Jeremías 26:22 - Chuj San Sebastian Bible

²² Yuj cha, 'ix schecn 'at win rey Joacim chi schecb' 'a Egipto cha, atn Elnatán yunnal Acbor, yet' jun tzo'n̈ xo eb' winac.

Chuj San Mateo Bible

²² Ix checjib'at vin̈aj Elnatán yuninal vin̈aj Acbor yed' juntzan̈xo eb' vin̈ vinac yuj vin̈aj rey Joacim d'a Egipto chi'.

Jeremías 26:22 ပူးပေါင်းရင်းမြစ်များ

Gn 36:38

A yic xcham Saúl, ax win Baal-hanán yunnal Acbor x'ochx can yajlil.

A Ch'an̈ Schab'il Libro Yic Yab'ixal Eb' Rey 22:12

Yajn̈j cha, 'ix ya'n win rey 'awtxoc cot win Hilcías, win Safán 'ajtz'ib', yet' jun yunnal win tzcuch Ahicam, yet' win Acbor yunnal Micaías, yet' win Asaías, schecb' win rey. 'Ix yaln win rey chi 'a eb' 'ixtic:

A Ch'an̈ Schab'il Libro Yic Yab'ixal Eb' Rey 22:14

Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

Salmos 12:8

A eb' tzlaj b'on maysch'olnil cha, tzanxn̈ej 'aj tzlaj sb'an̈ sb'a eb' yujto tzlaj tzalj eb' 'anma yet' tas maysch'olnil.

Pr 29:12

Q'uinloc a junc yajal tzchaj yab' 'es paxti', ax eb' 'aych yet' 'a yopiso cha, tz'och eb' 'a'm 'esal smasnil.

Jeremías 29:3

'Ix 'ijx 'at jun carta chi yuj Elasa yunnal Safán, yet' Gemarías yunnal Hilcías, atn eb' tic xchecx 'at yuj Sedequías sreyl Judá 'a Babilonia 'a win Nabucodonosor. A jun carta cha, tzyal ch'an̈ 'ixtic:

Jeremías 36:12

Yuj cha, 'ix 'at 'a 'aj 'ay sdespacho win rey 'a scuarto win 'ajtz'ib', atn 'a 'aj yamn yaj eb' caw niwc yel'ch yopiso: atn Elisama, win 'ajtz'ib', Delaía yunnal Semaías; Elnatán yunnal Acbor; Gemarías yunnal Safán; Sedequías yunnal Hananías, yet' jun tzo'n̈ xo ewin 'aych yopiso.

Jeremías 36:25

A Elnatán yet' Delaía, yet' pax Gemarías, caw 'ix tew 'och eb' 'a win rey cha, yic wach' matz n̈us win ch'an̈, palta ma'ix schaj xon win yab' tas xyal eb'.

Jeremías 39:14

a ewin in 'at 'a'nc 'ijxoc cot 'a 'amc' 'a 'aj 'ayn 'och 'a preso. In ya'n can 'och eb' 'a yol sc'ab' win Gedalías yunnal Ahicam win yixchicn Safán, sec tzin ya'ilx yu'uj. In ya'n win 'ijxoc 'at 'a yatut, 'ixta in 'aj in can cajn 'a scal eb' wit chon̈b' 'aycn 'a Judá.

Ez 8:11

A 'a yojltac jun tzo'n̈ yechl cha, ata oyn 'och 70 eb' yichm wincal chon̈b' Israel yal sb'a. A 'a scal eb' cha, ata 'ayc' Jaazanías win yunnal Safán. C'uxn yet' eb' stz'ab'c'ac' smasnil, caw wal tzq'uic'b' 'ejm stab'l incienso yuj eb'.