Jeremías 28:14 - Chuj San Sebastian Bible

¹⁴ An Jehová in, tztac' wuj smasnil, sDiosal in Israel, an tzwala: 'Ix wa'ch wal jun yugo to nab'a hierro 'a yib'n̈ jun tzo'n̈ chon̈b' tic yic tz'och eb' mosoal 'a win Nabucodonosor cha. An̈jtona e no calte'al noc', 'ix wa'cn 'och e no 'a yaln̈ schecnb'il jun rey cha, xchi Jehová, xa chi 'a 'a, xchi Dios 'ayin.

Chuj San Mateo Bible

¹⁴ A in Jehová Yajal in d'a Smasanil, sDiosal in Israel sval icha tic: Ix vac'och jun yugo nab'a hierro d'a yib'an̈ juntzan̈ nación valnac, yic scan eb' d'a yalan̈ smandar vin̈aj Nabucodonosor sreyal Babilonia. An̈ejtona' noc' caltacte'al noc', ix vac'canoch noc' d'a yalan̈ smandar jun vin̈ rey chi', xchi Jehová.

Jeremías 28:14 ပူးပေါင်းရင်းမြစ်များ

Jeremías 15:12

'Ix yaln Jehová 'ixtic: Ex 'aj Judá, ma'oj techjoc eya'n owl yet' eb' 'ajc'ojol, yujto lajn eb' 'icha q'uen hierro caln yaj yet' q'uen bronce tzcot 'a stojlal norte, may mach tztac' sma'n wecchjoc, 'ixta eb' cha.

Jeremías 27:4

Al 'a eb' to tzyal eb' 'a syajlil, to an Jehová in, tztac' wuj smasnil, sDiosal in Israel, an tzwal 'ixtic:

Jeremías 27:8

Toto 'ay junc nacion̈ chi ma'oj ya'ch sb'a 'a yaln̈ schecnb'il Nabucodonosor cha, an Jehová in, an tzwala, to 'oj wa'ch yailal 'a yib'an̈, atn owal, wejel, yet' yab'il, masnto 'oj satl eb' yu'uj.

Jeremías 40:4

A ticnec, 'oj wi'l q'uen cadena tic 'ayach. Toto tza nib'j tzach 'at wet' 'a Babilonia, tztac' a 'ati, an 'oj ach in ya'ilc ta'. Toto matz a nib'j tz'ach 'at jun, tztac' tzach can 'a tic. Libre yaj smasnil lum lum tic 'a yol a c'ab', tztac' 'a si'lni 'aj wach' tzach cani, xchi win 'ayin.

Lm 1:14

'Ix yil Dios to caw x'och qui mul on̈, yuj cha, mun a qui mul chi on̈ jaln 'ejm on̈. A jun cha, caw wal 'al yaj q'ue quiln 'a quib'n̈ 'icha junc 'icatz, caw wal tz'el quip yuj on̈. Tox on̈ ya'ch Cajlil 'a yol sc'ab' eb' 'ajc'ojl yajch 'ayn̈ on̈. Caw wal man̈x 'ic stac' qui coln qui b'a 'a eb' on̈.

Dn 2:38

Ach ya'n 'och yajlil 'a sat smasnil lum lum 'aj cajn eb' 'anma', 'aj 'ay no calte'al noc', yet' no ch'ic. A Dios cha, a 'a'jnacch 'och yajlil 'a yib'n̈ smasnil tas, yuj cha, ach tzach yal sjolm jun yechl to nab'a oro cha.

Os 10:11

A 'a yic yaln̈taxi, a eb' 'aj chon̈b' Efraín, lajn eb' 'icha junc no quelm wacx c'aync xo smunlji, yiclum xoj ste'w trigo, c'un xoj sto'x sti', man̈xtzac 'och te yugo 'a 'a. Palta ax ticnec, 'icha to 'oj wa'ch te yugo chi 'a sjolom, yic 'oj 'och wal 'a munljel. A eb' 'aj Judá, 'oj t'ocwc lum eb' yet' q'uen arado, ax nan̈l xo eb' yin̈tl Jacob, 'oj munljoc eb' yet' q'uen rastrillo.

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.

Dt 4:20

Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.