Jeremías 25:24 - Chuj San Sebastian Bible

²⁴ Yet' smasnil eb' rey 'ay 'a chon̈b' Arabía atn junjn macn̈ eb' 'anma 'ay 'a cusltac lu'um.

Chuj San Mateo Bible

²⁴ Ix vac'anpax d'a eb' rey d'a Arabia yed' d'a masanil macan̈il anima cajan d'a taquin̈ luum.

Jeremías 25:24 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:15

Ax stojlb'al eb' chon̈wjum, yet' stojlb'al smasnil eb' rey 'a yol yic Arabia, yet' yic eb' yajl 'a yol yic Israel, man̈ 'ayc 'och jun tzo'n̈ chi stz'acb'oc.

2 Cr 9:14

Man̈ 'ayc 'och pax q'uen stojlb'al eb' chon̈wjum stz'acb'oc q'ue'en. An̈jtona yet' smasnil eb' sreyl Arabia yet' smasnil eb' gobernador 'a yol smacb'en chon̈b' Israel, tzyij cot eb' q'uen oro yet' q'uen plata 'a 'a.

Is 21:13

A jun tzo'n̈ tic alb'il can 'ixtc 'a yib'n̈ Arabia: Ex chon̈wjum 'aj Dedán, ex to tz'ec' 'ac'wl eyuj 'a calcte 'a Arabia:

Jeremías 25:20

yet' junjn macn̈ eb' 'anma 'ayc' ta'. 'Ix wa'n pax yuc' smasnil eb' rey 'ay 'a chon̈b' Uz, yet' eb' 'ay 'a yol smacb'en eb' filisteo: atn Ascalón, Gaza, Ecrón yet' eb' 'ayt can pax 'a Asdod.

Jeremías 50:37

Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.

Ez 27:21

A smasnil eb' yajl yaj 'a chon̈b' Arabia yet' 'a chon̈b' Cedar, a tas xyac' eb' stojloc tas sman cha, atn no quelm calnelu, no mam calnelu yet' no mam chiwo.

Ez 30:5

A 'a jun owl cha, 'oj cham eb' soldado tojb'il cotnc 'a Etiopía, Libia, Lidia, smasnil eb' chon̈b' yic Arabia, Cub, yet' jun chon̈b' 'ay strato yet'oc.