Jeremías 23:24 - Chuj San Sebastian Bible

²⁴ May xon junc lugar 'aj wach' e c'ub'n 'el e b'a 'a in sat. An tic, 'aynn̈ej 'ec' 'a satcha'an̈ yet' 'a sat lum tic.

Chuj San Mateo Bible

²⁴ A in val Jehová in svala': Malaj junoc b'aj vach' e c'ub'anel e b'a d'ayin. ¿Tom man̈ eyojtacoc to ayinn̈ej ec' d'a masanil satchaan̈ yed' d'a masanil sat luum?

Jeremías 23:24 ပူးပေါင်းရင်းမြစ်များ

Gn 16:13

Yujto xpaxtin Agar yet' Dios, yuj cha, xya'n can sb'ic Jehová 'ixtic: A Dios Wilmal. Wal yel xwil in Diosal tzin 'ilni, xchi 'ix.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

2 Cr 2:6

Palta b'i'an, ¿tom 'ay junc mach 'oj stac' sb'on chan̈ jun n̈a cha? 'Intax satcha'an̈ caw niwquil, palta matz yab' 'aj tz'aj Dios 'a 'a. ¿Tas wel'ch an tic, yuj cha, an tzin b'o chan̈ jun n̈a cha, wach'xam cojn wal junc lugar 'aj tz'ajx tz'a incienso 'a yojltac?

2 Cr 6:18

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

Job 34:21

A Dios yojc sb'eyb'al junjn 'anma', tzyila tas yec' junjn mach.

Job 34:22

A eb' maysch'olnil sb'eyb'al, matz tac' sc'ub'x 'el eb' yuj q'uic'q'uinal.

Salmos 10:11

Tznan eb' maysch'olnil chi 'ixtic: Satnc sc'ojl Dios 'ayon̈, chuc 'aj q'ueln 'ati, matz on̈ yil xon jab'oc, xchi eb'.

Salmos 139:7

¿'Ajtil tz'at in c'ub'c 'el in b'a 'a Espíritu? ¿'Ajtil wach' tzin c'ub'j 'el in b'a 'a ojltac?

Salmos 139:8

Q'uinloc cob' tzin 'at 'a satcha'an̈, a pax ta 'aych 'eq'ui; toto tzin 'em pax 'a xab'l yich lum lum tic, 'aych pax 'ec' ta'.

Salmos 148:13

Smasnil eb' tic, yal cab' eb' swach' paxti 'a Jehová, yujto cojn ton niwn yel'chi, a stzictznial, 'ayc'n̈ej 'a sat lum tic yet' 'a satcha'an̈.

Salmos 90:8

A qui mul yet' qui maysch'olnilal on̈, checln̈ej yaj 'a a sat.

Pr 15:3

'Ayc'n̈ej Jehová 'a smasnil lugar, q'uelnn̈ej 'och 'a eb' wach' yet' 'a eb' maysch'olnil.

Is 29:15

'Oltac wal eb' tzc'ub'j 'el cob' sb'a 'a sat Jehová snani, tzc'ub'n 'el eb' tas tzna'a, c'ultacl tzb'o eb' maysch'olnil, tzyaln eb' 'ixtic: May mach tzon̈ 'ilni, may mach 'oj 'ojcanc 'eli, xchi cob' eb'.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 16:17

Yujto tzwil smasnil tas tz'el sb'on eb'. May junc mach tztac' sc'ub'n 'el sb'a 'a in sat, matz tac' xon sc'ub'n 'el smul 'a in sat.

Jeremías 32:19

Caw niwn el'ch yuj tas tza na'a, yet' yuj tas tza b'o'o. Ach tic, tzel smasnil tas tzb'o eb' 'anma', tza'n spac 'a junjn eb' 'a 'icha wal tas smoj schan eb' yuj tas tzb'o'o.

Jeremías 49:10

Palta an xo tic, man̈x 'a xon jac tas 'oj wactc can 'a schon̈b' Esaú. Wojc wali to man̈x 'a 'aj wach' e c'ub'n 'el e b'a. A smasnil eb' eyunnal, eb' eyican, yet' pax eb' cajn 'a e tz'ey, c'uxn 'oj lajwc 'el eb'. Man̈x 'a junc mach 'oj canoc.

Ez 8:12

Yuj cha, xyaln 'ixtc 'ayin: Ach 'anma', ¿tzam el wal tas tzc'ultac b'oj eb' et israelal tic? Junjn eb' 'ichmtac winc cha, wocn 'och eb' yal sb'a 'a 'aj b'achn 'elt sdiosal cha. Am wal snan eb' to matz wil eb', 'actb'ilx can jun nacion̈ tic wuj snan eb', xchi 'ayin.

Ez 9:9

'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Ef 1:23

Ax yiglesia tic, 'icha to sniwnal yaji, tz'acn tzch'oxl swach'il. A Cristo tic, tz'acn yaj pax smasnil tas yu'uj.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.