Jeremías 28:16 - Chuj San Sebastian Bible

¹⁶ Yuj cha, 'ix yal Jehová 'aych 'ixtic: 'Oj ach wi'l 'a sat lum lum tic. A 'a jun ab'il tic 'oj a chami. Yuj jun tzo'n̈ a paxti 'ix ala, yuj cha, 'ix 'och eb' chon̈b' tic tenmtacl 'ayin, xchi Dios, xin chi 'a 'a.

Chuj San Mateo Bible

¹⁶ Yuj chi' syal Jehová icha tic: Ol ach in satel d'a sat lum tic. Yuj a lolonel ix al chi', ix vach' pitb'iel juntzan̈ anima tic d'ayin, yuj chi' a d'a jun ab'il tic ol ach chamoc, xchi Jehová, xin chi d'a vin̈.

Jeremías 28:16 ပူးပေါင်းရင်းမြစ်များ

Gn 7:4

Yujto yic ucb'ix, ax wa'n cot jun niwquil owl yaxn̈ab' 'a sat lum tic. Chawinc c'u chawinc 'ac'wl 'oj yac'a'. 'Ixta wal 'oj wutc in satn 'el smasnil tas in b'ojnac 'a sat lum lum tic, xchi Dios 'a Noé.

A Ch'an̈ B'ab'el Libro Yic Yab'ixal Eb' Rey 13:34

'Ixta wal 'ajnc yoch smul win Jeroboam yet' smasnil eb' yin̈til, yuj wal cha, satx 'el eb' 'a sat lum lum tic.

Ex 32:12

Comnoc ma'oj a cha yal eb' 'aj Egipto chi 'ixtic: 'In to tu snab'en Dios 'a yib'n̈ eb' 'anma cha. Ton̈j xwul yi'l eb' 'a tic yic tzcham eb' 'a cusltac lum yu'uj, sec am tzsatcn 'el eb' 'a sat lum lum tic, 'oj schic eb'. Yuj cha, comnoc man̈toc 'ayn̈j cot yowl a c'ojl 'a yib'n̈ eb' a chon̈b' tic, comnoc tzac' wal niwnc'ojlal eb'.

Jeremías 20:6

Ach wal ach tic Pasur, 'oj ejx 'at 'icha presoal 'a Babilonia yet' smasnil eb' cajn et' 'a yol atut. Ata 'oj a chami, ata 'oj a mucx yet' smasnil eb' a wach'c'ojl cha, atn eb' 'aj xalcn 'el jun tzo'n̈ 'es paxti', xchi Dios, xin chi 'a winac.

Jeremías 28:17

A 'a yic yucl xo 'uj yoch jun ab'il cha, 'ix cham Hananías.

Jeremías 28:3

Yic wal chab' ab'il ticnec, ax wi'n pax meltzjoc smasnil syamc'ab'il watut 'ic'b'il 'at yuj rey Nabucodonosor 'a Babilonia.

Am 7:17

Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.

Am 9:8

A Jehová tz'iln jun nacion̈ tic yet' sreyal, to caw maysch'olnil eb', yuj cha, tzyaln 'ixtic: 'Oj in satl jun nacion̈ tic, palta an Jehová in, an tzwala, to ma'oj in satl smasnil eb' yin̈tl Jacob tic 'a jun 'ejmn̈ej.

Dt 6:15

A Jehová qui Diosalec 'ayc' wal 'a qui calec, 'ay smay tzcot yowl 'ayex. Toto tzeyal e b'a 'a jun tzo'n̈ comn dios cha, ax ex satn 'el 'a jun 'ejmn̈ej 'a sat lum lum cha.