Jeremías 25:15 - Chuj San Sebastian Bible

¹⁵ A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Chuj San Mateo Bible

¹⁵ A Jehová co Diosal a on̈ israel on̈ tic, a' ix ch'oxan d'ayin icha vayichal, ix yalan d'ayin: Ina jun copa tic, b'ud'an yuj vino, sch'oxel yoval in c'ool. Ic'b'ati, tzac'an yuc' masanil nación b'aj ol ach in checb'ati.

Jeremías 25:15 ပူးပေါင်းရင်းမြစ်များ

Job 21:20

A eb' maysch'olnil snab'en, smoj wal schan eb' syailal yuj yowl sc'ojl jun Dios tztac' yuj smasnil.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Salmos 60:3

An̈ a chon̈b' on̈ tic on̈, 'ix ac' quil niwc yailal, 'icha to 'ix ac' cuc' jun yal uva tzcot 'a qui jolm yu'uj.

Salmos 75:8

Yujto a Jehová caw wal 'ay yowl sc'ojol, lajn 'icha junc vaso b'ut'n yet' yal uva to jawnacx sti'. A wal yic 'oj ya'n cot yowl sc'ojl chi 'a yib'n̈ smasnil eb' maysch'olnil sb'eyb'al 'a sat lum lum tic, c'uxn 'oj jawc 'a yib'n̈ eb' smasnil.

Salmos 75:9

Palta an tic, 'oj waln̈j 'el yab'xil qui Diosal an̈ yin̈tl on̈ Jacob tic, ax in b'itn yet' in wach' paxti 'a 'a.

Is 14:26

A jun tic, 'ayx 'ec' 'a in nab'en tas 'oj wutc yolyib'n̈q'uinl tic, tox xin na'a to 'oj in satl smasnil nacion̈ yet' in poder, xchi Dios.

Is 34:2

Yujto a Jehová caw 'ay cot yowl 'a jun tzo'n̈ xo nacion̈, yet' 'a smasnil eb' soldado. Tox 'ix snalb'ej satn 'el eb', ax scham eb' smasnil.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Is 51:22

A Jehová Cajlil qui Diosalec, qui colmalec a tzaln 'ixtic: 'Oj wi'x 'ec' yechl yowl in c'ojl 'a yol e c'ab', atn jun 'icha to tzex 'och 'u'm 'an̈l yu'uj, man̈x b'a'n̈ 'oj eyab' syal yu'uj.

Is 51:23

Ata 'oj wa'x 'a eb' tzlaj ex 'ixtn cha, atn eb' xlaj aln 'ayx 'ixtic: E'n̈ec teln 'a sat lum tic, ax qui b'atj 'ec' 'a eyib'n̈ on̈, xchi eb' 'ayex; ex 'ec' teln 'a sat lum cha, ex ste'wtan̈n eb' 'icha pococ, xchi Dios.

Jeremías 1:5

Yictax mantzac ach wac' pitzwc 'a a nun, toxn sic'b'ilch xon 'el wu'uj. A yic mantzac ach 'alji, ach wi'n xon 'och wico'oc, yic tzach 'och in checb'oc 'a scal jun tzo'n̈ nacion̈, xchi 'ayin.

Jeremías 36:2

'Ij cot junc ch'an̈ un̈ 'aj tzach tz'ib'ni, tzlajw cha, tza tz'ib'n can smasnil tas 'ix walcn 'el 'a yib'n̈ Israel, 'a Judá, yet' 'a jun tzo'n̈ xo nacion̈, yictax in yamn 'och wal 'aych 'a yol stiempoal Josías masnto ticnec.

Jeremías 43:11

A yic 'oj jawoc, 'oj satl jun nacion̈ Egipto tic yu'uj. A mach to a yab'il xon 'oj milnoc, atn yab'il chi 'oj milnoc, a mach to 'oj 'ijxoc 'at xon 'icha presoal, 'oj 'ijxoc 'at 'icha presoal, a mach to a 'a owl xon 'aj 'oj chamoc, atn 'a owl chi 'oj chamoc.

Jeremías 45:5

Caw man̈ smojc a c'ann tas tzach 'aj a q'ue'ch ricoal. Man̈ a c'ana', yujto 'oj wa' cot yailal 'a yib'n̈ smasnil 'anma'. Palta an Jehová in, an tzwala, to yaln̈j 'ajtil 'oj eq'ui, ma'oj ach in cha milxoc chamoc, xchi Dios, xin chi 'a Baruc.

Jeremías 46:1

'Ix paxtin Jehová 'ayn an Jeremías in tic yuj jun tzo'n̈ nacion̈.

Jeremías 48:26

Tzyaln pax Jehová 'ixtic: Somchjnacx snab'en eb' 'aj Moab, yujto tenmtac xyutj sb'a eb' 'ayin. Tzetzx cab' eb' yuj eb' 'anma', 'icha tz'aj stzetzx junc 'u'm 'an̈ tzb'al sb'a 'a scal xej.

Jeremías 49:12

'Ix yaln Jehová 'ixtic: 'Ay eb' man̈ smojc yab'n syail, a ticnec, yowlal 'oj yab' eb' syal yuj yowl in c'ojol, 'icha to 'oj yuc' eb' yal uva jawnc sti'. Ax xo ax tic, ¿tom ma'oj eyab' syal e nani? Yowlal 'oj eyab' syal yuj yowl in c'ojol.

Jeremías 51:7

'Ix in c'anlb'ej Babilonia yuj wa'n 'och yowl in c'ojl 'a yib'n̈ smasnil nacion̈. A Babilonia tic, lajn wal x'ajc' 'a yol in c'ab' 'icha junc vaso nab'a oro 'aj xwac' 'u'wc 'an̈ smasnil eb' cajn 'a yolyib'n̈q'uinl tic. A yic xyu'n eb' nacion̈ jun 'an̈ cha, caw 'ix q'ue 'a sjolm eb'.

Ez 23:32

An Jehová Yajl in, an tzwal 'ixtic: A tas xyu'j 'ix a nul'j cha, a pax 'oj wac' oc' ach tic. A jun vaso 'oj a c'an cha, caw niwquil, xab' pax yich. Ata 'oj b'ut'joc 'ejm sb'uchwal paxti eb' nacion̈ 'ayach.

Ez 23:33

A jun vaso cha, b'ut'n yet' tas tu'. 'Oj oyb'oc 'a jolm yu'uj, ax ya'n ab' syail, atn jun svaso a nul'j Samaria sc'anjnac.

Ez 29:12

A Egipto cha, 'oj wa'cn 'och 'a cusltac lumal 'icha 'ajnc jun tzo'n̈ xo nacion̈ slajw 'eli. Chawinc ab'il 'oj satcn 'ejm jun tzo'n̈ a chon̈b' cha, 'icha jun tzo'n̈ xo chon̈b' lan̈chjnac can 'ejmi. A eb' 'aj Egipto cha, 'oj wac' sactzic can 'at eb' 'a scal jun tzo'n̈ xo nacion̈ 'a sat lum lum tic.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Abdías 1:16

'Icha wal ex 'aj eyu'w 'an̈ 'a lum tzaln 'aj tz'och 'emmquilal 'ayin, 'ixta wal 'oj wutc wa'n eyuc' yowl in c'ojl yet' jun tzo'n̈ xo nacion̈. 'Oj eyuc' masnto 'oj e satl 'a jun 'ejmn̈ej.

Habacuc 2:16

Ax ticnec, 'ix c'och sc'ul eyico', man̈x 'oj eyijx cha'an̈, palta to 'oj 'ilxoc e q'uixwelal. A Jehová 'oj 'a'nc eyac' e q'uixwloc 'icha junc 'u'm 'an̈. 'Oj eyab' syal yu'uj, 'icha wal yailal 'ix eya'ch 'a yib'n̈ jun tzo'n̈ nacion̈ cha. Yuj cha, a e b'an̈quinal, q'uixweltac 'oj 'ajcn yu'uj.

Apoc 14:10

a eb' cha, yowlal 'oj jawc jun niwn yailal 'a yib'n̈ eb' yuj Dios. 'Icha junc yal uva tzjaw sti', caw ow, may jac a 'ay't 'a scal, 'ixta wal yowl sc'ojl Dios 'oj yac' 'a eb'. Caw wal ow si'mb'il. 'Oj yab' eb' syal 'a scal c'ac' yet' azufre 'a yojltac eb' yángel Dios, yet' 'a yojltac jun tzcuch Calnelu.

Apoc 14:19

Yuj cha, 'ix spoln 'och jun ángel chi sjos 'a yolyib'n̈q'uinal. 'Ix yi'n q'ue wan jun tzo'n̈ uva chi smasnil. 'Ix ya'n 'ejm 'a yojl jun niwquil te'lab' 'el yal uva. A jun cha, tzyal 'el'chi, atn yowl sc'ojl Dios.