Jeremías 26:15 - Chuj San Sebastian Bible

¹⁵ Palta 'ojquejec 'el wal jun tic si'mb'il: Toto ax tic yet' eb' 'anma tic, tzin e mil chamoc, 'oj 'och jun tic e muloc, yujto tze mil cham jun mach to may jac smul. Yujto caw yel, a Jehová x'a'n wal-l smasnil jun tzo'n̈ paxti xwala, xin chi.

Chuj San Mateo Bible

¹⁵ Palta, ojtaquejec val el sic'lab'il: Tato a ex yed' eb' anima tic tzin e milchamoc, ol och e mul yujto tze milcham junoc mach malaj smul. Yujto val yel, a Jehová ix checan val juntzan̈ lolonel tic, xin chi d'a eb'.

Jeremías 26:15 ပူးပေါင်းရင်းမြစ်များ

Gn 4:10

'Ix yaln pax Dios 'ixtc 'a winac: —¿Tas yuj 'ixta xa b'o'o? A schic'l win o'tac 'ix 'elcn 'a sat lum lum tic o'oj, 'icha to a tzyal sb'a 'ayin, yic tzin b'onyaji.

Gn 42:22

Xyaln win Rubén 'a eb' yu'tac 'ixtic: —Waljnac 'ayex to matz 'och e mul 'a winac, palta ma'ix e chaj eyab' 'a tas xwala. A ticnec tic wal tzcot 'a quib'n̈ec yuj xchamlil winac, xchi winac.

A Ch'an̈ Schab'il Libro Yic Yab'ixal Eb' Rey 24:4

yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.

2 Cr 24:22

A rey Joás man̈xtoc 'ix sna cot schamc'ojlal Joiada sch'oxjnac 'a 'a, atn smam Zacarías. A yico' to 'ix yac' milxoc cham Zacarías cha. A yic jab'xoj scham winac, xyaln can 'ixtic: A cab' Jehová tz'iln jun tic, a cab' 'oj 'a'nc yowlal, xchi.

Pr 6:16

'Ay uc c'aj tas matz chaj sc'ojl Jehová: Atn b'an̈quinal, 'a'j 'es, milj cham 'anma may smul, naj chan̈ paxti man̈ wach'oc, b'oj maysch'olnil 'a yajn̈ej, 'a'j 'och 'es 'a yib'n̈ junc xo mach, pitzj chan̈ owl 'a scal eb' yit 'anma'il.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Jeremías 2:34

Caw chi'ctac e pichl yuj schic'l eb' meb'a may jac smul. Xe mil cham eb', wach'xam man̈ wanoc yoch eb' 'elc'l 'ayex.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Jeremías 26:12

Xlajw cha, in paxtin 'a eb' yajl cha, yet' 'a eb' chon̈ab', 'ix waln 'a eb' 'ixtic: A Jehová x'a'n wal jun tzo'n̈ xeyab' waln 'a eyib'an̈ yet' 'a jun yatut Dios tic, yet' 'a yib'n̈ jun chon̈b' tic.

Jeremías 30:1

Atn jun tzo'n̈ paxti tic 'ix yal Jehová 'ayn 'ixtic:

Jeremías 7:6

Man̈x eyixtc eb' chuc chon̈b'al, eb' meb'a 'unn chamnc smam yet' eb' 'ix 'ix chamnc yichmil. Man̈x e mil cham eb' 'anma may smul. Man̈x eyac' 'emmquilal 'a jun tzo'n̈ comn dios tzex jun 'eli.

Nm 35:33

Man̈ eyixtc 'el lum lum chi 'aj 'oj eyaj cajn chi yuj schic'l eb' 'anma tzmilx chamoc. Toto 'ay chic' tz'elcn 'a sat lu'um, may junc xo tas tztac' ya'n tupoc, cojxnto tzcham jun 'ay smul cha.

Mt 26:25

Ax win Judas, 'oj 'a'nc 'och Jesús 'a yol sc'ab' chaml cha, 'ix yaln win 'ixtc 'a 'a: —Ach in Cuymal, ¿man̈ inoc am an tic? xchi 'a 'a. —Ach ton tic, xchi 'a winac.

Mt 26:4

Ata xlaj yal eb', tas 'oj yutc eb' ya'n 'och 'es 'a yib'n̈ Jesús, sec tzyamchj yuj eb', tzmiln eb'.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

Dt 19:10

Toto 'ixta', man̈ comnoc 'oj 'el schic'l eb' 'anma may smul 'a sat lum lum 'oj yac' Jehová Dios 'ayex, may pax junc ex 'oj comn 'och chaml chi 'a eyib'an̈.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.