Jeremías 25:33 - Chuj San Sebastian Bible

³³ A wal eb' 'oj cham yuj Jehová 'a jun c'ul cha, b'ulctac 'oj 'ajcn sniwnal eb' chi 'a smasnil yolyib'n̈q'uinal. May mach 'oj 'oc' yuj eb', may pax mach 'oj molb'tzanc sniwnal eb' yic tzmucx eb', 'oj can tzicn sniwnal eb' chi 'a sat lum 'icha stza no noc'.

Chuj San Mateo Bible

³³ A eb' ol cham yuj Jehová d'a jun c'u chi', teltumb'a ol ajcan eb' d'a smasanil yolyib'an̈q'uinal tic. Malaj mach ol oc' yuj eb', malaj mach ol molb'an snivanil eb' yic smucji. Toxon̈ej ol can b'ulan snivanil eb' d'a sat luum icha stza' noc' noc'.

Jeremías 25:33 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 9:37

A sniwnal cha, sactzicnac 'oj 'ajcn 'icha tz'aj spuct stza no noc' 'a sat lum 'a yol yic Jezreel, sec wach' may junc mach 'oj stac' yaln 'ixtic: A 'a tic mucn 'ix Jezabel, man̈ xchioc, xchi Dios, xchi Elías cha, xchi Jehú.

Salmos 79:3

'Icha sb'ey a a', 'ixta wal xb'ey schic'l eb' 'a yol chon̈b' Jerusalén, may xon mach xmucn eb'.

Salmos 83:10

Ata 'ix chamcn eb' 'a Endor, 'ix 'ochcn eb' syaxilc sat lum lu'um.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Ez 21:11

A jun espada cha, caw wal tzictzni x'aj sb'o'i, caw jay pax ye, lista xo yaji yic tz'ajx 'a yol sc'ab' jun 'oj milwjoc cha, xchi Dios, xa chi 'a eb'.

Ez 29:4

An 'oj wa'ch q'uen lucb' 'a yol sti', ax no chay 'a yojl a a 'aj b'aln 'ec' cha, 'oj 'och tzayn e no 'a solcal. Ax in to'n q'uet 'a yojl a a chi yet' e no chay cha.

Ez 29:5

'Oj in julcn 'at 'a lum cusltac lum yet' e no chay tzq'uet 'a yol a cha, man̈x 'a mach 'oj si'n cha'an̈, may mach 'oj mucnoc. 'Oj wac' schib'joc no calte'al noc' yet' e no 'usej.

Sofonías 2:12

An̈jtona ex 'aj Etiopía, 'oj e lajw pax yuj yespada Jehová, ax e chami.

Apoc 11:9

Nan̈l schan̈l c'u 'oj can t'ocn eb' ta'. Til wal 'anma 'oj 'ec' 'ilnoc sniwnal eb' chamnc cha. Til wal chon̈ab', til wal nacion̈ 'aj 'oj laj cot eb'. Chucchc sti junjn c'aj eb'. A eb' 'anma cha, ma'oj scha eb' mucxoc sniwnal eb' chamnc cha.