Jeremías 26:20 - Chuj San Sebastian Bible

²⁰ (An̈jtona pax win schecb' Dios tzcuch Urías, yunnal Semaías 'aj chon̈b' Quiriat-jearim, a 'ix paxtin 'el 'a sb'i Jehová 'a jun chon̈b' tic, yet' 'a jun nacion̈ tic, 'icha wal xyutj paxtinc sb'a Jeremías tic.

Chuj San Mateo Bible

²⁰ (Yed' pax vin̈ schecab' Dios scuchan Urías yuninal vin̈aj Semaías, aj Quiriat-jearim, a vin̈ ix lolon d'a sb'i Jehová d'a jun chon̈ab' tic yed' d'a juntzan̈xo chon̈ab' ay d'a yol smacb'en, icha ix aj valan Jeremías in tic.

Jeremías 26:20 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:10

'A sat Jehová qui Diosalec tzwaln 'ayach, to may junc lum nacion̈, 'aj ma ach sayx 'ec' yuj win wajlil cha. 'Ix laj yalnc eb', to man̈ ach 'ayc 'ec' ta', yuj cha, xyaln win wajlil chi 'a jun tzo'n̈ nacion̈ cha, to tzyac' eb' sti 'a winac, sec to yel to man̈ ach 'ayc' 'ec' ta'.

A Ch'an̈ Schab'il Libro Yic Yab'ixal Eb' Rey 23:37

Caw maysch'olnil x'el sb'on 'a sat Jehová, lajn 'icha sb'ojnac eb' smam yicham.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Jeremías 36:19

'Ix yaln eb' 'ixtc 'a winac: —'At c'ub'j 'el a b'a yet' Jeremías, may cab' mach tz'ojcan 'el 'aj tzex c'ochi, xchi eb' 'a winac.

Josué 15:60

Lum slajn̈c'ajil 'ay chab' chon̈b' yet' yaldeail, eb' lum 'ay 'a jolmtac witz: Atn Quiriat-baal, (atn pax tzcuch Quiriat-jearim) yet' Rabá.

Josué 18:14

Axta tzmeltzj smon̈jonal chi 'a stojlal sur 'a lum witz 'ay 'a yojltac 'at Bet-horón, masnto 'a Quiriat-baal (tzcuch pax Quiriat-Jearim). Yic eb' yin̈tl Judá yaj jun chon̈b' cha, atn smon̈jonal lum tic 'ay 'a stojlal 'aj tz'em c'u.

Josué 9:17

Xlajw xoj cha, 'ix 'at eb' soldado israel chi 'at yil eb'; ax 'a schab'jial 'ix c'och eb' 'a schon̈b' eb' cha, atn chon̈b' Gabaón, chon̈b' Cafira, chon̈b' Beerot yet' chon̈b' Quiriat-jearim.

A Ch'an̈ B'ab'el Libro Samuel 6:21

'Ix ya'n 'at eb' 'anma chi schecb' 'a eb' 'aj Quiriat-jearim, 'ix yaln 'at eb' 'ixtic: A eb' filisteo, 'ix wul ya'x can eb' te scaxail strato Jehová, yuj cha, to tzwul eyi'x te', xchi eb'.

A Ch'an̈ B'ab'el Libro Samuel 7:2

Junc'l ab'il xcan te caxa chi 'a chon̈b' Quiriat-jearim, ax smasnil eb' israel, 'ix tew 'och eb' wal 'a Jehová.