Jeremías 22:29 - Chuj San Sebastian Bible

²⁹ ¡Ex cajn ex 'a jun nacion̈ tic, macljec eyab' wal tas tzyal Jehová!

Chuj San Mateo Bible

²⁹ Ab'ec val ex aj Judá, scham val eyab'an tas syal Jehová.

Jeremías 22:29 ပူးပေါင်းရင်းမြစ်များ

Is 34:1

Ex chon̈ab', nitzc cot e b'a yic tzex 'ab'xni, ex nacion̈ macljec eyab' tas 'oj alxoc. Yab' cab' pax yolyib'n̈q'uinl tic yet' smasnil tas 'ay 'a 'a.

Jeremías 6:19

'Ab'c ex cajn ex 'a sat lum tic. 'Oj wi' cot yailal caw maysch'olnil 'a yib'n̈ jun chon̈b' tic, yuj tas tu tzna eb' sb'oni; yujto ma'ix schaj eb' yab' in paxti'. A yic eb', to 'ix spatquilj can 'el eb' in checnb'il.

Ez 37:4

Xlajw cha, xyaln pax 'ixtic: Al 'a jun tzo'n̈ tacn̈ b'ac tic to tzchaj yab' eb' in paxti'.

Miqueas 1:2

E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.

Dt 31:19

A ticnec, tz'ib'j can jun b'it 'oj wal 'aych tic, tzlajw cha, tza'n scuy eb' et chon̈ab' sec 'oj sb'itnoc eb', yic tz'och testigoal wuj 'a eb'.

Dt 32:1

Yab' cab' satcha'an̈, yet' lum lu'um, tas 'oj wala'.

Dt 4:26

Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.