc tic. A yic tzqui c'annec junc tas 'a 'a, tzyac' 'ayn̈ec.