Jeremías 23:30 - Chuj San Sebastian Bible

³⁰ Yuj cha, an Jehová in, an tzwala, to caw own 'a jun tzo'n̈ checb' ton̈j tzc'anb'laj yab' in paxti 'a jun tzo'n̈ yit checb'al, ax tzyutj yaln 'el eb', to in paxti tzyal-l eb'.

Chuj San Mateo Bible

³⁰ Yuj chi', te aycot yoval in c'ol d'a juntzan̈ checab' ton̈ej syal-laj yab' slolonel junjun, syalan eb' to a in lolonel syal eb'.

Jeremías 23:30 ပူးပေါင်းရင်းမြစ်များ

Salmos 34:16

Palta 'ay cot yowl sc'ojl 'a yib'n̈ eb' tzb'on maysch'olnil, yic tzsatn 'el snanb'il cot eb' 'a sat lum lum tic.

Jeremías 21:13

Ex 'aj Jerusalén, caw chan̈ eyajb't 'a lum pan̈n 'a'lic, 'icha junc niwquil tenm 'a lum pan̈n 'a'lic cha. An Jehová in, an tzwala, 'ay yowl in c'ojl 'ayex. Ax tic, tzeyal 'ixtic: ¿Mach wal 'oj stac' ya'n owl quet'oc? ¿Mach wal 'oj stac' sq'uel 'a 'aj tzqui col qui b'a tic? xe chi.

Jeremías 23:31

Caw own 'a jun tzo'n̈ checb' mun tzpitz chan̈ jun tzo'n̈ paxti tzyal-l 'a yol yico', ax tzyutj eb' yalni to an tzwal 'a eb'.

Jeremías 44:11

Yuj cha, tzwaln an Jehová in, tztac' wuj smasnil, e Diosal in pax ax israel ex tic: Tox xin na'a, to 'oj wa' cot junc yailal 'a eyib'an̈, ax ex in satn 'el e masnil ax 'aj Judá ex tic.

Jeremías 44:29

An Jehová in, an tzwa'cn jun senya tic 'ayex, chajtlto 'oj wa' cot yailal nab'il wuj 'a eyib'an̈. 'Oj ex wac' lajwc 'el 'a jun nacion̈ tic, 'icha wal xwutj wa'n can in ti'.

Ez 13:20

Yuj cha, an Jehová in, an tzwal 'ixtic: Caw wal tzin chac in b'a yet' jun tzo'n̈ nip tze b'o cha, yujto a yet' jun tzo'n̈ chi tze b'o maysch'olnil, a yet' tze montj eb' 'anma'. Palta an 'oj in col-l eb' 'a yol e c'ab', ax wa'n 'el eb' 'a libre 'icha junc no ch'ic tz'at 'eloc.

Ez 13:8

Yuj cha, an Jehová Yajl in, an tzwal 'ixtc 'a eb': Yujto man̈ yelc tas tzeyala, cojn 'es tzeyac'a, yuj cha, tzin 'och 'ajc'ojlal 'ayex.

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Dt 18:20

Toto 'ay junc cob' tzyalch sb'a in checb'oc, ax yaln tas to man̈oc in tzwal 'a 'a, mto tzyal 'a sb'i jun tzo'n̈ comn dios, a jun cha, yowlal tze mil chamoc.

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

A Sb'ab'el Carta San Pedro 3:12

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a, palta 'ay cot yowl sc'ojl 'a yib'n̈ eb' tzb'on maysch'olnil, xchi 'a Ch'an̈.